نسل الطغاة

بارت 1

نسل الطغاة
حنان الأسود
Part one
....
لا أعلم ماذا حل بي لأصبح هكذا
أرى الدنيا بعينا عجوز قد نظرت بكل اوجاع الحياة وذرفت دموع الود حتى تجمد الدمع ليصبح صخر قاسي يرتطم بكل مايلقى أمامه ليخرج منتصراً، منكسراً، متشوهاً.
سموني حياة
وماحصلت من أسمي بس الأملاء،
سموني حياة وأخذوا مني الحياة،
كل أنسان بداخلة قوة وأنسان ثاني يگدر يحارب الدنيا كلها
كلها ماعدا أهله،
وأكبر مصائب المرء أن تشتعل حرب بينه وبين عائلته.
تربح تخسر، تخسر تخسر
ماكو نصر أبداً إذا كان الخصم عائلتك، ماضي، نفسك
خصمي نفسي
أي نعم عشت طول عمري عبالي خصمي أهلي والماضي وماگدرت أنتصر وبالآخر طلع الخصم نفسي وهاي أكبر خسائري..
......
وحدي أسير في هذا الطريق
أحاول التقدم دون النظر للماضي لكن لا أستطيع
تلك الأصوات والصرخات تجبرني على الألتفات لأرى مجزرة الماضي وضحاياها المتناثرة
لست ناجية أنا أيضاً ضحية، لكن ضحية حتى في موتها تحارب..
تحارب أمواج حياة للوصول إلى شاطئ وهمي ليس إلا سراب.
ألتفت للتقدم فأجدهم متربصين بطريقي
أواااه ما أصعبهُ من طريق
ألتفت لذلك الماضي لعلي أجد صديقا خائنا ربما ذرة ملح برغيف خبز تشاركناه قد (غزرت)
ربما يأتي صديق،
لن يأتي، وحدي أسير في هذا الطريق...
...
بسببها ومن أجلها كل مامررت به..
ربتني وصارت ألي أم والكل مفكر هاي حنية منها
اي هي حنينة وتحبني بس مو هذا سببها الوحيد..
كانت عندها أسبابها الي ماكانت تبوح بيها لأحد..
أسمي حياة
سموني حياة بس أخذوا مني الحياة
واگفة مقابل مرآتي وأدحگ على جروحي
جروح برقبتي، بكتفي، بأيدي، وبوجهي
ندگت الباب لميت ملابسي على نفسي وعدلتهن
.
ألهام: أفوت لا؟
.
. حياة: فوتي..
.
ألهام: جبتلچ گهوة اني سويتها
گعدت يمي وشربت گهوتها
حياة: طيبة عاشت ايدج
.
ألهام: أنتِ العايشة عوافي،
.
حياة: شعندچ
.
الهام: ماعندي شي
.
حياة: بأثمچ حچي گولي
.
الهام: هيج بس تا اگول،، بما أنه التجميل صار شي موجود بكل مكان ليش ماتسوين اثر جروحچ
.
حياة: يقززن؟
.
ألهام: لا والله وأنتِ مايقزز بيچ شي مهما يصير بس هيج يجوز مع الوقت تتعقدين منهن
.
حياة: لا عادي اني متصالحة مع ذاتي وحابة نفسي بكل حالاتي وهم محد شايفهن
.
الهام: زين ع الأقل الي بوجهج.. صح تبقين حلوة بس شوي لو يروح ترجعين احلى
.
حياة: أرجع؟
.
الهام: يعني مكان الجرح يروح بس لأن أنتِ ماتخربين أبدد دائما حلوة
.
حياة: راحت بعد ماعاد يرجع شي
الجروح الي بالروح حافينها خلينا ع الاقل نظهر الي  ممكن يضهر، خلي يسمونا الجريح والمجروح ليش مو هو وصفنا الصحيح؟
.
الهام: هم صحيح
.
حياة: تدرين عاد كلهن ممكن أعالجهن ألا الي بوجهي
.
الهام:ليش؟
حياة: حتى أضل اشوفه وكلما اشوفه أحقد اكثر
اخاف يجي يوم واضعف واريد اسامح، حتى يذكرني وما أسامح.
.
الهام: الله لايسامحهم بلا الكلام الي يوجع الگلب بدلي وتعالي وياي يعوزني غراض واريد تختاريلي ملابس للدوام ذوقج حلو
.
حياة: جايه وراج روحي بدلي.
طلعت الهام، الي دائما تلهمني للحياة بمجرد وجودها يمي
طلعت من الأهل بشخص واحد بس وهو الهام لولا وجودها مادري شلون يكون حالي
بدلت ونزلت وياها رحنا للسوگ وكل الطريق نفضفض ونحچي
نبدأ بلا بداية وننهي بلا نهاية
دائما وكل مشكلة ومصيبة صارت ويانه سببها الماضي وياريت ماضينا
ماضيهم همه
رجعنا للبيت ولگيتها گاعدة ع الكرسي المتحرك اول ماشافتنا ابتسمت وباركت لألهام على مشترياتها
سبحان مغير الأحوال الي غير جبروت هلة
لحد هسه اذكر طفولتي وياها من جانت تحچيلي على ماضيها الأليم وأذكر شلون خلتني انسانة بعيدة عن امي وابوي واخوني وخلتني قاسية
كلشي تحسرت عليه وماسوته طبقته براسي
الله يسامحها.