صلية اشهم
بقلمي «ملاك»
ــــــــــــــــــــــــــــــــــــــــــــــــ
"يوسف"
الجد: شيخ فاضل انة جاي اطلب ايد
حفيتك نغم لوليدي مكرم علة سنه
الله ورسوله
شيخ فاضل: اتشرف بيكم بس البنوة
صغيره مو مال زواج
الجد: شيخنة بعد احسن صغيره
يربيهة علة ايدة
شيخ فاضل: هاذ هو نسأل البوة اول
و يصير خير انشاءالله
الكل: انشاءالله
"نغم"
اجة عمي مؤيد للمطبخ و كال
عمي مؤيد: بنيتي سوينة جاي
نغم: صار عمي، عمي علة شنو اجو
عمي مؤيد: اجو يخطبوج
انصدمت منو هاذة الي خطبني
نغم: منو الي خطبني
عمي مؤيد: واحد من احفاد شيخ
اسامة اسمة يوسف
هزيت راسي، و انطيتة الجاي،
تذكرت يوسف يصير اخو روسم
ابو نضرات ههههه هوة جان كل
ما اطلع من المدرسه يضل يدحج
علية حتة مرة كلت اكل ل اشهم
علية، مرت فترة و كالو راح يجي
جدي يسألني اذا موافقة لو لا
كلش توترت و حتة ما اعرف اذا
راح اوافق علية شوية و اجة جدي
جنت كاعدة علة الكرسي، و طب
جدي كعد علة الكرسي اليمي و كال
الجد: بنيتي انة ما اجبرج علة شي
القرار الج توافقين علية لو لا
احس صخنت من الخجل
ضليت تقريبا خمس دقايق و كلت
نغم: جدي انة بعدني صغيره واريد
اكمل دارسة ما اريد اتزوج هسة
الجد: هاذ هو براحتج بنيتي
علة راحتج
هزيت راسي، و هوة طلع للمضيف
"يوسف"
كاعدين ننتضر شيخ فاضل
يرد النة خبر اذا البنية موفقة
لو لا، مرت فترة و طب شيخ فاضل
شيخ فاضل: شيخ اسامة جيتكم
هاي علة راسي بس البنوة موش
موافقة
الجد: سالم راسك شيخنة
سلمنة و طلعنة متوجهين للبيت
"اشهم"
كملت غدة و رحت حتة اغسل
كملت و جعدنة بل مضيف ننتضر
شيخ اسامة، عطشت و كمت حتة
اشرب مي، طبيت للمطبخ و شفت
روسم جاي تغسل تقربت عليهة
و طبعت بوسة علة خدهة
بهدوء، هية كمزت
و رجعت ليورة بتسمت و جلتلهة
اشهم: شبلاج بوية هية بوسة
عليش كمزتي
ادحج عليهة خزرتني وجالت
روسم: وليش تبوسني منو سمحلك
اشهم: حرمتي بوية حلالي
روسم: شنو حلالي قابل اني خروف
اشهم: هههههه لج لا يروحي اقصد
اقصد حرمتي
روسم: ما فهمت شنو يعني حرمتي
اشهم: بوية شكد فاهية انتي، مرتي مرتي
روسم: ها
ضحكت وطلعت للمضيف
" روسم "
ضحك و طلع
عزةة انحسد قبل شويه كلت
علية رزن و ثكيل، شكد ادبسزز
شلون يبوسني ميستحي، احس
خدودي شتعلن من الخجل، لا ونوب
يكول يروحي سرسري، يبوو هسة
اني شبية هيج رتبكت امداني اي
ولله، طردت الافكار من راسي
و رحت لغرفة تبارك، دكيت
الباب، اجاني صوتهة و هية
تكول
تبارك: منو
روسم: اني
تبارك: تعاي طبي عيناي
طبيت و رحت كعدت على
الجرباية و كلت
روسم: لجج تباركك
هية خطية فزت من نبرة صوتي
تبارك: شبيج روسم
روسم: هاذة اخوج و احد ميستحي
شلون يبوسنيي مستهتر
ضلت صافنة بوجهي، شمرت المخدة
علية و كالت
تبارك: خربببب روجج عبالي
شوف شكو امداج اي ولله
لجج غيرر زلمتج شني مستهتر
روسم: وذاا يعنيي زوجيي شلون
يبوسني بدون مياخوذ اذن منيي
تبارك: اني شعلية ذاك زلمتج
و روحي كليلة ولله يا الله
تجيك التهيام و انتة نايم
روسم: اوي عيني هسة اني
شنو كتلج حتى هيج عصبتي
تبارك: لج روسم امشي طلعي
برة لا ابتلي بيج و علي
غميتهة و طلعت عفتهة
تصيح و تغلط، ضحكت يعني
هية لابيهة ولا عليهة
طبيت للغرفة سبحت، و طلعت
مشطت شعري و اخذت مخدة
و لحاف و نمت على التخم
كعدت على ايد خشنة تمسح
على خدي،فتحت يني بثقل
و شفت اشهم كاعد كدامي
و ايدة على خدي، رجعت
نفسي ليورة و كلت
روسم: تريد شي
اشهم: جو، عليش نايمة هينة
امشي نامي علة الجرباية
روسم: لا مرتاحة هنا
مجاوبني اجة و شالني
شهكت و كلت
روسم: نزلني شبيك انتة
اشهم: اشش اسكتي
تأفأفت و سكتت
خلاني هلى الجرباية و راح
من الجهة الثانية، انطيتة ضهري
و نمت ، كعدت الصبح ما لكيتة، غسلت
وجهي و نزلت للمطبخ، طبيت و شفت
البنات ردت اساعدهم بس مقبلو، كالت
دعاء اخت اشهم، طبعاً هية كولش هادئة
دعاء: اي عيناي ميقبل روسمة تتعب
نزلت راسي بخجل، مرت فترة
واحنة كاعدين نسولف، ما اشوف
الة و اجتي هند
ضربتني راجدي
"اشهم"
جعدت اكلب بل نقال
دحجت عليهة نامت، حطيت
النقال يم راسي، تقربت و سحبتهة
لحضني بهدوء حتة لتفز دفت
راسي بركبتهة اخخ عطرهة
يخبل بت المشعول ستنشقت عطرهة و نمت
جعدت الصبح جانت بعدهة نايمة
بتسمت علة شكلهة مثل الطفل تخبل
طبيت سبحت و بدلت حتة اروح
للمركز، طلعت من الغرفة، طبيت
للمطبخ و جلت
اشهم: صباح الخير، بنيتي
بعد اخوج حضريلي ريوك
تبارك: صباح النور، صار
كمت الريوك و حطتة جدامي
تريكت و طلعت متوجهة للمركز
"قمر"
اجوي جدي و عمامي من بيت
الشيخ فاضل، راحت امي علة
ابوي و كالت
ام مكرم: ها عيوني بشر قبلو لا
ابو مكرم: الجد موافق بس البت
موش موافقة
هزت راسهة امي و مبين ضاجت
الصراحه كلنة ضجنة لان مبين
مكرم يحبهة بس هية كلهة قسمة
و نصيب، جهزنة
العشة و كعدنة ناكل
كملنة العشة و كمنة نغسل الماعين
كملنة و رحت لغرفتي طبيت، اندك
الباب استغربت منو يجي
قمر: تفضل
طب يوسف و كال
يوسف: شلونج خيتي
قمر: الحمدلله وانتة
يوسف: الحمدلله بخير، اكلج
خوية تعرفين وحدة اسمهة تبارك
استغربت سؤالة و هوة مو من النوع
الي يدور بنات و هاي السوالف، كتلة
قمر: اي اعرفهة صديقتي ويانة بل مدرسه
يوسف: ياصف هية
قمر: خامس اعدادي
هز راسة و كال
يوسف: خوية عندج رقمهة
قمر: لا ماعندي رقمهة
يوسف: شكرا تعبتج
قمر: لا شني السالفة
يوسف: تصبحين على خير
قمر: وانتة من اهله
طبعأ اني عندي رقمهة بس ما اكدر
اتصرف من كيفي يمكن هية متقبل
انطي رقمهة شمدرني
و اني ضليت افكر منين يعرف
تبارك، هسة اني شعلية بس الفضول
يكتل، طردت الافكار من راسي و طبيت
سبحت و كعدت العب بل نقال اجتني
رسالة من رقم غريب فتحتهة و ياريت
ما فتحتهة
"مكرم"
رجعنة للبيت و كلش ضجت
عليش رفضتني حتة قبل ما تعرفني
رحت لغرفتي سبحت و ضليت افكر شلون
احاجيهة، كلت باجر من تطلع من المرسة
اعترفلهة، انة ما اريد افكر بيهة بل حرام
بعد فترة من تفكير طويل
كبل نمت، كعدت الصبح
سبحت و بدلت، كعدت
انتضر قمر حتة اوصلهة واحجي وية
تبارك، شفت قمر
اجتي رحت عليهة و كلت
مكرم: صباح الخير
قمر: صباح النور
مكرم: يلة خوية اوصلج
قمر: اي يلة امشي
طلعنة من البيت، وصلنة للمدرسة
و شفتهة، يارب اجعلهة
من نصيبي، استغفرت
و شغلت السيارة و رحت
للشغل و بالي كلة يمهة
خلصت و رحت للمدرسة
شفتهة طلعت، رحت عليهة و كلت
مكرم: شبية انة و ترفضني بس كليلي.........
شنو تتوقعون ليش هند ضربت روسم؟
شنو رأيكم بل بارت؟
لا تنسون التصويت حياتي ♡
الهم صلي على محمد وآل محمد ♡
