الرهب

Part 3

بسـم الله الـرحمـن الـرحيـم

الكاتبة: سـدن عـلي

-لا تنسون التصويت والتعليق بين الفقرات متابعة للحساب الواتباد وانستا ( sedn_ail20)

"واعلم أن الدنيا ستكسرك كسراً يليق بها وأن الناس سيخذلونك خذلانا يليق بهم ولكن الله سيجبرك جبراً يليق به فاطمئن

________________________

جولي : لججج ياقوت نورر ماماااا لحكنننن

انداريت لكيت امي واكعة بحضن جولي ركضنا عليها أنا ونور تخبلت ماعرف شسوي

ياقوت : جيبن ابرتها نورررر السكررر ربي بس لا جلطة ثانية الهي

ركضت نور تجيب الابرة وصرت أضربها بيها خفت لا جلطة دموعنا ما نشفت

ياقوت : مي وجيبي كمادات كومننننننن لا ضلن تبجننن

راحن يجيبن وأنا ادعي مو جلطة ماريد انفجع بيها جابن مي وغسلت وجها بساع صحت وحطيت الكمادات على رأسها

ياقوت : ماما شبيج

امي : مابية شي بس ما اخذت علاجي وما اكلت

انداريت على جولي ونور خازرتهن

ياقوت: أنا شكلت مو كلت تنطوها اكل وعلاج يلا تكعدن هاااا احجن

نور : هاي جولي

انذارت جولي على نور فاتحة عينها

جولي : ليش جذبين لججج

ياقوت : كومي ماما اسندي علية خلي نطببج ترتاحين نور احمي الشوربة وجيبي روبة وخبز جولي جيبي علاجها ومي

كعدتها على قنفة بألف يا علي

ياقوت : خفت جلطة والله گلبي الصار يرجف مو جسمي

امي : تعبانة اريد انام

ياقوت : لا لا هسه ناكل كلنا سوا ، صحت على نور ، نور سوي ألنه كلنا ناكل يمة اتمددي ولا توخرين كمادات اروحلج فدوة بس خلي تروح الحرارة منج

اجتي جولي بيدها العلاج والمي حطيتة على ميز لازم تاكل يلا تأخذ علاج شوية واجتي نور شايلة صينية وحطتها كبالنا نزلت امي من قنفة وكعدتها بالكاع كل ما تكول خلصت لا اكللها على واهسنا لحد ما خلصنا شالت صينية نور وراحت تغسلهن شلت العلاج والمي شربتة لامي