عند نور
رن جوالها ردت
نور. مين
خالد. خالد
نور ارتبكت. اهلين
خالد بحب. كيفك
نور. الحمدلله وانت كيفك
خالد. بخير دامك بخير ياعيني
نور استحت وسكتت
وجلسو يسولفو لين نامو
الصباح
صحت ترف وشافت فارس نايم وحاضنها باست خده
رن جوال فارس
صحى فارس
فارس. هلا صقر
صقر. وينك مختفي
فارس. صارت اشياء
صقر. وش صار علمني من يوم مارجعت الديره ماكلمتني
فارس. زين بروح ابدل ورجع اتصل فيك
صقر. تمام
عند ترف تروشت وبدلت بتروح عند البنات
فارس. وين
ترف. عند البنات
فارس. جيبي لي فطور اكيد قد فطرو اول
ترف. طيب
راحت ترف
ديم. ترف وش تبين
ترف. فطرتو؟
ديم. اي زمان
ترف. تمام بروح اجيب فطور لفارس
ديم. تمام
راحت تجهز الفطور لفارس جهزته وخلصت وراحت غرفتها
ترف. فارس تعال
قام فارس وجلسو يفطرون
فارس. تسلم يدك
ترف. الله يسلمك
خلصو الفطور
فارس. بروح انا تبين شي
ترف وقفت وراحت لعنده وباست خده وقالت. ابي شي منك
فارس. وش
ترف. ابغى توديني البقاله
فارس. كيف اوديك البقاله لا مقدر انتي وش تبين انا اجيب لك
ترف بزعل. ابي اروح
فارس بصرامه. لا مابه عندي حريم يروحون البقاله
ترف زعلت. تمام
فارس. وش تبين اشتري لك
ترف. ولاشي
فارس. مو قلتي تبين البقاله
ترف. خلاص ماعد ابي
فارس ببرود. بكيفك اذا تبين رسلي وانا اشتري
وخرج
ترف بكت. ليه يافارس ليه اكره بردوك ليه تعاملني ببرود ليه
وكان يسمعها فارس من الشباك
أنبه ضميره وقال. اف منك يافارس انت وعدتها ماتزعله
وراح دق الباب
وقفت ترف ومسحت دموعها وقامت تفتح
ترف. مين
فارس. فارس
فتحت ترف وقالت. ليه رجعت
فارس. كذا دخل وسكر الباب
فارس. سمعتك تبكين
ترف ارتبكت. انا
فارس. اي انتي ليه تبكين
ترف. ولا شي كنت متضايقه وبكيت
فارس. لاني عاملتك ببرود وماأهتميت
ترف بغصه. لا
فارس. مواصله تكذبين؟
ترف انفجرت. فارس انا ماتعودت على احد يعاملني ببرود وتجاهل انت وقت تهتم لي وقت ماتهتم مافهمت عليك
فارس انصدم من بكاها على ذا شي بس
فارس. ترف ياحبيبي ليه البكى كله على ذا
ترف تشهق. فارس افهمني انت تعطيني الحب والامان وترجع تصحى منفس فارس تكفى لاتعاملني كذا
حضنها وقال. بسم الله عليك
ترف. اليوم صحيت حتى ماقلت لي مع السلامه تكلمني ببرود اسلوب زفت
فارس تنهد وقال بينه وبين نفسه متزوج طفله انا
باس رأسها وقال. البقاله مابوديك لانه في عيالل هناك فمقددر اكتبي الي تبين
ترف. خلاص ماعد ابي شي
فارس بدا يعصب. ترفف لاتعصبيني وش تبين من البقاله
ترف بصراخ. مابيي شي ياخي افهم
فارس مسك نفسه وقال. تمام انا رايح
خرج وسكر الباب بقوه
عند فارس
اتصل بصقر
فارس. هلا صقر كيفك
صقر. الحمدلله وانت
تنهد فارس وقال. الحمدلله
صقر. قول لي وش صار معك
فارس بدا يقول له كل شي
صقر بصدمه. شلون تزوجت وكيف
فارس. جدي جبرني اتزوجها
صقر. هي كبيره او صغيره
فارس. عمرها عشرين
صقر. اف وانت 31 شلون علاقتك معاها
فارس تنهد. اول يوم ضربتها
صقر بصدمه. شلون تضربها
فارس. هي الي جبرتني بكلامها
صقر. والحين شلون علاقتكم
فارس. كويسه الحمدلله بس اليوم تهاوشنا
صقر. على وش
فارس تنهد. قالت تبي البقاله قلت مافي عندي حرمه تروح البقاله وخرجت وهي زعلت وبكت ياخي انا مقدر اتحمل والله
صقر. تحبها؟
فارس سكت ورجع قال. اي أحبها
صقر. اجل تحملها تحمل تصرفاته تحمل مشاكلها تحملها
فارس. انا مقدر امسك نفسي اعصب عليها
صقر. اسمع مني اذا مب قادر تتحملها لاتعلقها فيك ويمكن تحمل منك وبعدين مابتقدر تطلقها عشان طفلكم استوعب يافارس انت صرت شايب ماعدك جاهل ابد عشان ماتتحملها اذا انت مو قادر طلقها باقي صغيره خليها تشوف حياتها
فارس. شلون اخليها لغيري وانا احبها
صقر. طيب تحملها كل البنات كذا حساسات يعني تبيها مثلك قاسي
فارس تنهد. ان شاءلله خير
صقر. قلت لك اتفه الاشياء انت ماتتحملها شوف وافهم حياتك بحفظ الله عندي شغل
فارس. بحفظ الله
فارس جلس يفكر بكلام صقر وقرر انو يكمل ومايخليها
راح غرفته وشافها نايمه انسدح جنبها وحضنها
حست فيه ترف وسكتت
فارس وهو يلعب بشعرها قال. شفيه الحلو زعلان
ترف. لا ماني زعلان
فارس. الا زعلانه باين عليك
ترف. لا مين قال
حضنها فارس يقوه وقال. اسمعي انا يوم اني ماوديتك البقاله انا ماقدر اروح البقاله ومعي حريم لانه في رجال كثير مقدر اذا تبين شي كلميني
ترف بهدوء. تمام
فارس. ماودك تسولفين لي سوالف حلوه
ترف. ماعندي سالفه
فارس دفن راسه برقبتها
ترف وخرت عنه وقالت. بنام
فارس. توك تصحين
ترف. تعبانه
فارس. سلامتك اوديك المستشفى
ترف. لا بنام وارتاح كلم ديم اني مابجي عندهم
فارس سكت شويه وقال. تمام
لفت ترف الجهه الثانيه فارس اخذ جواله وجلس ع جواله وكلم ديم بعد نص ساعه
تأفف فارس وقال. شفيك ترف مانتي طبيعيه
ترف. مافيني شي
فارس. ترف انا ابي اشوف وش صاير لك بس
ترف. ابد ولاشي
فارس بقلة صبر. لا يكون ع سالفة البقاله
تجاهلته ترف
فارس عصب وقال. ترف اقسم بالله لو ماتتكلمي مايصير خير وش صاير وش مزعلك
ترف. انت شتبي مني ياخي اقولك مافيني شي تعبانه شويه بس
فارس. تبين البقاله ترف انتي قاعده تسوي تصرفات بزران مو بنت عمرها 20
ترف. تمام انا بزره عندك شي خلاص روح
فارس. شلون اروح ترف لاتسوي مشاكل على اتفه الامور خليك فاهمه مو ع كل شي زعل
ترف. تمام خلاص فكني منك
فارس عصب وقال. ترف ذا التصرفات ماتعجبني بتقولين وش فيك او لا
ترف بغصه. مافيني شي ضايقه بس البقاله مالها علاقه
فارس صرخ. طيب شفيك تكلمي لاتخليني ارفع صوتي عليك اكثر
ترف بكت. فيني ضيقه ضايق صدري مابي احد يكلمني
حضنها فارس. طيب انا زوجك فضفضي لي
ترف وهي تبكي. مقدر افضفض لأحد
حضنها فارس وقال. براحتك يلا قومي اللبسي بوديك مكان
ترف وهي تمسح دموعها. وين
فارس ابتسم وقال. مكان تحبيه يلا
لبست ترف وتجهزت وقالت. جهزت يلا
قام فارس ومسك يدها وباسها
وراحو مشي للبقاله
شافت ترف البقاله وسكتت
فارس ابتسم وقال. يلا ندخل خذي الي تبين
ترف فرحت وقالت. احبكككك والله احبكك
فارس ضحك على فرحتها وقال. اكثر والله يلا ادخلي
دخلت ترف واخذت لها وللبنات من كل شي
واخذت لفارس ايسكريم
وخرجو جابت لفارس الايسكريم
ضحك فارس وقال. روقتي اخيراً
ترف حضنت يده وقالت. الله يديمك لي ياحبيبي
فارس ابتسم وقال. امين ويديمك لي ياعيني
وصلو البيت
ترف. انا بروح اجيب الاغراض للبنات واساعدهم بالاكل باي ارسلت له بوسه
فارس ضحك وقال. بحفظ الله
دخلت ترف لعندهم للمطبخ وقالت. بناتتت جبت لكم ايسكريم تبرودن على قلبكم
نوف. ياخي ترف عشقيي
وجلسو كلهم ياكلو
ديم. مين وديك البقاله
ترف. حبيبي فارس
ديم بصدمه وضحك. فارس وحببيبك يوديك البقاله ماتوقعت ابد ياكم طلبت منه يوديني ومايرضي
ترف. هههههههههههههههههههههههه بالغصب وداني البقاله بعد زعل وصراخ وديني
ليان. والله انك كفو اخذتي لنا معاك
ترف. ينسيكم الموت والله ماخليكم
نوف. كفوو والله
ترف. وين نور
ليان. بغرفتها تلقينها مع خالد
ترف ضحكت وقالت. ياخي خلوهم يعيشو جو
جت ام سعد. قومو قدمو الغداء قاعدين تسولفو مامنكم مهره ومنين لكم الاغراض ذي
ديم. من ترف
ام سعد. عز الله انكم بزران مانتم بعقلكم قومو يلا
قامو البنات وقدموو وتغدو ونظفو
ترف. اخخ ضهريي
ديم. بروح انام
ترف. وانا بعد
راحت ترف غرفتها
وشافت فارس منسدح
ترف وهي مبسوطه. ياخي ياحظي بزوج مثلك
قام فارس وحضنها وباس خدها وقال. نامي يلا
ترف حضنته وباسته ونامت
اعذروني على تأخير البارت مع المدرسه ماافضي كثير
اللهم صلِّ وسلم وبارك على نبينا محمد 🌷🌷
