Unicode
Half of the heart
Episode.2
''ပိစိ!...နင်မထသေးဘူးလား ကျောင်းနောက်ကျရင်အရိုက်ခံရမယ်နော်''
ဒါကမနက်တိုင်းလိုလိုကြားနေရတဲ့ဒေါ်ခင်မာရဲ့အသံပါ။
''ပိစိ!!''
''ထပြီလို့''
ရှိုင်းမင်းထင်အဝတ်အစားလဲနေရင်းမှဘေးခန်းကအသံကိုနားစွင့်လို့နေလေ၏။
သူတောင်အဝတ်အစားလဲပြီးပြီကိုပိစိတစ်ယောက်အခုထိအိပ်ရာမထသေးဘူး။
''ငါကမစောင့်ဘူး သူ့ဘာသာနောက်ကျကျန်ခဲ့''
သူတီးတိုးရေရွတ်ကာအင်္ကျီကြယ်သီးမြန်မြန်တပ်ပြီး သူ့အမေပြင်ပေးထားတဲ့ထမင်းကြော်ကိုထိုင်စားနေလိုက်၏။
သူထမင်းစားပြီးမှပိစိတစ်ယောက်ရေချိုးလို့ပြီးသည်။
ပိစိရေချိုးပြီးသည်နှင့်သူမအမေကအင်္ကျီဝတ်ပေးပြီးသနပ်ခါးမြန်မြန်လိမ်းပေး၏။
''ဒီအရွယ်ရောက်နေပြီ အခုထိငါကနောက်ကလိုက်လုပ်ပေးနေရတုန်း''
ပါးစပ်ကသာပွစိပွစိပြောနေပေမယ့်ဒေါ်ခင်မာကသမီးဖြစ်သူကိုခေါင်းစခြေဆုံးပြင်ဆင်ပေးပြီးထမင်းပါခွံ့ကျွေးနေပြီဖြစ်သည်။
ရှိုင်းမင်းထင်လည်းပါးစပ်ကသာမစောင့်ဘူးပြောနေပေမယ့်အခုသူမကိုအိမ်ရှေ့မှာရပ်စောင့်လို့နေလေ၏။
ရာဇမာန်ကတော့သူ့အစ်မကစက်ဘီးနဲ့လိုက်ပို့နေပြီမို့သူနဲ့ပိစိသာကျန်တော့သည်ဖြစ်ရာ သူဝန်းထရံမှာကပ်ထောင်ထားတဲ့သူ့စက်ဘီးကိုခြံထဲကနေသွားထုတ်လိုက်လေသည်။
ထိုအခိုက် ပိစိကအိမ်ထဲကနေအမောတကောထွက်လာပြီးမှ...
''သွားမယ် ငါပြီးပြီ''
''တက်''
''စက်ဘီးနဲ့သွားမှာလား''
''အေး နင့်ကြောင့်နောက်ကျကုန်ပြီလေ''
ရှိုင်းမင်းထင်ကသူ့ကျောပိုးအိတ်ကိုရင်ဘတ်မှာပြောင်းလွယ်လိုက်ပြီး ပိစိရဲ့လွယ်အိတ်ကိုတော့သူ့စက်ဘီးခြင်းထဲကိုထည့်လိုက်သည်။
YOU ARE READING
Half of the heart[completed]
Romance''''ဘယ်လိုလဲ...အဆင့်တက်ချင်လား...အစ်ကိုကနေကိုကိုကို'' ''ဟင့်အင်း...မတက်ချင်ဘူး''