تحت قبضة الليث

« البارت الحادي عشر »

" تحت قبظة الليث "
الكاتبة zahra Al Jabouri

أَقَلِلْ عِتَابَكَ فَالْبَقَاءُ قَلِيلُ
وَالدَّهْرُ يَعْدِلُ تَارَةً وَيَمِيلُ
وَلَعَلّ أَيّامَ الْحَيَاةِ قَصِيرَةٌ
فَعَلَامٌ يَكْثُرُ عَتْبُنَا وَيَطُولُ.
_____________________

ليث
بدلت ونزلت شفت امي ونرجس منتضراتني جوه

- يلا نطلع
لعد ميمي وين

ام غيث : متروح تكول عندي هواي دراسه

- ماشي
صعدنا بالسياره وتوجهنا لبيت اهل ملاك

- نرجس اليوم خابرت عقيل

نرجس : صدك شكتله

- خابرته كتله اريد اشوفك نحجي
جان يكلي والله ما فارغ خليها غير يوم
كتله شعندك ليش
يكول امي مريضه ودا نركض بيها

نرجس : صدك والله
لعد ليش ما گلي ؟

- كتله ليش ما كلت النرجس عجل
يكول ما يحتاج وهيه هسه حامل ليش تجي واتعب نفسها
وكم يوم واني اجي

نرجس : ماشي خير ان شاءالله

وصلنه لاهل ملاك دكيت هورن وطلعن كلهن
ادور على ملاك
هيه قصير وتمشي وره اختها الجبيره ف ما مبينه
صعدت اختها وشفتها من الجامه
لابسه قميص سمائي طالعه تسحل اكبر واحد
هاي شلون اذا تزوجتها اقنعها متلبس هيج
الله يساعدك يـ ليث

صعدن وحركت
اباوعلها بالمرايه بس صافنه بالجامه لا تشارك وياهم بالكلام ولا حركت روحها
نزلت عيني .. وره شويه باوعتلها جانت تباوع بالمرايه صارت عيني بعيونها العسى ما تشوف غيري ولا اشوف غيرها
ورجعت النفس كعدتها بعد ما تحركت

وصلنا .. نزلتهم وطبكت السياره وكعدت بالكافتريا وهمه يفترون
اني اصلاً ما اريد اجي لان نسوان ويفترن شعندي جاي
بس كُله علمود اشوف مَلَكي

وره شويه اتصلت امي تريدني اصعدلهم
بيه حيل بلا اني
يلا كلشي يهون لعيونها

صعدت وطلعت ام ملاك ناسيها جوزدانها بالسياره
ام غيث : يمه اخذ وحده من البنات وياك حتى تجيبه

اي يمه عفيه كون ملاككك
ام ساره : يمه ملاك روحي انـتِ

اباوع الملاك خدودها نصبغن حُمر شبسرعه هاي انگلبت
تحجي ويا اختها
لا ملاكك انـتِ شسوي بأختج تجي وياي