القاسي العنيد

البارت الثلاثون

*القاسي العنيد🦄💜*
​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ 

البارت 30
ساره بتذكر : صحيح يا آسر مين دي اللي كانت خارجه من عندك دي
آسر بتوتر : دي دي
ساره بترقب : دي مين
آسر بتنهيده : طيب اقعدي وانا هقولك علي كل حاجه .....ثم سحبها من يدها واجلسها علي الاريكه وجلس بجانبها
آسر بصدق : بصراحه يا ساره دي .....دي كانت حببيتي ايام الجامعه
نهضت ساره من مكانها سريعا وكأن لدغها عقرب ونظرت له بغضب جم
ساره بحده وعيون قاتمه : نــــعـم يا اخويا كانت ايه .....وجايه تعمل ايه عندك                      
آسر بأبتسامه فرحه من غيرتها الواضحه عليه : اهدي بس واقعدي وانا هفهمك كل حاجه ....ثم سحبها واجلسها مره اخري
آسر : بصي يا ستي نيفين دي اتعرفت عليها في الجامعه                                         
فلاش باك
في اول يوم في الجامعه كان آسر يسير بسرعه للحاق بمحاضرته وفجاءه اصتدم بفتاه وسقطت علي الارض
آسر وهو يساعدها علي النهوض : انا اسف جدا ...بس كنت هتاخر علي محضرتي
نيفين بهدوء وهي تعدل ملابسها : مفيش مشكله انا اللي اسفه مخدتش بالي
آسر بابتسامه وهو يمد يده ليصافحها : ولا يهمك ....انا اسر
نيفين بأبتسامه : وانا نيفين
آسر : تشرفنا ....شكلك سنه اوله
نيفين : اه فعلا .....وتايهه ومش عارفه اي حاجه هنا
آسر : هههه ولا يهمك ..تعالي اعرفك علي الجامعه بم ان المحاضره كده كده ضاعت
بااااااك
آسر وهو يكمل حديثه بهدوء : ومن ساعتها وبقينا اصحاب جدا وبعدين حبينا بعض .....وبسخريه او انا اللي كنت فاكر كده ...لحد ما في يوم جه واحد صحبي و........
فلاش باااك
يجلس آسر مع احد اصدقائه الذي طلبه لاخبره بشئ ما مهم جدا
آسر : هاا يا سيدي ايه هي الحاجه المهمه اللي جبتني علي ملأ وشي علشانها
حسن (صديق آسر ) : بصراحه يا آسر عاوزه اقولك حاجه ...بس عاوزك تمسك اعصابك وتكون هادي
آسر بنفاذ صبر : متخلص يا بني وتقول اللي انت عاوزه
حسن بتردد : نيفين
آسر بلهفه : مالها نيفين ....جرالها حاجه
حسن : اهدي بس هي كويسه ...بس .....
آسر بعصبيه : بس ايه متنطق يا اخي وقعت قلبي
حسن بسرعه : بصراحه كده انا شوفتها قاعده مع واحد في كافيه ومسكين ادين بعض وبيضحكوا ويهزروا بطريقه مستفزه وبعد ما قاموا روحت ورائهم لقيتهم طلعوا شقه ولم سألت البواب قالي انها شقه استغفر الله العظيم وانه شافها معاه كذا مره
آسر بصدمه : لا طبعا مش ممكن ....اكيد انت فاهم غلط
حسن بحزن علي صديقه : للاسف يا آسر هي دي الحقيقه انا سألت وتأكدت.....اسف يا صاحبي بس كان لازم اقولك
آسر وهو يضع يديها علي رأسه بنهيار : لا لا لا مش ممكن ...وبحزم ...انا لازم اتاكدت من الموضوع ده بنفسي ....فين الشقه دي
حسن : دي في .............
بااااك
ساره بفضول : وبعدين ايه اللي حصل  
آسر بمرح : انتي ليه محسساني اني بحكي قصه لبنت اختي
ساره بغيظ : اخلص بقي يا آسر كمل ....بعدين عملت ايه
آسر : دورت وراء الموضوع ورقبتها وشوفتها في يوم وهي طالعه عنده وطلعت ورائها لقيتها فعلا عنده ....طبعا انا ثورت ومبقتش شايف قدامي ومسكته وضربته جامد لم كان هيموت بس الكلاب ضربوني علي دماغي واغمي عليا وهربوا وطبعا بعدها كانت حالتي النفسيه زفت ..البنت اللي كنت بحبها وعاوز اخطبها و.......
ثم شرد قليلا وهو يقول في نفسه ...لالا مش لازم اقولها ...لو قولتلها مش هتسمحني ابدا ....انا بحبها ومش هقدر اعيش من غيرها علشان كده مش لازم تعرف .....سامحني يا حببيتي بس مش لازم تعرفي اكتر ....قاطع شروده صوتها
ساره : آسر ....آسر روحت فين
آسر : هااا لا ابدا يا حببيتي معاكي .....بس هي دي كل الحكايه وبعدها ما بقتش اثق في ايه بنت .....وبحب.. لحد متجوزتك وبقيتي كل حياتي
ساره بغيره : يعني انتي دلوقت مش بتحبها
آسر بحب : لا طبعا يا قلبي ....انا مبحبش غيرك ...انا عرفت الحب الحقيقي معاكي ...انا بحبك اوي يا ساره
ساره بدلع وهي تميل عليه: وانا كمان بموت فيك             آسر : انا بقول تتلمي... وبلاش السهوكه دي احنا في المكتب ..وبغيظ وهو يتمتم لنفسه ..متعرفش تدلع عليا غير هنا
ساره بغيظ : سهوكه ...انا غلطانه ...وبصوت حوالت ان يكون خشن قدر الامكان ..يالا يا بشمهندس قوم شوف شغلك
آسر وهو يهز رأسه بيأس : لا حول ولا قوه الا الله ...بتقلبي عم عبدو البواب في ثانيه ....يالا من هنا يا بت
وبعد خروج ساره تنهد آسر بحزن و......
اسر : انا اسف يا حببيتي ..بس لازم اخبي علشان مضعيش مني
يا تري آسر مخبي ايـه ؟؟؟؟؟