البارت الأول
الكاتبه مريم علي
تصويت +متابعه +تعليق حلو مثلج
وشبيدي على الكلب لو حن
واضح من ملامح وجهي
متغيرين لي يكلي افلان وين
اصفن لودري النهايه هيج راح
اتصير جاباقي على كد السلام احسن
يسرا ...
- يمه عليج النبي خل اشتري والله بعد ماطلب غير شي هو شطلبت منج هو فستان
- يسرا يمه لا تشلعين كلبي هو اني منيلي اخوج اخذ مني خمسين وكلي ارجعهن من استلم اسبوعيتي وهل صار شهر ومغلس ابن الفكر
- ضليت ابجي باجر خطوبت صديقتي كوثر واعز من اختي اموت عليهه من الابتدائيه احنه سوه وهسه احنه مرحله ثانيه اداره واقتصاد ومحتاره شلبس اصلا ماعدي شي البسه وكلهن قديمات ملابسي واذا ماروح تزعل مني
- لا تبجين هسه اخابر خالتج تدزلك من ملابس مسره
- لا يمه والله استحي شسالفه يتيمه اني وتطلبين ملابس الي والله زحمه
- ماسمعتني امي وعافتني احجي وحدي وخابرت خالتي وطلبت ملابس من مسره الي هيه اكبر مني بسنتين بس هيه بطولي اليشوفنه يكول نفس العمر ساعتين واجه ابن خالتي الصغير وجايب علاكتين ملابس وامي كعدت تطلع وتشمر علي
- يلا تعالي اشوف شتلبسين طلعتلي فستان احمر وبي لمع ومخصر اني هم اقتنعت بي أخذته وعلكته بكنتوري ورشيت علي عطر ورهمت شال وحذاء ويا واكسسوارات ورجعت الملابس الباقيه بيد ابن خالتي وصيته يتشكرلي من مسره وخالتي
- اخذت اباوع بوجهي وصفنت يا صايره عدي شوارب كضيت الخيط وضليت احف وجهي كملت وجهي صار يبرك وعيوني كبرن ابتسمت يا يا اني شكد امدح عيوني ضليت اضحك سويت شعري وكملت اغراضي باوعت للساعه يا الساعه ب١٢ طفيت الضوه ونمت
كوثر،،،
- صادق مامصدكه باجر راح نعقد اوووف متحمسه
- اموت عليج باجر أكدر المس خدودج الترفه واتمعن بتفاصيلج الحلوه بالحلال
- بعد روحي اي ماكتلي باجر يجون عمامك
- يوو شتحجين انتي باجر العشيره كلهه تجي تخيلي حتى من خارج العراق
- حبيبي باجر كل الناس تسولف بخطوبتنه الضخمه
يسررا،،،،،،
- كعدتني امي ب١١ كمت تريكت وغسلت المواعين ونضفت وغسلت الملابس صارت ب٢ لازم اروح حضرت اغراضي ولبست العبايه وطلعت هيه مو بعيده بيتهم قريب علينه رحت امشي واباوع الناس قليل لان دنيا ظهر وصلت بيتهم الجهال بلباب كلهم مبدلين والبنات بدلات ويلعبن بلشارع بتسمت من شفت اخت كوثر زينه عمرهه سبع سنين لابسه بدله زيتوني نفش ومسويه كيرلي وحاطه حمره كتلهه ها ولج اليوم من العروس انتي لو كوثر
