لا كاتل بشر
لا ماشي ويا ابليس
لا بايك عنب
لا كاسر السله
شد وكتي عداوه وياي
حته ليسبني ترحمت لهله
فجر: كعدت ثاني يوم الصبح ب8 رحت غسلت لكيت ماما توه كاعده صبحت عليه صباح الخير ماما
نجلاء: صباح النور يمه حضرينه ريوك تعبانه كلش
فجر: سمله عليج يوم خو مابيج شي
نجلاء: لابس شويه دوخه هسه اتريك واخذ بندول واصير زينه
فجر: تمام سلامتج يوم رايحه اسويلج احله ريوك رحت طلعت طماطه غسلته وكليته وخدرت جاي ستوت الطماطه وطكيت عليه بيض طلعت الريحه تججنن حضرت كوابه لجاي وحطيتهن بصينيه ورحت للصاله لكيت لولو واوسي هم كاعدين تجمعنه وتريكنه والحمدالله خلصنه ورحت شلت المواعين وغسلتهم ورحت كعدت يم ماما شكل حيل تعبانه اليوم ماعرف ليش.. اكلج ماما شو وجهج اليوم اصفر نروح للطبيب؟
نجلاء: لاماما مابيه شي خذت علاج هسه اصير زينه
فجر: تمام حبيبتي ماما صحتج اهم شي عندي تره
نجلاء: حبيبتي ماما روحي جيبي التلفون خل نتصل عله ابوج نشوفه شلونه
فجر: تمام صار رحت جبت التلفون واتصلنه عله بابا والحمدالله زين... رحت الغرفتي طلعت ملابس المدرسه اغسلهن وكلت اغسل ملابس ليلى هم وياي دخلت لغرفته ولكيته لازمه تلفونها بس حسيته تلبكت من شافتني
ليلى: ها فجر محتاجه شي
فجر: لا لولو بس رايحه اغسل ملابس المدرسه نطيني اغسلج ملابسج وياي
ليلى: فدوه اروح لفجورتي هذني يمج بالسله اخذيهن
فجر: نوب تتأمر بت الحلووو، اردفت وهيه تضحك عبالي غير شي يله هم نعمله تره بابا حلوو..اي طبعا حلو غير انه طالعه علي
ليلى: اي مبين ديله طلعي ازعجتيني
فجر: لج هاي فوكاها غمه حته غمه ولاتستاهلين
طلعت من يمه هاي ام لسان ماينكدرله ولو احنه ثنينه لساناتنه طوال ماشاءالله هههه.. طلعت حطيت الملابس بالغساله وشغلته وغسلت الطارمه همينه وكملت دخلت لكيت ماما جاي تسوي غده ماما ليش كمتي اني اسوي اردفت وهيه مبتسمه لا حبيبتي روحي رتاحي تعبتي صارلج ساعه بره تغسلين هيه مركه فاصوليا بس احمسه واكعد
تمام ماماتي هوه الاكل لو من ايدج لو ميراد اردفت وهيه مبتسمه تدللون ماما شعندي غيركم انه
حضنت ماما عله كلامه وصعدت لغرفتي لكيت تلفوني يرن اخذته لكيته زهراء فتحت خط
زهراء: هلو فجر شلونج حبيبتي
فجر: هلا زهوره الحمدلله شلونج انتي
زهراء: مادامج بخيرر انه بمليون خير يمعمررري
فجر: شكو ولج اليوم لسانج ينكد عسل
زهراء: هههه لكفتيه اريد منج طلب صغيرون
فجر: عرفت وراج شغله غردي بله شتردين
زهراء: اريد اروح للمول محتاجه شويه شغلات تجين وياي عفيه من هسه اكلج موتكولين لا تره اطيح حضج
فجر: ولج فوكاها تطيحين حضي بسيطه اله مااروح زهراء: لافجورتي والله اشاقه شسالفه
فجر: اسأل ماما واشوف شوكت ترحين؟...
زهراء: العصر ب4امرلج اخوي ياخذنه
فجر: ها تمام تعاي مادامج عل الخط خلي اسأل ماما نزلت لكيت ماما كاعده بالصاله تباوع للتلفزيون اردفت ماما هاي زهراء تريدني اروح وياها العصر للمول اروح لو لا وها هيه هسه وياي عل الخط اردفت زهراء قبل لاتحجي ماما خاله ام فجر فدوه الكلبج حبيبتي شلونج عادي تروح وياي فجر العصر للمول وها خاله تره اخوي لياخذنه
نجلاء: هلابيج خاله يله خاله مادام اخيج ياخذجن دللي تروح وياج
اردفت زهراء وهيه طايره من الفرح شكرااا خاله ابوسج انه فديتج
ابتسمت ماما عله كلامه.. اردفت لج زهيره شهل لواكه
زهراء: لج شوسكتي مادام قبلت ترحين
فجر: اي يله انه محتاجه شكم شغله اشتريهم
زهراء: اي شوفي هم الج مصلحه بالروحه صدك فجوره خل نكشخ كشخه حلوه ونلبس نفس اللون اني وياج
فجر: تمام بس انه لختار لستايل ماكو مااروح تره
زهراء: لايمعوده ختاري انتي وصوريلي ودزيلي حته انسق نفسج بس هاا جينز مااريد اخويه مايقبل
فجر: ماشي هسه اشوف شي واصورلج
زهراء: يله بيباي
فجر: غلقت الاتصال وفتحت الكنتور اشوف شلبس طشرت الملابس كله اكثر شي عندي جينزات وقمصان قليل البس فساتين طلعت فستان اسود كلوش ويجي تصميم القميص كلش
حلو هوه بس عيبه الوحيد بي قصير شويه بس كلت يله عادي وحذاء رياضي لو بيج وشال همينه بيج وصورتهم لزهراء عجبه وكالت هم راح تنسق مثلها.. للعصر الساعه ب3كمت اجهز نفسي سبحت ومشطت وبدلت وحطيت شويه بلشر وحمره لونه يجي عله برتقالي احس كلش يلائملي هل لون واحبه ومسكارا بشرتي ماتحتاج بيضه وصافيه شويه وندك الباب عرفته اجت لبست حذائي وطلعت بوسته ورحنه صعدنه بالسياره مال اخوها صعدنه اني وياها بالوره اشوو اخوه عاط بيها واردف لج زهيره سايق عد الخلفوج انه وصاعدتلي وره باوعتله مصدومه وهوه خازره وخازرني راحت صعدت بالامام واني ضليت وره
واحس هاذه اخوه يخوزر بالمرايه شككني بروحي عبالي بيه شي فتحت التلفون اشوف وجهي اشوه كلشي مابي بالنسبه لاخوزهراء هاذه دائماًاشوفه وهوه يجيبه للمدرسه مرات تقريب عمره ب25 بس حته اسمه مااعرفه ابد ماسائله علي بس هسه حيل نفرزني.. بعد ربع ساعه وصلنه للمول نزلت زهراء واخوها هم واني افتح بالباب ماكو فلاينفتح فأجه اخوها فتحه نزلت واخوها كال ينتضرنه بالكافتريه لمن نكمل.....
في مكان اخر:
اكرم: كاعد عله المكتب جاي اشتغل عله الحاسبه وسمعت محمد يصيح لكيتها لكيتها صحت بصوت عالي حته يسمعني ويجي ولك محمد تعالي اجه يركض واردف لكيتلك مكان خالك (شاكر....) فتحت عيوني بصدمه ماجاي استوعب الكاله ولك شنو تحجي انته اردف وهوه فرحان والله اكرم والله لكيته الك عضيدي وحضني انه من مادركت الجاي يكوله صارلي 5 سنوات ادور علي هذه الكو***وهسه لكيت مكانه اخخ اف الحمدلله والشكر اللك يارب واخيرا راح اخذ ثارك يابويه
محمد: هاولك اكرم وين رحت شو مافرحت هيوو اكرم: ها وياك محمد وياك بس مجاي اصدك فرحان ولك راح اخذ ثار ابوي ولك راح اخذه بسرعه محمد دزلي كلشي يخصه كلشي لاتخلي شي لاتدزه محمد: صارر يخوي هسه كلشي تلكا يمك اكرم: يله ضلعي استعجل..شويه ودزلي عنوانه وعائلته وحته مكان شغله اخذت كلشي يخصه وهسه بده الانتقام ياشاكر ال***خنشوف شلون العبها عليك مثل مالعبت بعرضنه راح ارده الك.اضعاف وهم ابلش بأغلى الناس عليك
محمد: اكرم يخوي لاتفكر تأذي بناته مالهم دخل خطيه تدخلهن بخطأ ابوهن من قبل سنواات
اكرم: لاتخاف بس اجوي كلبه مثل ماجوه كلب طفل عله امه
محمد: الله كريم بس لاتتهور
اكرم: بس اريدك تساعدني بشغله
محمد: كول ضلعي بكلشي حاضر
اكرم: اريد حساب رقم اي شي يوصلني لبنته لجبيره
محمد: سهله هاي كلشي يخصهم مو جود عندي
اكرم: كفوو والله.....
يتبععع
لاتنسون تعلقون وتصوتون
رواية نهايتي
للكاتبه: ساره
يوزر ser2234119
❤️🔥❤️🔥❤️🔥
