ياسعود ماكانت النيه حب بس عيونها تجبر التايب يميل

الجزاء الراابع

((الحلاق))
عند خالد الي خلص حلاقه: كيف الحلاقه؟
التفت فارس على خالد: حرريقه متاكد اليوم بتقع بحبك
خالد ضحك: ورا ماتخلص خل عنك الهرج الزايد
ضحك فارس والتفت على الحلاق: يامدير خلص ورانا زواج ضحك الحلاق: انت بس يسكت انا اخلص
ضحك خالد وقاطعهم اتصال علي وفارس يتوعد بالحلاق
علي: الو خالد وينك فيه؟
خالد: عند الحلاق ليه؟
علي: على خمسه القاك بالقاعه لاتتاخر وجب معك فارس
خالد: زين
سكر خالد والتفت على فارس: بس ياولد كنك بزر اسكت خل الرجال يخلص ورانا مشوار
فارس بضحك: زين لاتعصب خلك مروق
خالد بحده: والله انت ماحد يروق معك
فارس ضحك: اوف من امس يقول انت من مايروق معك
ضحك خالد: المهم بروح البيت اتروش والبس واطلع للقاعه
فارس: زين يالخاين باخلص واروح للبيت اتروش والبس واجيكم، فارس: زين اجل بروح
طلع خالد متجه لبيته

((الصالون))
كان الهنوف وريوف وريف مخلصين بس ناديه والمها ماخلصو: يمه شرايك اروح للبيت نسيت اكسسوراتي
المها: من الظهر وانتي تتحلطمين وتشيلين من الاغراض شوفي فارس ولا عمر يجيك
فزت ريوف من اسم فارس وابتسمت وتقدمت للهنوف وهمست: اذا فارس بيجي بروح معك
التفت الهنوف: ليه نسيتي شي؟
ريوف ضحكت: ياغبيه لا علشان فارس
ضحكت الهنوف: ياربي انا وين وانتي وين
ضحكت ريوف وبدت الهنوف تدق على فارس ومارد ودقت مره ثانيه مارد: يوه هذا مايرد شسوي؟
ريوف: اجل ياقهري دقي على عمر الزقت
ضحكت الهنوف بدت تدق على عمر وبعد ثواني ووصلها صوته: هلا ارحبي
الهنوف: عمر حبيبي وينك
عمر ضحك: حبيبي؟ اكيد تبين شي
الهنوف: ابيك تجي تاخذني من الصالون تسيت اغراضي بالبيت وفارس ادق عليه مايرد
عمر: هو عند الحلاق انتظري دقايق ودقي وانا والله عندي شغل ولا كان حيتك ياعيون حبيبك
ضحكت الهنوف: زين عيل اجل بشوف ابوي اذا مارد
سكرت الهنوف والتفت على هيام: دقي على خالد بالله
خلي اخوي الزفت يرد
ضحكت ريوف: لاتقولين زفت ولا مرح ادق
الهنوف بحده: اعلجي علي يابنت
ضحكت ريوف واتصلت على خالد وبعد ثواني وصلها صوته: الو
ريوف تعدلت: خالد بالله خل فارس يرد على الهنوف نست اغراضها بالبيت ولازم تجيبها
خالد: انا والله عامي موقف عند البيت مير هو يحلق يوم طلعت من عنده دقايق ويدق عليها
فزت الهنوف على اتصال فارس: خلاص دق دق يلاه
سكر خالد وفزت ريوف تنط عند الهنوف: حطي سبيكر امانه ماسهمت صوته بالسياره
ضحكت الهنوف وحطته سبيكر: الو
الهنوف بضحكه من شكل ريوف: الو فارس وينك فيه؟
فارس: بالحلاق وش بغيتي
الهنوف: ابد اذا خلصت مر علينا انا وريوف نسينا اغراض بالبيت
فزت ريوف وخبطتها على كتفها وكتمت ضحكتها الهنوف
فاارس ضحك: تبشر ريوف والله
الهنوف بحده: ياقليل المروه وهذا وانا مضبطتك كان يمدي ادق على خالد ولا عمر
ضحك فارس: ماقصرتي خمس دقايق اطلعو ولو ماتطلعين انتي وتخلين ريوف تطلع لحالها ازين
ضحكت ريوف وكتمت ضحكتها ونطقت الهنوف بحده: هين انا اوريك معد بضبطك
فارس ويسمع ضحكتها: يالبييه يالضحكه
قفلت الهنوف بوجه فارس وجلست تضحك ريوف: ليه قفلتي بوجه حرام وهذا بيوديك
الهنوف: اوص ولا كلمه
ريوف بضحكه: لايكون غرتي عادي انا مرته
الهنوف وهي تقلدها: عادي انا مرته، انا غار حمدلله بس
ضحكت ريوف: يلا نلبس لا نخلي حبيبي يتاخر
التفت الهنوف: هين هين شغلكم عندي
ضحكت ريوف وراحت تللبس هي والهنوف