دخلوا البيت وهم هادين هيام دخلت غرفتها وقفلت الباب على نفسها
ام سيف:وش صاير؟
عبير:مدري يمه رعد ساكت وهيام طول طريق ماتكلمت بكلمه وحده حتى
ام سيف:بروح اشوف رعد وانتي بدلي ثيابك
عبير:ان شاءالله (راحت)
ام سيف دقت باب غرفة رعد
رعد:يمه ادخلي ادخلي مايحتاج تطقين الباب
ام سيف:صاير شي بينك انت وهيام
رعد تنهد:لا يمه
ام سيف:اجل وشفيك انت وياه
رعد قالها سالفه كلها
ام سيف:لحول ولاقوة إلا بالله هذا اب ولا ايش
رعد:أنا بنفسي مستغرب في ناس كذا بالدنيا؟
ام سيف:قوم وامك قوم رح شوفها اكيد متضايقه
رعد:ابشري اساسا كنت بروح لها
عند هيام كانت منهاره كيف سحبها قدام بنات الجامعه كلهم
رعد قرب من الباب سمع بكائها وماتحمل
رعد:هيام افتحي الباب
هيام مسحت دموعها وبصوت واطي:رعد مالي خلق أشوف احد
رعد:هيام ان مافتحتي الباب ترا بكسرها
هيام استسلمت وفتحت الباب
رعد شاف عيونها إلى لونها احمر من بكاء
رعد:افا تصيحين
هيام:انت شفت بنفسك وش سوا فيني
رعد:تبين ناخذ حقتس منه صح
هيام:ياليت
رعد:بنرفع عليه قضيه
هيام:يعني بعدها رح يموت صح
رعد:هو ذبح امتس صح
هيام بتنهيده:ايه
رعد:بيتكم هذاك فيه كاميرات؟
هيام:إلا فيه وهو مايدري عنها
رعد:حلو رح نرفع عليه قضيه تعنيف لانه كان يعنفك وقتل بعد ورح ناخذ حقتس وحق امتس
عند رحاب إلى سمعت كلامهم من البدايه وركضت غرفتها
هيام:رعد مدري كيف ارد لك جميلك وقفت معي وقفه ماانساها
رعد:افا هذا كلام تقولينه لي أنا رجلتس انتي على زمتي وقريب ان شاءالله زواجنا إذا انا ماوقفت معتس بوقف مع مين
هيام مسكت بطنها:جوعانه
رعد:امشي نتغدا امي تنتظرنا
هيام:يلا
ودخلوا وهيام ابتسامتها واضحه وشكثر هي روقت من بعد كلام رعد لها
عبير همست لها:وشصار اشوف الابتسامه شاقه وجهتس
هيام:لاتحرجيني ياخي
ابو سيف:متى ناوين تخلون زواجكم
رعد تحمس:لو بيدي خليته اليوم
ابو سيف بطرف عين:اثقل اثقل وانا ابوك ثقل زين
رعد مسك راسه:لعلي تحمست شوي
ابو سيف:وشرايكم نخليها بعد شهرين
هيام طارت عيونها هي عندها خوف من طاري زواج
عبير همست:ياويلي ويلاه عويناتس وراها طارت تسذا
هيام:مابي اتزوج لسه بدري
عبير:اقول تزوجي وفضي غرفتي
هيام:تطرديني
عبير:ايه طرده باحترام هههههههههههههههههههههههههههههههههههه
ام سيف:ايه زين شهرين منها يمدي نتجهز بعد
رعد همس:لو بيدي خليت زواج هالاسبوع
سمعه ابو سيف وضربه بالعقال
رعد:يبه وشسويت
ابو سيف:أنا وش قلت اثقل لاتحسبني ماسمعتك
هيام مسكت ضحكتها عليهم
سيف:حيلك حيلك فيه يبه ذا يبي له من يكفخه
ابو سيف:لاتخليني اقلب عليك انت رعد اياني اياك لو ماثقلت تركت عنك حركات مبزره ذي عقال بيلعب على ظهرك
رعد بفشله:ابشر يبه
__________________________
دخلوا غرفتهم عبير وهيام
عبير:اخيرا رح تتزوجون واكشخ بزواجكم
هيام/إلى يشوفك يقول اول مرا اخوك بيتزوج لاتيني ترا حتى سيف متزوج وحضرتي عرسه
عبير:طيب سيف يوم تزوج مروحه ذي محد كان راضي غيره ولاتكشخت زين صراحة بس بعوض نفسي بزواجكم
هيام:صح خلينا نشوف اغراض نحتاجها بعد لازم نبدأ تجهيز من اليوم
هيام:انتي شوفي حسابات في انستا تمام وانا بروح اشوف رعد ابي اتناقش معه بموضوع (راحت)
رعد:هيام ادخلي ادخلي
هيام:متى بنرفع القضيه؟
رعد:خلي زواجنا يعدي على خير وبعدها وعد نرفع القضيه
هيام:بس انا خايفه رعد خايفه يخرب يوم عرسنا ويصير شي كلنا مانتوقعه
رعد:تخافين وانا موجوده أنا وش قلتلس ماراح يقرب صوبك وانا معتس مثلما انقدتس عند باب الجامعتس رح اوقف معتس بكل لحظة يقرب فيها منتس
هيام ارتاحت وسندت راسها على كتفها كانت تقول بينها وبين نفسها اهخ يارب حمدلله انك عوضتني بواحد مثل رعد
رعد:أقولتس بيت شعر
هيام قول:
رعد:مالك وزين يضاهيك ابيك لو كان غيرك يبيني
يوم الله احسن صورتك خصني فيك
فيك الجمال وصادق الود فيني
شعري يزين بوصف زينك وطاريك
هيام:حركات حركات حتى أنا اعرف بيت شعر ترا
رعد:صدق أشوف وشعندس
هيام:اجل اسمع
هيام عدلت جلستها وبدت تتكلم:فداك القلب وراعيه
وربوعه الأجناب ياوجهِ من عرفته صارت الايام مرغوبه
رعد:العببب ماعرفتس
هيام بثقه:وشرايك بس
عند رحاب
رحاب قدرت تجيب رقم سلطان(ابو هيام)
سلطان:الو مين
رحاب:اعتبرني فاعلة خير لك اسمع بنتك ناويه ترفع عليك قضيه قتل عشانك ذابح امها وتعنيف انحاش حاليا اطلع من مملكه وبعدها ارجع وانا بساعدك بنفسي
سلطان:وشتقولين
رحاب:إلى سمعته اذا ماتبي تنسجن انحاش أنا قلت لك وبكيفك عاد
سلطان:طيب طيب بنحاش بس اهم شي تسعديني بعدها
رحاب:ايه ماعليك
دخل عليها سيف:من تكلمين
رحاب قالت اتصل توترت:اءءءء اختي
سيف مااهتم:طيب.
انتهى البارت
بنات أنا اخلي بارتات قصيره بنفسي عشان روايه تكون طويله
ترقبوا بارتات الجآيه إلى نصها رح تكون اكشن
وبارت الجاي رح يكون زواج أبطالنا
لاتنسون نجمه⭐️
