روح الأســد

البارت الأول

رواية : روح الأســد
الكاتبة : ريم آل موسوي
لا تنسون تصويت
ورأيكم بـ كومنت
ان شاء الله اگدر اوصل الفكرة بشكل صحيح و تعجبكم
🤍🤍🤍
_________________________________
‏شيءٌ ما ينقُصني
ربما أَمل
ربما نسيان
ربما صديق
ربما أنا .
_________________________________

روح : كعدت ع صوت المُنبه كُلش عالي ... جواااان طفي المُنبه ولچ العشيرة كُلها گعدت الا انتِ جوانننننن
جوان : نعسانةة
روح : رفعت جهازي شفت الساعة ب 6:30 و دوامنة ب 7 .. لچ جوان تأخرنة كومي بدلييي .. عفتها ورحت بدلت لبست ملابس المَدرسة ورحت شفت جوان نايمة ... جوانن اشتعلت عشيرتج
جوان : عادي خلي انام
روح : جبت مي ورشيت عليها ونزت گالت
جوان : روح اكو واحد يكعد بشر هيج
روح : بس اني گعدت حيوان
جوان : انچبي اُختچ الچبيرة احترمي
روح : عيني ام چبيرة عندچ رُبع ساعة لو تلحكين تبدلين لو لا
جوان : عزااا ليش مگعدتيني امداچ
روح : عافتني وراحت تركض تبدل اني هم لبست حجابي و حضرت جنطتي كملنة وطلعنة برا ننتظر الخط
شفنا الخط فَ رحنا دانمشي
جوان : نزيتت رحت واجة واحد يمشي سريع بسيارتة اجة يدعسني رحتلة ... شبيكك انتَ اعمى متشوف هسة لو داعسنييي
روح : جوان منفعلة تحچي و تضرب ب شُباك السيارة نَزل الشُباك بكُل برود
جوان : هييي مو احچي وياك
ايهاب : دعستج؟
جوان : لا
ايهاب : خلص عمو روحي منا
جوان : هستوني داحچي حرك السيارة وراح
روح : تعالي ابو الخط راح يعوفنا
جوان : حقير شفتي شلون يريد يغثني يعني واذا عندة سيارة حديثةة يضل يدعس بالناس
روح : جريتها من ايدها وصعدنة بالخط وهي بس اتدردم بقت تحچي الحد ما وصلنا نزلنة و جوان عافتني وراحت زعلت مني قابل اني شنو بيدي تريدني اهد ع الرجال
زينب : هلاو شلونچ
روح تنهدت : هلا
زينب : شبيچ
روح : مبية بس جوان شوية ضوجتني
زينب : يا شبيها
روح : انسي تعالي ندخل راح يبدأ الدرس
روح : خلي احچيلكم عني بين ميخلص الدرس
اني روح عمري 17 سنة ادرس خامس علمي عندي اخ واحد و اخت وحدة
اهلي نوعًا ما معقدين بالأخص زوج ماما ، ماما اتزوجت بعد وفاة بابا وهوَ
صار اب لانُ چنة صغار جوان مو اختي الحقيقية بس عشنا من احنى صغار كـ اخوات لانُ حيدر جان متزوج طلگ ماما وحيدر اتزوجو لانُ چانو يحبون بعض قبل واخوي الي من امي و ابوي هوَ حرب بالنسبة الزوج ماما مُتعصب شوي بس زين نوعاً ما بس معقد لدرجة ماما مرات هيچ ومرات هيچ يعني هيَ حنينة بس بعض الاحيان تصير تشبه زوجها  لانُ من عاشر قوم اربعين يوم صار منهم جوان اكبر مني بـ سنة ف منحس اكو بيناتنا فرق العمر و اخوي حَرب اكبر من عندي ب 6  سنوات هوَ محامي و زوج ماما شيخ عشيرة

''نرجع''
روح : خلصنة دروس و نريد نطلع ودعت زينب وطلعت برا انتظر الخط شوية وطلعت جوان
جوان : روح اءء اني
روح : ش شكو شكو ليش تبچين
جوان : روح خلص دمرت حلمي
روح : شنو شنو احچي شكو خبلتيني لا تبچين
جوان : مدخلت وزاريي روح تعرفين شنو يعني تعرفيننن
روح : وسعت عيوني مصدومة جوان كُلش كُلش هواي تدرس وابد ما اتخيلت متدخل وزاري ... شششنو ل ليش ليش مُستحيل اكيد اكو خطأ جوان مُستحيل متدخلين وزاري امشي نروح للأدارة امشيي
جوان : روحححح شنو المُستحيل داگلچ خلص هالسنة راحت عليةة
روح : بس هواي درستي ليش
جوان : مچنت افهم هيج ادرس احاول احاول بس ماكو
روح : انصدمت ضميتة الحضني و اهدي بيها و الخط كُلش اتأخر علينا
اجة واحد بس يباوع النا من فوك ليجوة متت خوف اني كُلش اخاف من هيچ مواقف ابين انُ اني قوية واني شوية وتجيني جلطة من الخوف و جوان مالها خلگ
جوان : هسة وين صار هذاااا
روح : شمدريني حقير ميكول بنات شلون ابقيهن بالشارع
جوان : هذا المطي راح افگس عينة
روح : كولي يا الله مالنا خلگ مشاكل
كرار : اوصلچن يحلوات
جوان : خزرتة لانُ روح بس تكرص بية متريد احچي
كرار : اموت ع الخزرات انا
جوان : خاب وعلي روحي طالعة كلمة زايدة اطيح حظك
كرار : هاي عليمن لچ
جوان : ع خالتك
كرار : شو انتِ ادب سز
جوان : خوش يلا ولي منا
كرار : حيوانة مو اجي اندمچ
جوان : دروح بابا بعدك صغير
روح : اني هنا متت اسكت بـ جوان متسكت شوية و قرب هذا اني بقيت ارجف حاولت ما ابين الة
كرار : هاي الحلوة الساكتة تعالي حبيتچ
جوان : عوف اختي لا اموتك
روح : هيَ بعدها تحچي وهذا جرني من ايدي اني متت متت كُلش اخاف من هذولة المُتحرشين احسهم كُلشي يكدرون يسوّن
روح : ايييي عوفنيي شنو وخررررر
كرار : تعاليي يحلوة
روح : بعدة يحچي ما احس غير طاح بالأرض جوان لزكتة ب حجر
جوان : امشي نروح مشي
روح : جـ.جوان ششسويتي مات مات مو خاف مات
جوان : روح امشي شوية ويصحى ويولي الأهلة
روح : جوان صـ.
بعدني ممكملة وجرتني من ايدي هيَ تمشي وان امشي وراها
جوان : لتحچين الاحد
روح : ع الولد؟
جوان : يا خـ.. ع رسوبي اني اگول الهم ماكو داعي تحچين
روح : تمام
وصلنة للبيت ولگينة بابا واكف برا هوَ و حَرب و وياهم واحد ما اعرفة بس چان يسأل ع فد شي
جوان : خرب بابا راح يرزلنة كدام هذا الحلو
روح  : لچ هيَ مال حلو غير راح نتفشل
تقربنا شوية وبابا صاح و حرب و الولد التفتو
حيدر : هاي شنو جايات مشيي
الصدمة انُ الولد نفسة الي تعاركت ويا جوان
جوان : احم بابا ابو الخط ما اجة
حيدر : وتجن مشييي!
روح : خَلص بابا بالبيت نتفاهم
حيدر : لچ انا احچي ليمت ما اريد واشو الا نتفاهم هنا
روح : بابا عيب الناس تباوع صوتك
حيدر : حيوانة تعلميني العيب!!
جوان : باباا شنو السالفة هسة شمسويات
حيدر : شنو تجن مشي متستحن لازم ابطلچن
روح : هوَ گال ابطلچن واني اجيت اموت صح اتذمر من الدراسة بس كلش احبها ... ششنو شنو تبطلنة منو تبطل
حيدر : انتن چا منو
روح : بابا مُمكن تأجل هذا النقاش
ايهاب : اشوف هذا يصيح و البنت الي تعاركت وياها ترادد ب ابوها و الثانية تحچي بكُل هدوء بس تريدهم يدخلون جوة حتى متتفشل
جوان : اهوووو بابا خبصتنا هسة شنو يعني تريدنة نبقى بالشارع والرايح والجاي يذب حچي هيج تريد عادي الزبايل يذبون حچي بس نرجع للبيت مشي لا حرام استغفرالله
ايهاب : انصدمت شلون هيچ قوية و جريئة و ابوها وسع عيونة بصدمة وسطرها براشدي وهيَ ضلت واكفة رادت تحچي و اختها جرتها من ايدها ودخلتها جوة
حَرب : اعذرنة خوية شوية الوالد عصبي تفضل گول
ايهاب : لا خوية معذور بس اجيت اسأل اذا اكو هنا بيت للبيع
حَرب : اي هذا البيت
ايهاب : گال هيچ وأشر ع البيت الي كدام بيتهم
حَرب : هذا خوش بيت بس يحتاج شوية ترميم اشياء بسيطة احنى نعرفهم همَ خوش ناس
ايهاب : خوية قابل اريد اناسبهم المهم البيت
حَرب : ههههه لا يخوي بس اگلك
ايهاب : انطاني رقم صاحب البيت لانُ مچان موجود و رحت