الديره
-
الجد مهنا : بهاج
بهاج : هلا ياجد
الجد مهنا : روح شبك الغنم و جب ٤ خواريف و روح الذبحهم
بهاج : بس انا بروحي
الجد مهنا : اي بروحك ليه ليكون مالك خلق
عبدلله : بههااج روح شبك الغنم و جيب اللي جدك قاله و بروحك تسمع
بهاج اللي قمز من مكانه : سم يبه اليحن اروح
-
بيت الجد
الجده منيره : ها وش فيها ما تتكلم تكلمي يالرفله
هيام : ياجده والله ماكنت اقص..
سكتتها الجده منيره
الجده منيره : اقول اسكتي بعد ترادين امشي قدامي يلا
ومشت الجده و هيام وراها لابسه دراعه روز و الشيهله على وجها
هيام : جده وين موديتني
الجده منيره : تسوين نفسك ماتعرفين وين رايحه
هيام : ليكون تبين توديني شبك الغنم
الجده منيره : اي موديتك شبك الغنم ليه ليكون عندك اعتراض
هيام : ياجده ياحياتي انتي تكففيين لا توديني هناك اليوم فيه عزيمه ماراح يمديني اشتغل
الجده منيره : لا تشتغلين البانت راح يشتغلون و انتي انذبري بالشبك
-
عند شبك الغنم دخل بهاج يدور شنو يختار خاروف عشان ياخذه وهو يدور فجاء يسمع صوت مره تتكلم و تتحلطم
هيام : جده تكفين لا تدخليني و راح اسوي اللي تبين بس لا تخليني ادخل
الجده منيره : اقول امشي قدامي بسرعه ولا بها العصا على اضهرك بسسررععهه
هيام اللي مشت و جدتها وراها و كان الباب حق الشبك مفتوح الجده منيره دفتها و طاحت هيام على الارض وشيلتها طاحت على الارض و كانت تبي تروح تاخذ الشيله ولا الجده تقفل الباب و التفتت وراها وشافت رجال واقف ومصنم
بهاج اللي تصنم لما شاف البنت اللي ادخلر عليه و تصكر الباب
هيام اللي قعدت تصارخ و تنادي
هيام : جده تكفيين فكيييييي ياجده تكفين فكي الباب في واحد داااااخخخخللل جده فييه رجاااال داخل
و بهاج اللي بعد يناظر فيها كانت فتنه من الجمال و شعرها الحرير و الطويل الكثيف و جمالها الحلو و غمازتها اللي على خدها اليمين
هيام اللي شافت جدتها تبعد و عرفت انها لو شنو ماسوت ماراح تسمعها لفت و شافته
وقالت : انت منو و وش مدخلك شبك الغنم حق جدي
بهاج : انتي اللي وش مدخلك الشبك جدي قال روح جيب غنم حق العشاء و دخلت وانتي اللي جيتي بعدي
هيام : انت ولد منو
بهاج : انا بهاج ولد عبدلله ال مهنا انتي منو ومن بنته
هيام اللي انصدمت انه هاذا ولد عمها و خافت اكثر ان احد من عمانها يشوفونهم مع بعض ويفهمون غلط وقالت
: انا هيام بنت سعود ال مهنا
بهاج اللي انصدم و خاف اكثر منها لان يعرف اذا عمانت شافوهم مع بعض راح يفكرون غلط وقال
بهاج : انتي وش جابك هنا وليه جيتي
هيام : قالت لنا جدتي روح نظفو الحوش وحنا قاعدين ننظف تعبت وقلت مو لزم اننا ننظف ونقول حق جدتي اننا نظفنا و خلاص و جت جدتي و اسمعت كل الكلام اللي قلته و جابتني هني عشان تعاقبني و
ماكملت كلمها و قعدت تصرخ و تروح عند بهاج و تلف حوله و بهاج اللي انصدم محد من البنات امسكته غير امه و اخته و جدته و مصنم لين لما هيام قالت
: بهاج وخراااا عنييي و قامت و نطت بحضنه و هي تقول : بههاااج و خراا عنييييي
بهاج و هو مصنم و هيام بحضنه و تقول : بهاااج ماتسمع وخراا تنيي
بهاج اللي راح لزاويه مافيها خرفان و نزلها و هي خايفه
وكان يبي يروح و ومسكته من يده و قالت
هيام : وين رايح
بهاج : ابي اروح انادي احد يفك الباب عشان ياخذ الخواريف عشان جدي مايحطني مكانهم
هيام : لا تروح خلني اروح معاك
بهاج : ليه ترا ماراح انحاش ابي اروح عند الباب انادي احد
هيام : لا اخاف
بهاج : تخافين من وش
هيام : ماتسمع اصراخي قبل اشوي اخاف من الغنم
بهاج بضحكه : اما تخافين من الغنم
هيام : لا تضحك وبعدين مافيها شي لو اخاف من الغنم عادي
بهاج : اقول ترا ماني منحاش راح اكون اهني و انادي احد
هيام : طيب بس خلني اروح معك يمكن يجيون الغنم مرا ثاني
بهاج : استغفرلله
هيام : ليه تستغفر
بهاج : ياكثر كلامك امشي خلينا ننادي احد يمكن يجي ويفك لنا الباب
