فصلية اشهم
بقلمي «ملاك»
ــــــــــــــــــــــــــــــــــــــــــ
"اشهم"
شيخ محمد: شيخ اشهم انة اتشرف
انطي بنتي الك هديه
ضليت صافن بوجهة لا بية اخذهة
و لابية اردهة، شوية و جلت
اشهم: شيخ محمد انتة و هديتك علة
راسي بس انة ما اكدر اخذ هديتك
شيخ محمد: سالم راسك شيخ، ليش
شيخنة ترد هديتي
اشهم: ما اكدر اخذهة شيخ محمد
اتمنة تقدر موقفي
شيخ محمد: هاذ هو شيخ اشهم
انشاءالله احنة اهل ما بينة زعل
اشهم: انشاءالله
شيخ محمد: يلة هم يلة احنة نتوكل
الكل: بعد وكت شيخنة
شيخ محمد: لا ولله مستعجل كلش
مع السلامه
الكل: الله وياكم
جامو كلهم و طلعو، جال جدي
شيخ فاضل: ليش وليدي مايصير
ترد الهدية
اشهم: جدي انة مارايد الهدية
شيخ فاضل: هاذ هو وليدي علة
راحتك
هزيت راسي و جعدنة نسولف جال
رسول ابن عمي مؤيد
رسول: عجل ماينطوني الية الهدية
اشهم: اكل خر* لك بعدك زعطوط
رسول: عمي وين زعطوط عمري 24
اشهم: اي بعدك
شيخ فاضل: رسول وليدي بعدك صغير
رسول: شني السالفة جدي
شيخ فاضل: كافي بسك كتلك بعدك صغير
هز ايدة معاجبة، عفتهم و طلعت
ركبت السياره و خابرت فاقد
اشهم: فاقد وينك انتة
فاقد: انة بل بيت ليش
اشهم: جايك
فاقد: خوش انتضرك
سديتة منة و توجهت لبيتة، وصلت
لبيت فاقد نزلت من السيارة و دكيت
الباب اجاني صوتة
فاقد: منو
اشهم: افتح لك
اجة فتح الباب، طبيت و نزعت
السترة
فاقد: صايرة شي
اشهم: جو
فاقد: صكد تحجي
اشهم: شبلاك لك
فاقد: خرب وكعت كلبي كلت
شوف شكو
اشهم: كلشي ماكو اسكت
فاقد: فوك شينة كوت عينة
اشهم: خاب ما تنجب
فاقد: رحم الله والديك
جعدت علة القريولة و سولفتلة
علة الهدية، جال
فاقد: شني هاي جا ماينطوني هدية
انة ابزز
اشهم: يكمن
جعدت يمة و ضلينة نسولف
مرت ساعة ونص تقريبا، كمت
اشهم: يلة انة رايح
فاقد: اكعد يمعود بعد وكت
اشهم: لا ما اكدر غير مرة
فاقد: اي طبعاً متكدر غير عندك
حرمتك احنة بيش كيلو بعد
اشهم: كافي لك شكد تلغي
فاقد: هاي فوك ما اونسك
وصلني للباب و جال
فاقد: ولو ما تستاهل اوصلك بس
يلة حسن الضيافة
عفتة يدردم و طلعت، صعدت
بل سيارة، وصلت و طبيت للبيت
" روسم "
جنة كاعدين كوليتنة نسولف بغرفة
عمة ام اشهم كالت حميدة
حميدة: يلة ولجن كومن سون اكل
شني اليوم مانتغدة
كالن البنات كولهن
البنات: صار
كامن حتى يحضرن الكل، كمت
للمطبخ و كلت
روسم: بنات اساعدكم بشي
كالت نغم
نغم: اكعدي حبيبة كلشي ماعدنة
روسم: تمام حوبي
كعدت علة الكرسي، كالت تبارك
تبارك: روسم نروح نكعد بل حديقة
بين ميستوي الاكل
روسم: اي ولله ضوجة
تبارك: امشي
طلعنة اني و تبارك للحديقة، جانت
كولش حلوة و جبيرة وبيهة هواية
حيوانات
روسم: تبوكة خلي نروح يم الابقار
تبارك: يلة امشي بس مو تخافين
روسم: افا اني اخاف متستحين
تبارك: امشي لج الفاهيه
روسم: هههههه
رحنة يم بقرة ردت امد ايدي على
ضهرهة هية اندارت علية، كبل ركضت
ورة تبارك
تبارك: ها مو متخافين
روسم: مشفتيهة شلون تباوع علية يمة
تبارك: ياع شبيج قابق حتاكلج
روسم: تخوف
تبارك: ادري شايفة جني
روسم: امشي نروح نفتر
تبارك: يلة امشي
ضلينة نفتر بل حديقة، شوية
و اجت نغم كالت
نغم: يلة بنات تعالو استوة الغدة
روسم: تمام جاين
طببنة للبيت لكيناهم فارشين السفرة
و البنات يودون الاكل ردت اساعدهم
بس مقبلو، كملو اجيت اكعد يم تبارك
بس اشهم اشرلي اكعد يمة، رحت
كعدت يمة و بديت اكل، سوة
لفة صغيرة و مدهة الي كولش
خجلت الكل جان كاعد، اخذتهة
منة و كتلة
روسم: شكرا
ابتسم و كال
اشهم: العفو
كعدت اكل شكد حلو و حنين حتى
شخصيتة حلوة و قوية و رزن
كولش، عزة ولج
روسم صايرة مستهترة شنو
حلو، راحت تربيتج
ماما يبوو، طردت الافكار
من راسي و كملت اكل، كملت و رحت
للمطبخ حتى اغسل ايدي، حسيت
على بوسة بخدي كمزت و رجعت
ليورة، شفت اشهم واكف مبتسم
