Unicode
Half of the heart
Episode.1
''ရာဇမာန်...ဒီကိုလာဦး''
သူ့ခြံထဲမှာဆော့နေတဲ့သူကိုအိမ်ရှေ့ထိကိုယ်တိုင်ကိုယ်ကျသွားခေါ်သောကလေးမလေး။
သူမလက်ထဲမှာလည်းရောင်စုံသားရေကွင်းလေးတွေကိုချိတ်ဆက်ထားသောကြိုးတစ်ချောင်းကိုကိုင်ထားလေ၏။''ဘာလဲ''
''လာဦးလို့...လာလာ''
အသားကဖြူစွတ်စွတ်နဲ့ ပါးမှာသွေးကြောနနီလေးတွေပါထင်းနေပြီး မျက်လုံးလည်းအရမ်းလှသောကောင်လေးကစက်ရုပ်အနီလေးကိုကိုင်၍သူမထံရောက်လာလေသည်။
''ဘာလဲပိစိ''
''ငါကြိုးခုန်မလို့ အဲဒါနင်ကတစ်ဖက်ကိုင်ပေး ကျန်တဲ့တစ်ဖက်ကိုကသစ်ပင်မှာချည်လိုက်မယ်''
''ငါဒီမှာကိုယ့်ဘာသာဆော့နေတာကို မကိုင်ပေးချင်ဘူး''
''ရာဇမာန်! နင်ငါ့စကားကိုနားမထောင်ရင်ကျောင်းမှာငါနင့်ကိုပစ်ထားမှာနော်''
သူတို့ကတစ်ကျောင်းတည်းဖြစ်ပြီးအတန်းကတော့ပိစိကတစ်နှစ်ပိုကြီးသည်။
ကျောင်းသွားကျောင်းပြန်ကိုတော့ရာဇမာန်ရဲ့အစ်မစက်ဘီးနဲ့အပို့အကြိုလုပ်ပေး၏။သူမနာမည်အရင်းကဆုပြည့်ရွှန်းလဲ့တဲ့။ဒါပေမယ့်အကုန်လုံးကအိမ်နာမည်ပိစိကိုသာသိကြခေါ်ကြလေသည်။
သူမကခြိမ်းခြောက်တော့ရာဇမာန်ကဆူပုပ်ပုပ်နဲ့ပဲပိစိနောက်ကလိုက်လာလေ၏။
ပိစိကဗံဒါပင်ရဲ့ပင်စည်မှာကြိုးစတစ်ဖက်ကိုချည်၍ ကျန်တဲ့တစ်ဖက်ကိုတော့ရာဇမာန်ကိုကိုင်ခိုင်းလေ၏။
''သေချာကိုင်နော် ငါခုန်တော့မှာ ကြိုးလွတ်လို့ကတော့နင့်ကိုခေါင်းချည်းပိတ်ခေါက်မယ်''
''အင်းပါ''
ရာဇမာန်ဆိုတာကပိစိရဲ့နိုင်ဖော်နိုင်ဖက်။
ပိစိကြိုးစခုန်ပါပြီဆိုကတည်းကရာဇမာန်ကမေးလေးထောက်ကာဖြင့်ကြည့်နေသည်။
သူမကဖြင့်မမောနိုင်မပန်းနိုင် တစ်ဆင့်ပြီးတစ်ဆင့်ခုန်နေတုန်း။
YOU ARE READING
Half of the heart[completed]
Romantik''''ဘယ်လိုလဲ...အဆင့်တက်ချင်လား...အစ်ကိုကနေကိုကိုကို'' ''ဟင့်အင်း...မတက်ချင်ဘူး''