ياحيرتي وانتباهي ياقصيدي ومقصدي

35

نرجع للواقع
وقعت غيم وجات ملاذ تجري لهم بفرحه: زغرتووو غيمي وقعت رسميا صارت حرم داحم وااي
زغرتوالحريم بفرح وحب لغيم وعبدالرحمن
جات غيم وهي مستحيه الجده الهنوف: جات عروستنا يالله حي حرم الداحم
غيم بخجل: الله يبيقيك ياجده
جات ديم وجلست جنبها: حركات اخذتي الداحم خلاص صرتي زوجته لفت لملاذ تكمل مستوعبين اننا صرنا متزوجات يالله
غيم بدهشه وفرح: حقيقي باقل من سنه تزوجنا الحمدلله
ملاذ بحب: اي والله الحمدلله اخذت سيف قلبي
..
عند الرجال
الكل يبارك لعبدالرحمن الي يرد باعلى صوته: الله يبارك فيكم وعقبال العزابيه
رفعو يدانهم حسام وبهاج وسهاج: امييين
ضحك سيف: الله لايبلانا مشافيح
لف عليه حسام: اقول اص بس هذا الي كان بيموت عشان ملاذ
سيف بعصبيه مزيفه: ورع لاتقول اسم محارمنا
حسام ضحك: يارجال دز
..
بعد شهر زواج (ديم ومهند)
تجهزو البنات وكانو جميلات لدرجه تتعب القلب
ملاذ دخلت بكامل اناقتها وجمالها الي يوجع القلب ودلعها الي مايلق الا لها: بنوتاتي ايش رايكم
غيم بحب: تهبلين بسم الله عليك
اسيل بغمزه: الله يعين سيف
ملاذ استحت: اسكتي انتي
دخلت تباهي وصفرت: اويلييي ايش الجمال هذا
ملاذ ابتسمت لها:حياتي جمالك
ديم بتوتر: اووف انتو تسولفون وانا متوتره اسكتو
سحاب حضنتها: ياقلبي ديم هدي وبعدين تعرفين مهند ليش التوتر
ديم لفت لها: المشكله اني اعرفه
ضحكو البنات ونزلو وخلو ديم فوق
الجده الهنوف ببتسامه:بسم الله عليهم استودعتهم الله
دخلو حفيدات حاكم وكل من شافهم ذكر الله
غيم: يمامي يخوفون ليش يطلون فينا
ملاذ بغرور لذيذ: معجبين حبيبتي احنا حفيدات حاكم ول نسيتي
غيم ابتسمت:لابالله مانسيت جعلني قبله
ملاذ مسكت يدها:بسم الله عليك
..
عند الرجال
مهند بتذمر:يالليل يلا بروح خلاص
حسام: ياولد اهجد اشبك انت بسم الله
مهند:خلاص بروح لديمي وش ذا الرسميات من اليوم جالس واقف انهلكت
عبدالرحمن قرصه:اص اص سلم وانت ساكت اعوذبالله ياكثر هرجك ولف لسيف الي كان يعرض عاش ابو عز
سيف ابتسم:تعيش لي يابو مهيار
سيف كان يعرض العرضه النجديه بطوله وهيبته ووسامته كان جميل وهيبه يلعب بالسيف كانت الانظار عليه زي ملاذ الي كانت ملفته برقصها ودلعها وجمالها
..
عند الحريم
كانت ملاذ تتمايل ومقابلتها غيم وكانو بقمه الذاذاه والحلاوه فرحانين بزواج اختهم وروحهم ديم الي كانت رغم هبالها الا ان وجودها مهم جداا
غيم ابتسمت:عاشت حرم السيف
ملاذ بحب: تعشين لي ياحرم الداحم
..
وقفو الاغاني وحان وقت زفه ديم
نزلت ديم والكل يذكر الله كانت ملامحها الحاده طولها ملفته بكل ماتعني الكلمه وصلت للكوشه واستقبلوها اخواتها وروحها ملاذ وغيم
ملاذ بدموع:يالله ديم مشاعري متضاربه
ديم ابتسمت وحضنتها:ياروح ديم انتي ليش البكي
غيم بضحكه: خير وانا احضنوني
حضنو بعض وكان الكل يعرف قد ايش انهم قراب لبعض
..
بعد الزواج عند ابطالنا
ملاذ وبطنها تعورها وكذا مره رجعت في الزواج: سيفي
سيف التفت لها:عيونه لبيه
مسكت يده وشدت عليها:ياخي لي شهر وانا بس ارجع وتعبانه مدري اشبي شرايك نروح المستشفى
سيف بغيره:لا ماتروحين كذا ابدا نروح البيت وتبدلين ونروح
ملاذ رفعت نقابها وقربت منه خده قريب من مبسمه وطبعت قبله عميق تعبر عن مشاعرها: ابشري ياحبيبي
سيف بهيام: ارفقي فيني تكفين

انتهى