*القاسي العنيد🦄💜*
البارت 39
ساره بفزع : آآســــــر
ظن آسر انه اصيب ولكنه ذهل بشده عن وجد نيفين تحضنه وقد لطخت ملابسها بالدماء ثم سقطت بين يديه
آسر بفزع : نيفين انت دخلتي هنا ليه ...وليه عملتي كده
نيفين بآلم : آآه قلقت عليك علشان اتاخرت ولما دخلت لقيته هيقتلك ومقدرش اشوفك بتموت او حتي بتتآلم قدامي
آسر بقلق : طيب خلاص متتكلميش وتتعبي نفسك ...الاسعاف علي وصول
نيفين وهي تبتلع ريقها بصعوبه : مش هينفع لازم اتكلم مفيش وقت ...تعرف انا مش زعلانه اني هموت بالعكس فرحانه اني هموت بين ايديك وهتكون اخر واحد اشوفه ....سامحني ياا آسر انا عارفه اني غلط في حقك وجرحتك ..بس غصب عني انا بشر ومفيش بشر معصوم من الغلط ...ورغم كل اللي حصل انا حبيتك اوي ويمكن علشان كده حاولت آزي ساره ...ثم نظرت لساره التي كانت جامده وملامح الصدمه باديه علي وجهها ...انا اسفه سامحيني انا كنت فاكره انك ختيه مني بس العيب كان فيا انا مقدرتش احافظ علي حبيبي ...آآآآه
آسر بخوف : نيفين اهدي كفايه كده
ابتسمت نيفين بوهن ونظرت له بحب بالغ
نيفين : فرحانه اوي انا شوفت نظره الخوف عليا من عنيك لاخر مره ...ادعيلي ان ربنا يسامحني ..انا غلط في حقه اوي و خايفه بس عارفه انا ربنا غفور رحيم ....ثم ضغت علي عينيه وتآوهت بآلم شديد
آسر وقد دمعت عيناه : كفايه يا نيفين
نيفين وهي تلهث وتخرج الكلمات بصعوبه بالغه : سامحني يا آسر وادعيلي ....انا بحبك اوي ....ثم انقطعت انفاسها وصعدت روحها الي بارئها
نظر لها آسر بحزن بالغ وقد فرت دمعه هاربه من عينيه ولكنه مسحها سريع ونظر لسليم بغضب جم
سليم بجمود : اخيراا المسلسل الدرامي ده خلص ...تؤ تؤ مبحبش النهايات الحزينه بس متزعلش مش هخليها توحشك لاني هبعتك ليها حالا ومتخفش علي ساره انا هكون معاها وهخليها تنساك بسهوله ...ثم صوب المسدس اتجاهه مره اخري ...نظر له آسر بغضب ونهض من مكانه وبحركه سريعه ومهاره اسقط المسدس من يده ولكمه بقوه وظل يوجه له عده لكمات في مواضع مختلفه حتي كاد يقتله ولكنه توقف عندما لاحظ ساره التي سقط مغشيا عليها من شده ما عانته في الايام السابقه ...ترك آسر سليم وتوجه ناحيه ساره بسرعه
آسر بخوف وهو يربت علي وجنتها : ساره ...ساره حببتي مالك ....وظل يحاول افاقتها ولم يلاحظ سليم الذي زحف باتجاه مسدسه ونهض من مكانه وهو يترنح وممسك بمسدسه ويصوبه اتجاه آسر ....وانطلقت الرصاصه ولكن هذه المره باتجاه سليم الذي اصيب بطلق ناري في يده من الشرطه التي وصلت بصحبه ياسين .....ركض ياسين باتجاه آسر وساره
ياسين برعب : في ايه يا آسر .....ساره مالها
آسر بقلق : مش عارف فجاءه وقعت واغمي عليها
ياسين : طيب اهدي ...احنا اتصلنا بالاسعاف وزمنهم جايين وبالفعل في خلال دقائق وصلت الاسعاف وحملت الجميع الي المستشفي
»»»»»»»»»»»»»»»»
في المستشفي
كان يجلس عزالدين ومرفت وآسر وياسين وندي وتالا وحاتم امام احدي غرف الكشف بعد ان اخبرهم ياسين بما حدث ...خرج الطبيب من الغرفه وركض الجميع باتجاهه
آسر : طمئني يا دكتور مراتي مالها
الطبيب : اطمئن بس هي اتعرضت لضغط كبيير الفتره اللي فاتت ومكنتش بتتغذي كويس وده سببلها اغماء ...انا علقتلها محاليل وانا شاء هتوفق بعد ساعه
آسر بارتياح : شكرا يا دكتور ممكن اشوفها
الطبيب : اه اكيد اتفضل
دخل آسر غرفه ساره وهو ينظر له بشوق وجلس بجانبها وقبل يدها وظل ينظر لها فقد اشتاق لملامحها وتصرفاتها وكل شئ وتمني ان تسامحه ساره
بعد ساعه افاقت وفتحت عينيها ببطئ ونظرت للمكان باستغراب وتذكرت ان اخر ما رأته هو عراك آسر وسليم ظلت تدور بعينيها في الغرفه حتي سقط عينيها علي آسر الذي نظر له بلهفه وشوق كبيير
آسر : ساره حببيتي انتي كويسه ....حاسه بحاجه انا هروح انده الدكتور
جاء الطبيب وفحص ساره واطمئن انها بخير وسمح للجميع بأن يراها
مرفت بلهفه وهي تحضنها بقوه : ساره حببيتي انتي كويسه ...
ساره وهي تبادلها العناق : الحمدلله يا ماما انا كويسه
عزالدين : حمدلله علي سلامتك يا حببيتي ..ثم قبل جبهتها
ساره : الله يسلمك يا بابا .....ثم اقتربت تالا وندي ايضا وعانقوها بقوه وقد دمعت عيناهم بفرحه تالا : حمدلله علي سلامتك ...كنت خايفه عليكي اوي
ساره : الله يسلمك يا توتا
ندي : وحشتيني اوي يا بت
ساره : وانتي كمان يا ندوش
حاتم : حمدلله علي سلامتك
ساره : الله يسلمك يا حاتم
ياسين بمرح : كفايه بقي دراما وحمدلله علي السلامه والله يسلمك دي ....ويالا يا بت يا ساره نقوم نروح البيت كان وحش اوي من غيرك
ساره بمرح هي الاخري : علشان تعرف قيمتي بس
ياسين : يا لهووي علي التواضع .....قومي يا بت
ساره : ماشي يا رخم
وفي هذه اللحظه تقدم آسر الذي كان يتابع حركاتها وكلامها بحب جارف وقد جاهدت ساره ان تتجاهل وجوده ولا تنظر له .....امسك آسر يدها بقوه وقبل جبهتها ونظر له بحب وشوق شديد
آسر : حمدلله علي سلامتك يا حببيتي ....وحشتيني اوي
ساره : شكرا ...ثم سحبت يدها بهدوء ونظرت للجهه الاخري و..........
ساره : لو سمحت مينفعش تلمسني ....متنساش انا مبقتش حلالك
صدم الجميع من معرفه ساره بموضوع الطلاق ....اما آسر فابتسم ابتسامه صغيره وامسك يدها مره اخره بتحدي
آسر : بس انتي مراتي حلالي
نظر له الجميع باستغراب وعدم فهم و.........
مرفت : مراتك ازاي ....ما تفهمنا يا ابني
آسر : انا لم طلقتك .... طلقتك طلاق رجعي ورديتك بعدها علي طول
ساره بغضب : انت ازاي تعمل كده .....فاكرني لعبه تطلقني وترميني وقت ما انت عاوز وترجع تردني وقت ما انت عاوز .......لو سمحت طلقني
آسر بهدوء : طيب اهدي ونتكلم بعدين انتي تعبانه دلوقت
ساره بغضب اكبر : مش ههدء ولا هتنيل و..... قطع شجارهم صوت طرق الباب وسمحوا للطارق بالدخول ....دخل يوسف وهو يحمل بوكيه ورد رائع وعلي وجهه ابتسامه صافيه
يوسف : حمدلله علي السلامه يا ساره
ساره بابتسامه : الله يسلمك يا يوسف
يوسف : عامله ايه دلوقت
ساره : الحمدلله تمام .....ازي مريومه
يوسف : بتسلم عليكي كتيير وكانت عاوزه تيجي معايا
ساره : كنت جبتها
يوسف : المره الجايه ان شاء الله ....حمدلله علي السلامه مره تانيه ....عن اذنكم
الجميع : اتفضل
آسر : انا هروح اشوف الدكتور علشان اذن الخروج ....اذن الطبيب لساره بالخروج بعد ان اطمئن علي حالتها بشرط الراحه التامه لمده اسبوع ....عادت ساره الي المنزل وسط سعاده الجميع لعودتها سالمه
عزالدين : نورتي بيتك يا حببيتي
ساره : منور بيكي يا بابا
مرفت : يالا يا حببيتي اطلعي ارتاحي وانا هبعتلك الاكل فوق
ساره : مليش نفس يا ماما ....انا هطلع انام شويه
آسر : كلي الاول وبعدين نامي
تجاهلت ساره كلامه ولم تجب وكانها لم تسمعه واستاذنت وصعدت الي غرفتها ....اما آسر فزفر بضيق من تجاهلها له ياسين وهو يربت علي كتفه : معلش استحمل انت غلط جامد فـ متتوقعش انها هتسامحك بسهوله كده
آسر بقله حيله : عارف ...انا مستعد اعمل اي حاجه علشان تسامحني
ياسين : هتسامحك ان شاء الله ....يالا اطلع ارتاح شويه انت تعبت الفتره اللي فاتت
آسر بهدوء : طيب ....ثم صعد الي الجناح الخاص به هو وساره وابتسم بوهن عندما تذكر ضحكها ومشاكستهم وشجارهم
آسر في نفسه : يااارب تسامحني ...انا بحبها اوي
مر اسبوع علي هذا الحال ...ساره تتجاهل وجود اسر تمام ودائما في غرفتها حتي لا ترأه ....اما هو فكاد يجن منها فهي لا تسمح له بان يرأها حتي وقد اشتاق لها كثييرا
»»»»»»»»»»»»
في احدى الايام طرق آسر باب غرفه ساره ...سمحت ساره له بالدخول ظننا منها انها مرفت و............
ساره : اتفضلي يا ماما
دخل آسر وصدم مما رأه و.........
يا تري آسر شاف ايه ؟؟؟؟؟
وايه اللي هيحصل ؟؟؟
