( الفصل الاول )
《 من 17 سنه 》
" يا بابا على فكره انا عاوز العب .. اروح اوصلها ليه .. تروح هي و سيرين اختى وخلاص "
اخد الكوره منى وقال
" مافيش لعب كوره غير ما توصل اختك وبنت عمتك يعنى هما هيمشو ازاى لواحدهم .. هم عندهم كام سنه يعنى "
قلت
" يا بابا اقفلهم فى البلكونه وبص عليهم .. من البيت للدرس خمس دقايق "
قال
" يعني هيروحو لواحدهم يا اياد "
قلت
" يا بابا يعنى انا لسه هاروح اخد داليا وبعد كده استنى ايلا لما تنزل "
قال بنرفزه
" يا ابنى بيت عمتك فى وشنا .. البلكونه بتاعتك فى وش بلكونتها "
قلت
" يعنى اشمعنا انا بروح الدرس لواحدى "
لعب فى شعرى وقال
" يا حبيببى انت الكبير "
بعدت وقلت
" اولاً متلعبش فى شعرى .. انا مبحبش حد يلعب في شعرى يا بابا .. ثانيا انا اكبر منهم بثلاث سنين بس "
قال
" اياااد .. انا مش هفضل اكلمك فى الموضوع كتير .. كده الدرس هيفوتهم "
وقفت ايلا قدامى وقالت
" شيل الشنطه دى يا اياد "
اخدت الشنطه وقلت
" انا هنزل انادى داليا وبعد كده لو ملقتكيش همشي .. سلام "
نزلت وقفت تحت البيت وناديت على داليا .. طلعت من البلكونه وقالت
" ثوانى ماما تعمل شعرى "
قلت
" لأ .. انزلى يلا كده شكلك حلو .. اخلصي يا داليا يا اما همشي واسيبك "
ابتسمت وسابتنى ودخلت من البلكونه وبعد كده طلعت وقالت
" اياد .. امسك الشنطه "
حدفتهالى من البلكونه ومسكتها وبعد كده نزلت وقالت
" خلصت "
ابتسمت وقلت
" اشطر كتكوته تخلص دايما قبل اي حد "
ابتسمت وقالت
" شكرا .. بس انا مش كتكوته يا اياد قلتلك انا اسمى داليا "
ضحكت وقلت
" خلاص انا اسف .. انتِ اشطر دودى "
طلعت عمتو من البلكونه وقالت
" الدرس خلص وانتو لسه واقفين تحت البيت يا اياد "
ابتسمت وقلت
" حاضر يا عمتو "
ناديت على بابا وقال ان سيرين نازله
نزلت سيرين ومشيت .. و داليا كانت بتحكيلى عن يومها من امبارح لى دلوقتى لغاية ما وصلت الدرس سابتنا سيرين و طلعت الدرس وداليا فضلت تحكيلى .. وكنت مبسوط وانا بسمعها .. بكون فرحان ان هي بتحكيلى انا وبس .. ابتسمت وقالت
" هتيجى تاخدنى "
ابتسمت وقلت
" اكيد يا دودو .. اطلعى يلا علشان الفتانه هاتروح تقول لى عمتو انك مطلعتيش بسرعه "
ابتسمت وقالت
" انا هطلع .. متتأخرش عليا .. اقصد علينا "
ابتسمت وقلت
" ماشي .. سلام "
سبتهم ورحت كملت لعب كوره و شويه ولاقت بابا طالع من البلكونه وبيقول
" روح هات اخواتك "
كملت لعب وقلت
" حاضر حاضر "
دخل بابا وانا كملت لعب كوره وبعد كده طلع بابا تانى وقال
" يا ابنى روح هات اخواتك "
سبت الكوره ورحت اجرى على مكان الدرس ووانا فى شارع الدرس لاقيت داليا بتجرى عليا وقفت بصيت عليها بأستغراب .. هي دى ايه الى نزلها من الدرس من غير ما اوصل عندها .. وصلت عندى وحضنت رجلى
وقالت
" اتأخرت "
شلتها وقلت
" ايه الى نزلك قبل ما اوصل لى عندك يا قصيره "
ابتسمت وشاورت على سيرين وقالت
" اختك "
جت وقفت قدامى سيرين وقالت
" لو هتزعق علشان خاطر احنا نزلنا من الدرس دى فكرة داليا "
بصيت لى داليا وقلت
" اوف .. بتكذبى يا داليا "
اتعصبت داليا جامد وقالت
" انا مكذبتش عليك يا اياد .. ومش بكذب .. لأ هي الى قالت دى فكرتها .. هي كذابه ".
قالت سيرين
" كذابه .. انا كذابه .. ده هي الى كذابه .. وبعدين هو مش بيصدقك .. اياد انا الى كذابه ولا هي "
بصيت لى داليا وبعد كده على سيرين وقلت
" انا الى كذاب ولا انتِ ولا هي "
قالت داليا
" نزلنى .. انا مش صغيره علشان تشيلنى "
قلت
" بجد .. ليه حضرتك عندك كام سنه يعنى .. وبعدين ماشي انتِ حره .. انزلى "
نزلتها وهي قالت
" انا هاروح البيت "
وفضلت ماشيه قدامى .. ابتسمت وقلت
" بتحب حد يشيلها ولما بتتشال بتقول نزلنى "
وقفت وقالت
" انت الى نزلتنى "
قالت سيرين
" انتِ الى قلتى "
بصيتلها داليا وقالت
" مش بكلم الكذابين "
راحت وقفت قدامها سيرين وقالت .
" انا مش كذابه ده انتِ "
رحت وقفت ما بينهم وقلت
" هعد من واحد لى عشره .. والى هيجى عشره عليها هي الى هتكون مش كذابه "
قالت سيرين
" ماشي "
وداليا متكلمتش علشان هي كالعاده بتوافق على اي حاجه بقولها
عديت من واحد لى عشره
وكانت الى مش بتكذب هي
" داليا "
قالت سيرين
" بس ايدك جت عليا انا "
شلت داليا وقلت
" بس دودى مش بتكذب "
ضحكت داليا وقالت
" كذااااابه "
اتعصبت سيرين وفضلت تجرى ورانا لغاية ما وصلنا للبيت .. نزلت داليا بسرعه وطلعت على البيت وكانت طالعه وراها سيرين مسكت ايديها واخدتها طلعتها للبيت وسكتها بابا وقال
" عيب دى اختك "
سبتهم ودخلت الأوضه جبت الكوره وكنت نازل العب
كوره بس بابا اخدها وقال الوقت اتأخر .. والوقت اتأخر ده الى هو الساعه سبعه .. سبت الكوره وقلت
" طيب انت رايح فين .. هاجي معاك "
قال
" مش هينفع .. انا هاروح اشترى حاجات لى عمتك علشان هيسافرو "
قلت
" بجد .. هيسافرو فين .. هيروحو البحر "
قال
" لأ .. هيسافرو بعيد "
قلت
" يعنى ايه هيسافرو بعيد .. يعني هيرجعو بعد خمس ايام "
قالت ماما
" حبيببى هما هيسافرو بعيد جدا يعني برا مصر خالص .. يعني هيركبو طياره وهيسافرو .. ومش هيرجعو غير بقى لو عمتك حبت تنزل "
قالت سيرين
" وداليا هتسافر "
قالت ماما
" اه هتسافر .. هي هتروح لى باباها بقى "
فرحت سيرين وفضلت تنط على الكنبه وقالت
" احسن "
قلت
" يعني دى حاجه حلوه ولا حاجه وحشه "
قال بابا.
" حلوه طبعا "
قلت
" وهما هيرجعو امتى "
قالت ماما
" لو هيرجعو هيرجعو بعد خمس سنين او براحتهم "
دخلت الأوضه ورحت احسب لو هينزلو بعد اربع خمس سنين هيبقى امتى .. وتعبت من كل ده ونمت وصحيت الساعه تسعه دخلت البلكونه بتاعت الأوضه وفضلت انادى على داليا مردتش عليا
لاقيت بنت ماشيه وطلبت انها ترن الجرس رنت الجرس وكانت ماشيه بص وقفتها وطلبت ترن الجرس ثلاث مرات ورا بعض
رنت ثلاث مرات ومشيت طلعت عمتو وبصت عليا وقالت
" مين يا اياد الى رن الجرس "
ابتسمت وقلت
" معرفش . عيال ... عيال رنوه وجريو .. هي فين داليا "
قالت
" نامت متهيألى ".
طلعت من وراها من على الكرسي وقالت
" انا صاحيه "
قالت عمتو
" انا مش قلتلك تنامى "
قالت
" كنت قربت انام بس الجرس صحانى "
دخلت عمتو وقالت وهي داخله حاجه مسمعتهاش
بصيتلى داليا وقالت
" الجرس رن اربع مرات "
ابتسمت وقلت
" الرابعه كانت غلط .. كنت اقصد ثلاثه "
قالت
" عاوز ايه انا لازم انام "
قلت
" اه .. حضرتك نسيتى وانتِ بتحكيلى تقولى انك مسافره "
قالت
" مسافره .. يعنى هسافر فين "
قلت
" هو انتِ اصلا متعرفيش ".
قالت
" معرفش ايه "
قلت
" خلاص .. بصي كانك مقلتش حاجه .. وعاوز اعرفك سر مهم "
قالت
" سر .. هتقولهولى انا "
قلت
" اه .. متقوليش لى عمتو "
قالت
" ماشي "
قلت
" بكرا انتِ هتخرجى لى بعيد .. متتغيرش لما تخرجى خليكى زى ما انتِ كده .. بقلبك الابيض وبكل حاجه فيكى .. حتى خصلات شعرك الى ساعات بدايق عينك دى طوليها شويه وبس .. شكلك حلو بيهم سيبك من سيرين "
ابتسمت وقالت
" حاضر .. فين السر بقى "
ابتسمت و قلت
" هو ده "
قالت
" طيب .. انا هنام .. وده هيكون سر مش هقول لى حد"
قلت
" ماشي .. خدى .. استنى "
دخلت الأوضه بسرعه فتحت الدُرج وجبت الشوكلاته الى بابا كان جبهالى واخدت كمان القلب الصغير الى من قطن وطلعت البلكونه وقلت
" خدى .. كليها .. والقلب هيعجبك "
حدفتهالها وبعد كده لاقيت سيرين بتفتح باب الأوضه
دخلت بسرعه من البلكونه وقلت
" ايه .. مش المفروض تخبطى "
قالت
" بابا كان عاوز يعرف انت نايم ولا صاحي "
قلت
" كنت نايم .. انا نايم .. هنام "
قالت
" ماشي .. سلام تصبح على خير ".
_________♥︎
توقعاتكم هل هتتغير داليا مع الوقت ؟
أنت تقرأ
سي السيد .
Adventureالمشاعر مثل الورده يحركها الهواء ويتركها فجئه فى قلب ما نحب .. ولكن هل هذا القلب سيتقبل هذه الورده .. كلام غريب ولن تفهمه الا من خلال قراءة الروايه .. اتمنى تعجبكم . ________♥︎ رواية : سي السيد . روايه : بالعاميه . تأليف : ندى مجدى عبد الرازق .
