هارب منها إليها

البارت الرابع الزواج

الساعة ٥ الفجر
باليوم البجيت بي
اجاني اتصل من حكومة
الجاسوس
الخطر
تربيتي
ابني
ياهجرس انت ياخيط سرمدي
شعدك بذاك البيت وباقي بي
تجي للقصر
لانو اليردون يأذونك اذيتهم
ماعدا رافد خليته الك بكيفك تلعب بي
هههههههههههههه ياحكومة
اجي بس اني اريد اكلك شغلة
كول ياوليدي
اني اريد اتزوج من
من عسل
اي حكومة من عسل
وشلون راح يتم الزواج يرادلنا اقل شي شهر
لا مالها داعي هي بيبتها تبيعها بيع
باجر لمن تجي جيب وياك فلوس ٦ ملايين تقبل
وجيب وياك عباية
هههههههههه تغار عليها؟
اي اغار هاي مرتي
عليكفك ياجاسوس بعدهي ما تسجلت باسمك

ما نمت بذيج الليلة جان قراري متسرع
اتزوج وحركة كلبي وزين
جنت بس اريد أخذها
بس اريد تتسجل باسمي
بس اريد تكون ملكي
بس اريد اخذها قانون وشرع
ضليت للصبح كاعد
وعيني على الباب
سمعت صوت ام عطاء وهي كعدت
وسمعت صوت عسل
لمن فتحت الماي تريد تتوضى تصلي الصبح
عسل كملت صلاة وكامت سوت جاي
واجت ام عطاء حتى تغيرلي الضمادة وتداوي جرحي
لكتني كاعد
كلتلي صباح الخير يايمة
كتلها صباح النور
أجيتك كلت خطية لجنة موجوع خلي اغيرلك ضمادتك
رحملا والديج يمة
اريد افاتحج بموضوع
كول ياوليدي
اني اريد اخطب عسل
ساعة المباركة واني قابلة يايمة
بس اني اريد اليوم أخذها وكلشي ينتهي وتروح وياي بيتي
ها شني هذا الحجي حاتم هاي لا موجودة بعشايرنا ولا بتقاليدنا
مقابل ٤ مليون تبيعها
ها
مقابل ٦
هذه اني قابلة
بس شنو وين تعيشون
عرفتج والله نذلة باوعتلها بنضرات احتقار من فوك لجوا
اندك الباب قوي وهي ركضت تفتحة
دخل حكومة للطارمة وصاح يالله اكو نسوان لو اطب
عرفت حكومة هو يقصد عسل
ف كتلها عسل طبي بالغرفة وقفلي الباب ولا تطلعين
كلتلي حاضر وهي خايفة من الراح يصير
طب حكومة وسلم عليه وباسني
وطبوا ورا ٢٠ رجال كلهم من زلمنة المعدلة
بوسوني وتحمدولي على السلامة
كعدنا كلنا بالصالة
وام عطاء بنصنا
حكومة فتح الموضوع وكلها يم عطاء انتي معدلة واحنا معدلين واليوم جينا ناخذ عسل لابنا حاتم تعرفين انتي ام عطاء بجرح حاتم وضعة وهو وضيفته ما تسمح آلة والا جان سوينا فرح جبير وعرس
لا يا حجي هذه اني قابلة
وبما انه اني وام عطاء اتفقنا سابقا بالغرفة مشة كلشي بسلاسة اخذت ال٦ مليون والزلم طلعوا لبرا كلها ركبت بالسيارات ضليت بس اني وحكومة وام عطاء
حكومة شافني وشاف وجهي
شاف التعب العلية
كلت لحكومة وين العباية يلا خلي نروح
ام عطاء يا يمة المن العباية
لعسل اريدها تلبسها حتى نتوكل ونروح
لا يايمة عليمن كلفت الحجي عدها عباية ونقاب هسة البسها 
لبست عسل العباية والنقاب
وطلعت النا للصالة
كتلها عسل سلمي على عمج
وهي كالت لحكومة شلونك عمو
وهو كلها هلا ببنيتي هلا
قبل لا نطلع كتلها عسل اخذي كل غراضج الترديهن
وهي بلشت تلم
جنت اعرف عدها ذكريات وصور بالمدرسة وحمرتها الضامتها من بيبيتها لمت غراضها خلتهن بجنطتها مال المدرسة وأخذت دفاترها
جانت تسحل بيهم سحل
ومبينة ماتعرف تلبس العباية
اخذتهن من عدها
وخليت أيدي بايدها
وطلعت اني وحكومة وهي
ام عطاء كلتلها مع السلامة
وهي ردت على ام عطاء بيباي بيبي
بس ماجانت تعرف الوجهة وين ولا جانت تعرف احنا راح نتزوج 
اجتي السيارة وكفت كبالنا
حكومة صعد بالصدر
واني خليت غراضها بالجنطة
وصعدتها ورا وصعدت بصفها
جنت اعرف هي ولا يوم شبعت نوم
لانو ام عطاء تجبرها تكعد من ال٥ ومن ٦ الصبح
كتلها نامي ادري بيج نعسانة الطريق مالتنا طويل
وهي كالت ماشي عمو ونامت خلت راسها على السيارة وامنت ونامت جانت لازمة أيدي بايدها جان فرق الحجم بين ايدها وايدي مبين
هي مأمنة بية وبس
معقولة راح اكون كد الأمانة؟
جنت افكر وافكر بحياتي وبرافد وبيها
لحد ما وصلنا للقصر
طببوا السيارة جوا
واجة العامل يركض فتحلي الباب سلم عليه وتحمدلي بالسلامة رحت كعدتها
اخذت أيدي بايدها ونزلنا سوية
هي ضلت بس تتباوع للقصر
عمو هذا القصر الك؟
لا احنا معزومين هنا
ما شاء الله كلش جبير
اي حلو
طبينا لجوا وهي ضلت تباوع لكل جزء بالقصر
ضلينا نمشي لحد ما وصلنا للقاعة الرئيسية
وكعدنا اني وحكومة وهي
وكان الصمت سيد المكان
بس نضراتي اني وحكومة هي الجانت تحجي
حكومة صاح بصوته العالي
ام عبدالله تعاي لهنا شوية
اجتي ام عبدلله و شافتني كدامها ضلت تبوس بية من كل مكان وتتحمد الله وتشكره اني بقيت عايش وحكومة يكللها عوفي كافي بوس مرته بعد ما تقبل
واني اعض بشفتي لحكومة
وام عبدلله بعيونها نضرات استفهام جبيرة
حكومة كال لام عبدلله شوفي ام عبدلله هاي البنية اسمها عسل اريدج تاخذيها وياج للغرفة وما تقصرين عنها بأي شي تعتبرين مكانتها مثل مكانة حاتم
عسل ضلت مجلبة بأيدي ما ترضى تكوم
خايفة بس اني التعرفني من بين كل العالم
كتلها عسولة حبيبي لا تخافين هاي ام عبدلله تصير مثل امي روحي انتي وياها واني هسة أجيج
هنا ام عبدلله فهمت عسل تصير مرتي
راحت ام عبدلله وعسل للغرفة
رفعت نضراتي إلى حكومة
بس مو مثل نضراتي لمن جان عمري ١٦ سنة
حكومة بلش يتكلم وياي
شوف حاتم انت هسة متصوب
راح اجيبلك أرقى دكتور حتى يتابع حالتك
وبليل تروح تنتقم
اني ماعندي ولد يسكت عن حكة تفتهمني
وترجع لشغلك لانو الشغل محتاجك
كلتله صار سيدي
اني اريد اشتري بيت ثاني الي ولعسل
واريد اليوم نعقد عقد شيخ