-الديره
الجد مهنا : ها يعيال كلمتو اخوكم جابر
عبدلله : اي يا يبا كلمته قبل شوي يقول الحين يجي
الجد مهنا : اي عاد تدرون حق من اشتقت
العيال : من
الجد مهنا : غلا بنت جابر عاد اني اشتقت لها حيل ودي انهم يعجلون عشان اشوفها
سعود : انشاءلله يجون ولا يطولون
-
خالد : يعيال شرايكم اليوم نطلع كشته
عبدالعزيز : اي والله يعيال خل نطلع نقير جو من زمان ما طلعنا
بهاج : قدام بس يعيال شلون نقنع اهلينا مو جدي تعبان ماراح يخلونا نطلع و نستانس
فيصل : صح كلام بهاج الاحسن انند نقعد و اذا طاب جدي نطلع
خالد : اجل خلاص بعدين نطلع
-
الرياض
جابر : هلا والله عبدالله شلونك .... وشلون عساه بخير .... الحمدلله اجل خلاص الحين جايين احنا ... ابشر غلا اول وحده تجي ... يلا اجل مع السلامه
جابر : مرااام يا مرااام
مرام : هلا جابر
جابر : يلا تجهزو نبي نمشي الديره
مرام : ليه
جابر : ابوي تعبان و يبنا نجي الديره
مرام : متى نمشي
جابر : الحين كلمي غلا تجي عشان اننا مستعجلين ضروري نمشي
مرام : حاضر
-
بالمول
غلا : هلا ماما
مرام : غلا وينتس
غلا : ماما انا بالمول ليه فيه شي
مرام : تعالي نبي نمشي الديره
غلا : ماما ليه ماقلتو من قبل
مرام : والله ابوتس يقول استعجلو ضروري نمشي الحين
غلا : تمام ماما الحين اجي
غلا : بنات لزم امشي الحين
العنود : ليه للحين ما بدا الفلم خلينا نشوفه
غلا : والله ودي بس لزم ارجع بابا يبيني ضروري
العنود : اجل خلاص روح تبين اوصلك
غلا : لا ابي اروح مع اوبر
العنود : تمام
-
ببيت جابر
جابر : يامرا عجلي تاخرنا
مرام : هذاني جيت
جابر : يلا تاخرنا
مرام : جابر غلا للحين ماجت شلون تبينا نمشي
جابر : ابوي تعبان لزم نمشي الحين و غلا اكلم واحد من عيال عمها يجي و ياخذها
مرام : اجل خلاص امش بس لحظه خلني اعطيها خبر
مرام ارسلت رساله لغلا انهم مشو و هي يجي احد من عيال عمها ياخذها
