دكتورة....اتأخرنة شوي لان اطريت اسويلها فحوصات بس جبرنة رجلها وايدها شديناها الها لان صاير بيها كسر وراسها لفينا الها ولازم ميلوحة ماي ومع هذا كله للأسف صاير عدها انهيار عصبي و سكر مزمن لان ضربة من الضربات الي صارت على راسها او متعرضة لشي مخوفها لدرجة كلش جبيرة......عدها العافية انشاءالله
علي....شلون اجة واحد ودجني بقلبي ...دكتورة والله صغيرة شنو سكر بعدها صغيرة وين أخذها الة علاج..،بقيت مااعرف شحجي احس اختنكت راح اموت انهد حيلي شنو شافتت من حياتها بعدها ال 20 مامقبطة اخخ احس طاقتي خلصت شلون اواجها شنو اكوللها بسبب اهلج صار كل هذا بسبب اخوج الي مفروض يوكف وياج مو ضدج شنو وشنو اخخ يا فاطمة وداعتج الة اطلع كل هذا من عيونهم وبالاخص حسن و امها اخخ ياعمتي بالله حسن ماعندة كلب انتي شلونن شلون اطاج قلبج هيج تكوليلها اخخخ اسكت احسلي وداعتج يا فاطمة اعوضج عن كلة دمعة نزلت من عينج عن كل يوم كضتي وية ضرب حسن ...احس دخت وشي نزل على خشمي عرفت ضغطي ارتفع اجت دكتورة قاست ضغطي لكتة صاعد ضغطي....
دكتورة.....اسمع علي صحيح اني مالي دخل بالي دا يصير بس انتة تبقى زميلي ...أمانة اذا احتاجيت اي شي بس .اتصل علية ...وبعدين الوالد زعل من عندي يكول شلون وصلج للبيت ومانزلتي اطيتي ماي يشرب على الاقل الله وكيلك رزلني رزالة غسل ولبس كل ميشوفتي يرزلني
علي....ضحكت عليها ....طبعآ دكتورة دنيا زميلتي من الكلية حتى ابوها صديق بابا ومرات يجون للبيت مالتنا ومرات احنا يعني نعرفهم من زمان ودنيا اني واثق بيها مراح تكول الية احد... انشاءالله يلا اوصلج للبيت ....مقبلت لان ضغطي صاعد راح يجي عليها اخوها اطتني علاج لفاطمة كتبت اسمة بورقة راحت جابت غرضها كلتي دير بالك عليها وممنوع حلويات او سكر هواي هزيت براسي راحت دنيا و فريق مالتها محد بقة بشقة بس انة رحت اشوفة فاطمتي ...دزيت مسج لصاحبي يجيب علاج ...ورحت للغرفة فتحت الباب لكيتها نايمة وراسها ملفوف وايدها همات لو رجلها اخخخ والله حتى الحيوان مو هيج يعاملونة الله يطلع حوبتها منكم رحت كعدت على جرباية يمها لان ام النفرين بستها براسها وي كل بوسة احجي شيء وياها....يقلبي انتي..وبستها....وروحي.ّ....وبستها....وعمري....وبستها....وكل شي بية .....اموت بيج يروحي انتي....بنيتي....وبستها من اعيونها
....طفيت الاضوية ونمت يمها
●●●●●●●●●●●●●●●●●●●●●●●●
سارة.....كمزت من سمعت صراخ حسن احس بطني مغصتني حيل خفتتت ولو خالت اسد كالت خليها علية بس بقيت ادعي محد يشك بشي مخاليت دعاء لو أمام ما نخيتة نزل حسن وهو يصرخ ...
حسن...بصياح....يمة يابة شردتت فاطمة ماكو فاطمة
ام اسد....بصراخ ...لطمت على وجها....يمة سودتت وجهنا بين الناس الله لا يوفقها وين مجانت راحت سمعتنة بين الناس ابو اسد ماتحجي شي ليش سكات راحت سمعتت راح سمعتنا هسة العالم شيكولون علينا ماعرفنا انربي ....
