"අනේ මේ අහපන් කෙවින් ! උඹලගෙ තාත්තා හිතේ බයට බං ඔහොම කෑ ගහනවා ඇත්තෙ "
" මං දන්නැද්ද බං . එක්කො ප්රොෆිට් බැහැලා ඇති . ඒ තරහා මගෙ පිටින් යවනවද දන්නෑ "
හිටපු ගමන් තමන්ගෙ ගෙදර ඇවිල්ලා ඇද උඩට වෙලා කල්පනා කරන කෙවින් දිහා බලාගෙන එහෙම කිව්වෙ සහස් . කෙවින්ට මහ හුගක් යාළුවො නෑ . ඉදියෙ දෙන්නයි. එක්කෙනෙක් රට . ඒ නිසා ලංකාවෙ ඉදියෙ සහස් විතරයි .
" අනේ උඹේ ඔය මනස්ගාත පැත්තකට දහං බං ! මටත් හිතා ගන්න බැරි උඹ එදා තනියෙන් මටත් නොකියා ගියේ මොන අඩව්වක් අල්ලන්නද කියලා "
" අපෝ.... උබත් බණ දෙසන්න හදනවනම් කියපන් . මං මෙහෙම්ම යන්නම් යන දිහාක "
" අනේ මේ කෙවිනයා... කුණුහරප අහගන්නැතුව ඉදපන් . දන්නතේක ඉදලා උඹ එක්ක ඉදපු මටද තෝ කොළේ වහන්නෙ ?"
" මොනාද උඹ කියන්නෙ හැලප ගැනද ?"
"හැලප ???? මොන හැලපයක්ද යකෝ "
සහසුත් උඩ බිම බැලුවෙ මෙච්චර බරපතල කතාවක් මැදට කොහෙන්ද හැලපයක් කඩං පාත් උණේ කියලා .
" කොළේ වහලා හදන්නෙ හැළප නේ ! ඇයි එහෙම නෙවේද ? ආ.... එහෙනම් තලප වෙන්න ඇති "
" අනේ යකෝ.... මං කිව්වෙ හැලපයක්වත් තලපයක්වත් ගැන නෙවෙයි මිනිහෝ , උඹ හොරෙන් ගියේ ඇයි කියපන් !"
" බලන්න අනේ ගියේ ... "
"බැලුවා විතරද ? ශුවර්ද ? "
සහස් ගෙ තිබ්බෙ අවිශ්වාසය පිරුණු ප්රශ්න වැලක් . කෙවින් දන්නවා සහස්ට බොරු කරන්න අමාරු බව . මොකද එකෙක් හැරෙන්න ගියත් අනිකා දන්නවා මූ එන්නෙ මොකාටද කියලා.
" ඔව් ඔව් අනේ... උඹ අපේ තාත්තාට හපන්නෙ බලං ගියාම "
"තොගෙ නසරාණි වැඩ දන්නෙ මංනෙ . නසරාණියා . එක අතකට ඕක විශ්වාස කරන්න බැරි උත්තරයක් හැබැයි. එතකොට කවුද අර ඩ්රැගන් කියන්නෙ ? පොට් එකට අලුත් එකෙක් බැස්සා කියලා ආරංචී මට!"
" කැහ්... කැහ්. මං දන්න ඩ්රැගනෙක් නෑ. මං දන්නෙ ඩ්රැගන් ෆෘට් විතරයි"
" හරි හරි බලමුකො . හැංගි හැංගි වෙස් බැන්දට නටන්න වෙන්නෙ එළිපිට කෙවිනයා . අන්න ඒක තොගෙ ඔය ගොන් මොළේ ඇතුළෙ තියා ගනිම්."
YOU ARE READING
යුගාන්ත | YUGANTHA | සිංහල
Phi Hư Cấu" උඹ දන්නෑ , උඹ ඔය අරං යන්න හදන්නෙ මගෙ හුස්ම කියලා ! අනේ...වැ- වැදලා ඉල්ලන්නම් . මගේ පණ තියලා පලයන්...." පාරම්පරික වෛරය මැදින් ගලා යන උමතු ආදර කතාවක යුගාන්තය ඔවුන් කෙසේ සටහන් කරාවිද ? -සයාශ් තීර්ථ විද්යාරත්න -කෙවින් අගාර දේවප්රිය ඇරඹුම - 2024/08...