𝐒𝐭𝐮𝐜𝐤 𝐢𝐧 𝐭𝐡𝐞 𝐌𝐢𝐝𝐝𝐥𝐞 ( 𝐖𝐢𝐭𝐡 𝐘𝐨𝐮 )

𝐏𝐚𝐬𝐭𝐬

~ 𝐂𝐫𝐞𝐚𝐭𝐨𝐫 𝐎𝐟 𝐘𝐨̄𝐤𝐚𝐢 ~

ကောင်းကင်သခင်ဆိုသူမှာနတ်အကြီးအကဲများထဲမှတစ်ယောက်ဖြစ်လေသည်။

နှစ်ပေါင်းအကြာကြီးနတ်ဘုံနတ်နန်းတွင်နေရတာပျင်းရိလာပြီဖြစ်တဲ့ကောင်းကင်သခင်ဟာ ရုပ်သေးရုပ်များစွာကိုစပြီးဖန်တီးတော့သည်။

အမြဲတမ်းမြင်နေရတဲ့နှစ်လိုဖွယ်အသွင်တွေအစား ယုတ်ညံ့ပြီးကြမ်းတမ်းတဲ့အသွင်တွေကိုဖန်တီးကာသက်ရှိတွေရဲ့အသက်တွေနှုတ်ယူပြီး သူ့ဖန်တီးမှုတွေထဲထည့်ပြီး Yōkai ဟုအမည်တွင်စေလေသည်။

Yōkai တွေဟာကောင်းကင်သခင်အတွက်တော့အပျင်းပြေဆော့စရာအရုပ်တွေလိုပင်။ Yōkai ကမ္ဘာဟာလည်းလူတွေလိုပဲလက်ထပ်ထိမ်းမြားချင်းတွေရှိကာမူမမှန်ခြင်းတွေပေါင်းပြီးမူမမှန်တဲ့အရာတွေများစွာပျံ့ပွားလာခဲ့လေသည်။

ကောင်းကင်သခင်ဖန်တီးထားတဲ့ ရှေ့ဦး Yōkai တွေဟာသတ်ဖြတ်တာ စားသောက်တာ မျိုးပွားတာသုံးခုကိုသာနားလည်လေသည်။

Yōkai မျိုးဆက် အဆက်ဆက်တွင် ပထမဆုံးအဖြစ်အဆိုးဆုံးတွေထဲကမှအလှပဆုံး Yuki Onna ဆိုတဲ့နှင်းမိစ္ဆာမိန်းကလေးကိုအထူးတလည်မျက်စိကျခဲ့တဲ့ကောင်းကင်သခင်ဟာ အထက်ကစည်းကမ်းများစွာကိုချိုးဖောက်ပြီး ထိုမိန်းကလေးအားသိမ်းပိုက်ခဲ့သည်။

ထိုသို့ပြုမူခြင်း၏ရလဒ်အဖြစ်ဉာဏ်ရည်မြင့် Yōkai တစ်ကောင်ဖြစ်တဲ့ Christopher Chan ဟာ Yōkai လောကထဲတွင်မွေးဖွားလာခဲ့လေသည်။

~ 𝐘𝐨̄𝐤𝐚𝐢 𝐃𝐚𝐫𝐤 𝐀𝐠𝐞𝐬 ~

ထိုခေတ်အခါက လူ့ပြည်တွင်လည်းတိုက်ပွဲတွေဖြစ်ကာအသေအကြေများနေပြီး Yōkai တွေဟာလည်းနတ်တွေရဲ့နှိပ်စက်ညှင်းပန်းခံအရုပ် လိင်စိတ်ဖြေဖျောက်ရာအရုပ်တွေဖြစ်နေခဲ့လေသည်။

လူတွေလိုအတွေးအခေါ်ရှိပြီး Yōkai စွမ်းရည်တွေထက်ကျော်လွန်တဲ့နတ်တစ်ပိုင်း Yōkai တစ်ပိုင်း Chris ဟာထိုအဖြစ်တွေကိုတစ်ကိုယ်တည်းမခံမရပ်နိုင်ဖြစ်နေခဲ့တဲ့တစ်ဉီးတည်းသောသူဖြစ်နေလေတော့သည်။

ထိုအချိန်ကစပြီး Chris ရဲ့တစ်ကိုယ်တော် တော်လှန်မှုဟာစတင်ခဲ့လေတော့သည်။