اللهم صل وسلم على سيدنا محمد
في بيت سيد
سيد :يا امااا الله يرضي عنك قفلي علي الموضوع دا جواز مش هتجوز متعبتيش وانتي كل يوم تتكلمي في نفس الحوار
الست نبويه والده سيد :يابني ريحني العمر بيجري عايزه اشوف عيالك قبل ما اموت
قبل سيد راس والدته قائلا ربنا يديمك ليا يا اما
الست نبويه :يبقي ريح قلبي بص بص شوف الصور دي بنات من الحاره وبره الحاره شوف حلوين ازاي اختار انت بس طب بلاش دول لو في حد في بالك قول وانا من الصبح اخطبهالك
سيد:اللي في بالي مش هترضي بيها يا اما
الست نبويه :مين طيب
سيد :نور ياما
الست نبويه :بصدمه نور بنت روايه ملقتش غير دي يا ابن بطني
سيد : مالها دي يا اما البنت مؤدبه ومحترمه
الست نبويه :بس بنت روايه وانت عارف اللي بينا من زمان فشيلها من دماغك خالص سمعت
سيد لا يا اما مش هشيلها من دماغي ولو انطبقت السما علي الارض انا بحبها واللي حصل زمان لا انا ولا هي لينا دخل فيه اللي فات مات يا اما وحياتي عندك تنسي انا بحبها ومش عايز غيرها
الست نبويه :عامله لك ايه البنت دي بس ابدا بنت روايه مش هتدخل بيتي يا سيد سمعت مش هتدخل بيتي
سيد :بحزن خلاص يا امااا يبقي تقفلي علي حوار الجواز نهائي لاني مش هتجوز غير نور وبس
ثم انصرف
في غرفه نور
تجلس نور في غرفتها تحدث نفسها
وبعدين يا نور هتوافقي علي الشغل دا انتي دورتي كتير ومالقتيش حاجه وانا محتاجه مصاريف كتير
وقفت مكانها واتجهت الي المراه ووقفت امامها قائله بسخريه ههه هلبس لبس الرجاله هه يعني اللي اسمه ادم الالفي ده لازم كل اللي يشتغل عنده رجاله بس والله حرام كده منه لله
خلاص يا نور شكل مفيش حل غير كده سيبها علي ربك
هقوم اطمن علي ماما
ثم ذهبت الي غرفه امها
نور بابتسامه ايه يا ست الكل لسه صاحيه
الست روايه بابتسامه ايوا يا قلبي كنت بقرا في المصحف تعالي
ذهبت نور الي احضان قائله طب ينفع انام معاكي النهارده
الست روايه ودي محتاجه استاذان يا بنتي
نور بتوتر ماما كنت عايزه اقولك علي حاجه
الست روايه في ايه يا نور
نور بهمس لا مش هينفع اقوللها احتمال كبير ترفض لا خلاص مش هقول
الست روايه في ايه يا بنتي طمنيني
نور ولا حاجه يا ماما انا بس كنت عايزه اقولك اني لاقيت شغل الدكتوره علا فاكراها هي اللي لاقيته
الست روايه اه فاكراها كانت الدكتوره بتاعك في الكليه الشغل دا كويس يا بنتي مش زي اللي قبله صح
نور لا يا ماما كويس جدا كمان
الست روايه طب الحمدلله يا بنتي ربنا يصلح حالك يا نور يا بنتي
نور امين يا اما
في بيت عائله الالفي
في غرفه الرياضه
حسام وهو ياخذ نفسه بصعوبه حرررام عليك يا مفتري انا قدك اه يا عضمي اللي انكسر يا شبابك اللي راح يا حسام
ادم ما تقومي يا سوسو مش انت اللي قاعد بتزن من الصبح تعالي نلعب ماتش تعالي نلعب ماتش هااا عجبك اللعب دا
حسام بوجع ينقطع لساني لو جبت سيره اللعب مره تانيه انا عيل يا اخي انت اول مره تعرفني
ادم المشكله اني عارفك قوم قوم دي رحمه اختك ارجل منك
رحمه جاءت رحمه عند ذكر اسمها قائله بابتسامه مين جايب في سيرتي
ادم هههه تعالي انتي كمان يا بلوه
رحمه انت قد الكلمه دي
حسام هههه رحمه هههه مفكيش اي حاجه من اسمك
رحمه طب اسكت عشان مجيش اروقك
حسام وعلي ايه الطيب احسن
ادم هههه جاب ورا
فجاه سمعوا صوت جدتهم تنادي بصوت عالي انتو فين يا ولاد الكلب
الثلاثه في صوت واحد ايوا يا حجه
وبعدها بداوا يبحثوا عن مكان يختفوا فيه عن انظار جدتهم
دخلت الجده الي غرفه الرياضه عيال الحزمه دول فين لما اشوفهم بس انا هوريهم
ادم وحسام يختبؤوا خلف الاريكه
ادم بهمس فكرك مشيت
حسام شكلها كده اوووووف وليه زييي ااااااه ودني
الجده زي ايه يا ابن الجزمه هااا رد
حسام خلاص يا حجه عيل وغلط سيبي ودني الله يخليك
الجده ابدا بقي يا جزم سايبني نائمه بقالي يومين محدش يصحيني يا كلاب والله ما سايباكم وطلعت تجري وراهم نزلوا الي الاسفل والجده خلفهم
رفعت والد ادم في ايه يا ولاد يتجروا من ايه
حسام وقف امام عمه قائلا وهو ياخذ نفسه بصعوبه اممممك ما كاد يكمل حتي وجد كف عمه ينزل علي مؤخره راسه قائلا احترم نفسك يا حيوان
حسام يا جدعان كفايه بقي الحجه فتحيه صحيت
علي مسافه ليست بعيده تجلس امينه والده ادم وبجوارها تجلس لبني والده حسام ورحمه يضحكون علي اولادهم
في الساعه الخامسه صباحا في منزل نور
نجد شاب يقف اماام المراه ولكن إذا نظرنا جيدا سنجد ان هذا الشاب هو نفسه نور بعد ان تنكرت في شكل شاب لعملها الجديد فقط اخبرتها الدكتوره علا ان تتنكر في شاب وباقي الإجراءات ستنهيها هي فهي علي قرابه مع عائله الالفي وستسهل الطريق لنور حتي تعمل في شركتهم
نور تحدث نفسها يارب عديها علي خير انا هنزل بدري عشان محدش يشوفني من اهل الحاره وكويس ان ماما لسه نائمه انا هنزل ويارب محدش يشوفني
بالفعل خرجت نور من الحاره دون ان يراها احد
وصلت إلي الشركه وقفت تنتظر امام البوابه فهي اتت مبكرا
في تمام الساعه الثامنه فتحت ابواب الشركه دخلت نور وسألت عن استاذ رافت كما اخبرتها الدكتوره علا
دلها موظف الاستقبال لمكتبه
ذهبت نور الي المكتب وهي ترتجف من الخوف خائفه إن يفضح امرها
استووووب
