ياسعود ماكانت النيه حب بس عيونها تجبر التايب يميل

بارت الـ23

الحمدلله):
لف على هياام وابتسم يشوفهااا نايمه مسك كفهااا ابتسم يشوف الهبوط وتقدم يصحي هياام فتحت عيونهااا وابتسمت تشوفه قدامها: وصلنا
ناضرته هيام: هبطنا؟
هز راسه ونطقت هيام: كنت بشوف الهبوط
ابتسم يناضرها: ماقدرت اصحييتس
ابتسمت له وقفو ونزلو من الطيااره لف عليها: استريحي بجيب الشنط واجي
هزت راسهاا وتقدمت تجلس لفت من جلس مع جنبهاا واحد وتقدمت بتقوم لكن شافت خالد متقدم لهم وقفت ومسكت كفه: خالد
ناضرهاا بحده: وشوله جالس مع جنبتس انتي والكراسي وش وسعهاا!
شدت على كفه: اجنبي مايعرف لا ننكد على انفسنا علشانه
تقدمت تمسك كفه وتمشي معه للشنط اخذ الشنط ومشى للفندق ابتسمت تشوف البحر واالاماكن الخياليه لفت عليه تشوفه يهوجس وموب يمها: خالد
لف عليها ومسكت كفه: انت لحد الان تفكر في ذاك
هز راسه بالنفي وناضرته: وليه متضايق؟
ابتسم يناضرابتسامتها: احد يتضايق وعنده هيام؟
ضحكت وابتسم يشد على كفهاا ونزلو من وقفت السياره ودخلو الفندق لفت عليه: خالد المكاان خيااالي
ابتسم خالد: تعالي نشوف بالجهه الثاانيه

دخلت الغرفه بعد يوم طويل وشوبنق طويل وهي تتجهز لزواجهاا الي مابقى عليه الا اسبوعين لفت من دخلت وريف: هاه عسى مابقى شي؟
هزت راسها: يعني بقى اشيا خفيفه
ابتسمت الهنوف: اقولتس
ناضرتها وريف: وش؟
ابتسمت الهنوف تمسك يدهاا وتجلس على على الكنبه: تخيلي عمر يقول لامي بخطب
ناضرتها وريف بصدمه: صدق!!!
ابتسمت تهز راسها: ايوه يقول لامي قريب ان شاءالله اذا خلصت قضيتي بجيتس نخطب
ابتسمت وريف: ماقال من؟
هزت رايها بالنفي: لا بس اكيد انتي يعني من
ابتسمت وريف: يلا ننزل نساعد عمتي
ضحكت الهنوف ومشت تخرج نزلو ودخلو الصاله وجلسو لفت المها: ماكلمتكم ريوف
وريف: امس تقول انها وصلت بالي
هزت راسها المها ولفت على الهنوف: روحي شوفي الغداء وش صار عليه
وقفت الهنوف ولفت وريف تناضر امها الي اشر لها توقف ووقفت تخرج لفت ناديه على المها: بيجي بكره سعود يخطب
لفت المها بصدمه: من؟
ابتسمت ناديه: سعود يبي يخطب وريف دقت علي بدريه وقالت بتجي تخطب سعود ونشوف
لفت المها: وبعد عمرجايني يقول يبي يخطب
ناديه: يخطب من؟
المها: ماقال لي بس ناوي على وحده ومحب يقول لي
ناديه: الله يوفقهم
المها: اميين

دخلت الغرفه تشوفه منسدح على السرير وبيده الابتوب ويشتغل تقدمت له تجلس بحضنه ابتسم يناضرها: الى متى يعني شغل شغل
قفل الابتوب وحطه على الطاوله وابتسم ياحاوطها: وش تبينا نسوي؟
ناضرته: ايشي
ابتسم يناضرها بخبث: اوكيه
تقدم يشيلهااا ويسدحهاا على السرير ويعتليهااا وتقدم يدفن وجهه بعنقهااا
ناضرته بتوتر من حست بفستانهاا يرتفع للبطنهااا ولفو من دق الجرس
ابتسمت تناضره وناضرهاا مبتسمه: مو وقته
وقفت وتقدم للباب يفتحه: Hello * اهلا *
الموظف: Hello, I brought you breakfast * احظرت لك الفطور*
فازس: We don't want to go have breakfast outside* لا سوف نذهب تفطر برا*
الموظف:Good * حسناً*
فارس: Thank you* شكراً لك*
ابتسم يقفل الباب ولف على ريوف: مشينا نفطر برا
ابتسمت ريوف توقف: يلا