ردتك ثلج وتطفي النار البيه
شو صرت جمره وتزيده عليه
في احد محافضات العراق وتحديدا العاصمه بغداد كانت هناك عائلة بسيطه مكونه من 5 اشخاص الاب شاكر الذي يعمل ايام متواصله
خارج منزله وبعيدا عن اولالده ليوفر معيشت
ابنائه...... والام الحنونه نجلاء التي كانت تعتني
بالوالدها وكأنهم لازالو اطفال... وابنتهم الكبيره
فجر التي تبلغ من العمر 17عاما واختها ليلى 15 عاما واخوهن الصغير اوس 10...
فجر: فزيت عله المنبه يدك الساعه ب6 الصبح
طفيته واني ميته نعاس كلش اجيت ارجع انام
وتذكرت عندي دوام كمت واني اتأفأف لكيت
ماما توه كاعده صباح الخير نجوله
الام نجلاء: صباحح الخير مامتي وبعدين شنو
هاي نجوله صديقتج انه غسلي يله وتعاي تريكي
ولاتعيدها بعد
فجر:صارر نجولتي هههههه
نجلاء: لسانج شطوله ولا اكدرج حقج طالعه عله
عمتج الحيه
فجر: هااا ماسمعتج شكلتي ماماتي
نجلاء: كلشي ماكلت كملي وتعالي يله
فجر: غسلت وكملت واجيت لكيت ماما مكمله الريوك وباب همينه كاعد واوس بس ليلى ماهيه
اردفت ماما وين ليلى لعد،
نجلاء: جاي تغسل هسه تجي
فجر: هااا تمام اشوه عبالي لسه نايمه بله هيه ماتشبع من النوم
ليلى: هاولج فجيران تحجين عليه
فجر: لا لولو شعندي غيرج واحجي عليج اممح.
كملنه ريوك وبابا راح لشغله وكال هل مره يطول
10 ايام يله يرجع طبعا هوه يشتغل بمحافضه ثانيه
ويضل سبوع ويرجع سبوع بس هل مره عدهم شغل هوايه فيطول ودعنه بابا اني واخواني وماما
واوس اجه الخط مالته وراح للمدرسه لين بعيده
علينه مدرسته اما اني وليلى فقريبه مدرستنه
وصلنه للمدرسه رحت لصفي شفت الرحله فارغه
شعجب ليوم زهراء متأخره زهراء هيه اعز صديقه عندي وصديقت الطفوله.. شويه ومااحس اله وحده جرتني من حجابي من وره التفتت وشفته
زهراء هاولج شلوننننججج
زهراء: هلو فجوره شلونج شونطيني بوسسه
فجر: شعجب اليوم متأخره مو من عوايدج
يوميه الكاج اول وحده بالصف ضليت صافنه
من طكته ضحكه بعلو صوتته هاولج شبيج كلت شي يضحك
زهراء: ههه لا بعدين اسولفلج
فجر: الله ليستر من سوالفج
.. دخلت المدرسه بده الدرس واني صافنه ابد مو يم الدرس مااحس اله المدرسه كبالي فجررررر
فزيت نعم ست وياج ولج ياوياي وين صافنه يله كومي عله الصبوره حليلي هاي المسئله هم خوش اني دارسته هذه الموضوع امس فكمت مرتاحه حليت السؤال ورجعت.. كالتلي المدرسه وهيه تحجي من وره خشمه يله اصلن هوه سؤال سهل
ونتبهي وياي بعدد جاوبته نعم ست... وكملنه الدروس البقيه
رن الجرس ليعلن عن انتهاء الدوام
طلعنه انه وزهراء ومنتضرين باب المدرسه ليلى تطلع اردفت زهراء شو ماسألتي ليش اليوم متأخره
هااصدك نسيت ليش
زهراء: راسليني باليل واكلج بس ها مو عله الواتس
فجر: لعد وين
زهراء: هاج هذه يوزري مال الانستا(....)
فجر: بس ماعندي انستا تدرين اهلي مايقبلون
زهراء: خايبه شسالفه نزلي وسكتي والله حلو مابي شي
فجر: تمام انزله واشوف اردفت بضحك الله ليستر لازم مسويتلج مكسوره زهيره اعرفج
اردفت بضحك يعني بس شي حلوو.. طلعت
ليلى ورجعنه للبيت دخلت سلمت عله ماماوصعدت لغرفتي بدلت وغسلت ونزلت شنو طابختلنه اليوم احله ام بالدنيه اردفت اكله تحبياا
دولمه صحح اي يله تعالي ساعديني سوي زلاطه
اي صارر جهزنه الغده وكعدنه نتغده بس اللمه ناقصه بابا بس الحمدلله هيه هاي العيشه لعد شنسوي كملنه غده ساعدت ماما شلنه الاكل وغسلت الصحون وصعدت لغرفتي اخذت تلفوني من الشحن دخلت نزلت انستا وسويت حساب كتبت اسمي الكامل وخليت صوره اليه طالع منه نص وجهي كلش حلوه واحبه ضفت زهراء وراسلته ماجاوبتني كلت يمكن نايمه ذبيت التلفون وهمينه نمت.. فزيت عله صوت ماما تكعد بيه اكعدي يله ولج فجر الساعه ب7دنيه مغرب اردفت ايي كعدت كمت توضيت وصليت وسوينه عشه ولتمينه تعشينه وكعدت ادرس اوس السنه هوه بكلوريه ويحتاج واحد يدرسه زين درسنه رياضيات وعربي بس هذولي صعبات عنده والبقيه هوه يدرسهن كملت وبوسته وصعدت لغرفتي درست شويه واجتني رساله من زهراء فتحته وكعدنه نسولف
شويه وكالتلي اكلج عله السر مالتي بس امانه ماتحجين لاحد كتله اي احجي بس صدمتني من كالت متعرفه عله شاب بالانستا ومرتبطين واليوم الصبح ملتقين ولجج زهراء شلون تضمين عليه
هيج شي ومنليمته انتي وياا
زهراء:صارلنه شهرين بس والله فجر احبه كلشش فجر: ولج بله طلع يضحك عليج منيكول يحبج اصلن
زهراء: لج لا والله يحبني يموت عليه
فجر: والله يازهراء مادري شكلج بس الاحسلج تنهين كلشي وياا وذا صدك يحبج يجي يتقدملج
زهراء: شسالف فجر مايكدر يتقدملي ثنينه ندرس هوه مرحله ثانيه جامعه وانه خامس ماترهم لمن يتخرج
فجر: افف منج زهراء تطبين طبات لاهي طبات
زهراء: خايبه شبيج لاتخافين والله يحبني ويخاف عليه
فجر: يله ان شاءلله خير
زهراء: ان شاءلله يله انه اروح حبيبي يتصل عليه
فجر: هابدت رحمت الله نكلعي يله
زهراء: ضحكت عله سوالفه يله بيبي بايي
فجر: بايات..كملت دروسي كله وفرشت فراشي
وانمطلت وضليت اتصفح بالانستا واضيف متابعين
بصراحه عجبني والريلزات البي تضحك كلش وماحسيت بي شي موزين بالعكس نفس التكتوك وخليته مامسحته ماجنت اعرف راح تصيرلي قصه بسبب تطبيق بالتلفون؟... ذبيت التلفون وطفيت الضويات ونمت...
يتبععع...
لهنا نهايت البارت الاول
اعرف مابي احداث بس هوه
فقط نبذه قليله عن الروايه
❤️🔥❤️🔥❤️🔥❤️🔥
لاتنسون تعلقون وتصوتون
روايه: نهايتــي
للكاتبه: ساره
اليوزر: ser221134119
