يوم جديد وتحديدا في صباح في ديره صحى رعد وهو جالس يجهز ل دوامه ومحد كان صاحي غيره تجهز وكان طالع لكن شاف هيام جالسه تهوجس
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
نفس كذا بضبط في لحظة كذا سرح فيها وفي تفاصيلها وبشعرها الكيرلي هيام طاحت عيونها عليه وشهقت:رعد رعد حس على نفسه وصد عنها:معليش إذا احرجتس أصلا انا طالع كا طلع لكن عقله عند هيام وزلق رجله وطاح على ارض خافت عليه هيام وركضت عنده:رعد انت بخير فيك شي رد علي رعد رعد كان يتاملها وكيف هي كانت قريبه منه كان يحس بشعور حلو هيام:رعد جالسه اكلمك ترا تسمعني رعد حس على نفسه:بخير ياعيون رعد هيام:ها؟ رعد:اقصد بخير ماعليتس بسيطة بعدت عنه هيام وهي تحس بفشله رعد طلع برا وهو قلبه شوي يطلع من مكانه من الفرحة داوم وهو مروق عبير بشهقه:ياويلي استحوا على وجهيكم لو ابوي شافكم ولا امي هيام:لاتقولين انك شفتيني عبير:شفتس شفتس عبير قامت تقلدها:رعد انت بخير رد علي رعد هيام ضربتها بخفه:ياسخفك بعدين أصلا طيحة كانت قويه وقلت انه تعور عشان كذا عبير:انتبهي من ابوي تراه عصبي بعدين ياخي توسطي لي عشان أغيب امي تحبس هيام:ابشري بي أتوسط لك تعالي عبير:كفو ام سيف:اشوفتس صاحي ياهيام هيام:ماجاني نوم شسوي عبير بهمس:كلاميها يلا هيام:خالة عندي طلب واتمنى ماترفضينه ام سيف:امري وش بغيتي هيام:خلي عبير تغيب اليوم عشاني ام سيف:يامحتالة ياعبير تقولين للبنت عشان تتوسط لتس عندي عبير بجحد:أنا متى قلت كذا انا قلت كذا هيام هيام:ههههههههههههههههههههههههههه خليها تغيب اليوم تكفين ام سيف:بس عشان هيام عبير حضنت هيام:وربي انتس واسطة من بعد اليوم لو ابي ايشي بخليك انتي تقولينه هيام:تستغليني🤨 عبير:لاحشى ام سيف:اقول تعالي ساعديني بالفطور بس هيام:عادي أساعدكم أنا بعد ام سيف:اكيد تعالي ونشوف طبخس تحمست هيام ودخلت معهم المطبخ هيام:شوفي هذي كنت اسويها ل امي اليوم بخليك تذوقينها عبير:عاد واضح عليها لذيذ هيام بثقه:أكيد أنا إلى سويته🫳🏻 عبير:تعجبني الواثقه من نفسها هيام:ههههههههههههههههههههههههههههههههههههههه جهزوا الفطور وكلهم تجمعوا يفطرون سوا إلا هيام كانت جالسه بالمطبخ ابو سيف:نادوا هيام هي منا فينا ومن اليوم رايح رح تفطر معنا عبير:ابشر بناديها الحين(راحت) عبير:هيامي تعالي ابوي يقولتس تعالي وافطري معنا انتي منا وفينا هيام:احس استحي من سيف عبير:شدعوه هو يعتبرتس اخته ههههههههههههههههههههه هيام:ادري بس عبير سحبتها:تعالي بس دخلت هيام وقالت:سلام عليكم كلهم:وعليكم سلام جلسوا يفطرون بضحك إلا هيام ساكته ابو سيف:سيف هذي بنيتي مااسمح لك تطفشها سيف:وانا بط الأسود صح عبير حضنت ابوها:ايه نعم انت البط الأسود وانا دلوعة ابوي صح يبه ابو سيف بادلها الحضن:صح انتي بنتي الوحيدة ودلوعتي كانت تشوفهم هيام وتبتسم وبنفس الوقت عيونها دمعت وهي تشوف كيف ابو سيف حنون على بنته وهي كيف كان ابوها قاسي معها صدت عنهم ومسحت دموعها هيام:حمدلله شبعت عن اذنكم راحت غرفة انهارت تبكي على وضعها كيف هي تهرب من ابوها من مكان لي مكان وامها لي لها ايام ماتعرف عنها شي هل هي حيه او لا ____________________________ مر اليوم بالسلام وتحديدا في ليل ساعه 12 ليل كان جالس في سطح يتأمل قمر او نقول يتخيلها بطلتنا رعد:المحبه انت المحبه انت وانت الغير عادي من عرفتك والمشاعر مستقره يبتسم يومي ويطربك فؤادي راحتي برضاك حلت كل مره وجت هيام هناك وهي ماتدري ان رعد موجود هيام خافت وشهقت:يمهه رعد التفت لها:خفتي هيام:ماادري انك هنا رعد:تعالي عندي هيام طارت عيونها راح تفكيرها بعيد:هاه؟ رعد:تعالي ماراح اسوي لتس شي هيام راحت جلست جنبه رعد:وشفيتس عبير قالت انها سامعة صوتس وانتي تبكين هيام ماقدرت تمسك نفسها وانفجرت:على حالتي رعد رعد:وشفيها حالتس هيام ببكاء:رعد لي متى وانا بقعد عندكم امي لي ايام مدري عنها شي وابوي لي متى وانا اهرب منه رعد مسكها وحط راسها على كتفه:افا تصحين ياعيون رعد انتي رح تزين صدقيني هيام:متى رح تزين من يوم فتحت عيوني وابوي هذي حالته معي متى بتزين يعني رعد:اصبري علي بس بتخرج ورح اتزوجتس وأخليتس تعيشين حياتك وتوصلين لحلمتس وتصرين دكتوره هيام:تتزوجني رعد:ايه بتزوجتس أنا احبتس من ايام كنا صغار ولا نسيتس والحين دامي شفتس بتزوجتس قريب باذن الله وابو سيف كان طالع من غرفته وسمع أصوات جايه من سطح واستغرب راح يشوف وانصدم من المنظر وصارخ ابو سيف:رعد!! رعد:يبه هيام:اءء عمي ابو سيف بصراخ:انزلوا تحت قداميي نزلوا تحت وهيام منهارة صياح والبيت كله تجمع حوالينهم ابو سيف:هذي حركات تسويها ياقليل خاتمه هذي تربيتي لك رعد:يبه انت فاهم غلط سيف دخل:وشفيكم وهش هالصراخ ابو سيف بعصبيه:اسأل اخوك وش مسوي رعد:يبه مافي شي مثلما انت فاهم ابو سيف:أنا فاهم كلشي وهذي مالها جلسه ببيتي راح سحب هيام من يدها ويبي يطلعها برا رعد وقف بوجه ابوه:يبه اترك يدها لو هي طلعت ماراح تطلع لحالها بطلع معها أنا بعد ابو سيف انصدم:وشتقول انتي توقف بوجه ابوك عشان بنت رعد:مثلما سمعت ماراح تطلع لحالها رح اطلع معها لانه انت فاهم سالفه غلط ابو سيف:الح بتستر عليها هيام:شلون يعني يستر علي وشتقولون ابو سيف:إلى سمعتيه بيستر عليك خلاص بكرا بنجيب ملاك يكتب كتابكم ونزوجكم هيام كانت واقفه بمكانها مصدومة من الي يصير بنفس الوقت دموعها ماوقفت ابو سيف:خوذها الغرفة وانت انقلع من قدامي مابي أشوفك انقلع سيف:يبه اهدأ لايرتفع عندك ضغط رعد راح دخل غرفته وصفق الباب بقوه هيام دخلت غرفة وهي تصيح ام سيف:وش إلى صار هيام انطقي هيام زاد بكائها رحاب:اكيد مسويه بلا اساسا ماارتحت ل ذي من بدايه عبير:سدي حلقتس واطلعي برا عشان ماتتصفقين على يدي رحاب شمقت لها وطلعت عبير:هيامي ناظريني ناظريني قولي وش إلى صار ليه ابوي معصب كذا ومصر يزوجكم هيام قالت لهم سالفه كلها:والله ماكان قصدي شي مثلما عني فاهم والله ام سيف حضنتها بحنيه:اص اص خلاص خلي الأوضاع تهدأ وانا اكلم سعد وبشوف وش يصير طلعت من عندهم ام سيف وجلست عبير تحاول تغير شوي من مود هيام
