البارت الرابع
متابعه وتعليق وتصويت حبايب قلبي 🫂🤍
:انـا ذيـﭻ الحَـبيبة العاشڪَة عـيـونڪ 🖤.
الكاتبه مريم علي
- حاجيت كوثر وكتلهه امي هيج تكول كالت بس خل ناخذ هاي المحاضره ونطلع وصدك كملنه وطلعنه بوجهنه لبيتنه كوثر خابرت امهه وكلتلهه اني يم يسرا
- امي صبتلنه غده تغدينه للعصر كلش اندك الباب اخوي ماكو عده شغل امي طلعت رحبت بيهم وطببتهم للاستقبال جان عمته وكفيل وابوه رجال جبير ومبين عليه التعب بس مبين شخصيته قويه
- امي نخبصت بيهم يا جاي يا عصاير وكليجه وكلساع جيبن هاي وجيبن هاي وهمزين خالتي مااجت جان تناكرن
- عطرت روحي من صاحولي دخلت كعدت يم امي واني اعصر بأيدي من التوتر كال ابوه
- شلونج بويه انشالله زينه اجيت من دبي لهنا حتى اخطب لابني ونعم مااختار ابني مبين عليج بويه مؤدبه وخلوقه وقويه هم اريدج تكونين كد المسؤوليه وتحملين اسم عائلتنه وتصبرين ويا زوجج بلحلوه والمره وانشالله الخميس هاذا الخطبه تلحكين بويه لو لا
- هزيت راسي واني مثل الثوله كلشي مافتهمت بس امي طايره وفرحانه وتهز براسهه عبالك هيه الجاي يخطبوهه مو اني اباوع لكفيل ولا حجه من ابوه يحجي ولافك حلكه ضلوا هواي يسولفون ويا امي واني مدنكه وساكته بس من ارفع راسي اشوفه صافن عليه لحد ما قبل يطلعون كله ها بويه كفيل عدك شي تكوله قبل لا نطلع
- هز رأسه وكال لا بويه انته كفيت وفيت ترخصوا وامي ماقبلت شلون تطلعون واتعشوا ماقبلوا طلعوا وكلولهه الخميس انشالله
- يو بعد مابقى شي وضلن امي وكوثر يتناقشن ويخططن واني صافنه ليش هيج مركز هواي عليه يعني معقوله صدك يحبني ابتسمت سألتني كوثر ياصالون نروح كتلهن بكيفجن ثاني يوم رحنه حجزنه صالون وراهه لرحنه للسوك اشترت امي شغلات للبيت وتشوفون راسي مااحكه واليوم أربعاء وامي مو هنا راحت للسوك واخوي بلشغل وبس اني بلبيت اندك الباب صح منو
- اني يسرا
- فتحت الباب وجان كفيل لابس قميص نيلي وبنطرون اسود وشعره نازل اجذب عليكم واكول ماركزت لا ركزت بكل تفاصيله بكلشي تحمم وكال
- احم امج موجوده
- ها
- ابتسم وكال يسرا امج موجوده
- ها لا والله راحت للسوك ءاا محتاج شي شتريد
- لا بس من تجي انطيهه هاذا الضرف وهي تخابر عمتي وتفهمهه
- ماشي من تجي اكلهه
- اترخص وسدي الباب زين
-ءااا اوكي راح واني ضليت اباوع عليه صعد بسيارته وراح دخلت للبيت كامشه كلبي يمه شنهاذا معقوله بشر
وين ساعه يلا اجت امي وانطيتهه الظرف خابرت عمته وكلتلهه
