𝖎𝗼𝖓𝘀 𝐋𝖎𝐟𝖊𓂀.

𝐬𝐨𝐧𝐝𝐨𝐬'𝐬 𝐩𝐚𝐫𝐭.

                           مصدر أماني
                     ______________
في يوم من الايام وانا بقلب في تطبيق (التيك توك) شفت عباره عجبتني اوي و عملت لايك و فولو وكان اسم الاكونت (Mr: Marcus) و كنت كل مره افتح التيك توك اشوف فيد او عبارة ل الاكونت ده كنت بعمل لايك لكل حاجه يشوفها له لانو بجد مبدع و تصاميمو تحفه،،.
وفي مره شفت فيد له بيتكلم فيه عن مصر وانو فخور جدا انو مصري وان المصريين اصلهم (أقباط) وانو بيحب مصر جدا ،، انا ساعتها حبيت ازاي انووطني كده وبيحب بلدو واهلها ف بدأت اهتم بالاكونت ده و كنت كل يوم بفتح التيك توك علشان اشوف فيديوهاتو و عرفت أن اسمو الحقيقي (آيان) و انو نص مصري ونص تركي بس هو بيفتخر و جنسيتو المصرية اكتر و عرفت كمان انو طالب في (كليه الأثار) ،،.
بعديها شوية شوية عرفت انو كان في حاجه اسمها (عالم الفيك) بس خرج منو،،  وان اسم الفانز بتوعو (آيونات) وكان مشهور ب لقب (آيان آيونة للعبارات المجنونة) لان عباراتو كان بجد حلوه جدا وكمان تصاميمو وفيديوهاتو اقل ما يقال عليها ابداع و في يوم لقيتو غير اسم الأكونت من(Mr:Marcus) ل(ريَس) و حبيت الاسم جدا ،،.

في يوم نزل ريَس فيديو عن جروب في تطبيق(الانستجرام) للآيونات وان الجروب ده زي بيتو التاني، انا كان عندي رغبة اني ادخل الجروب ده و اعرف آيان شخصيا بس انا كنت من النوع الخجول م بعرف اتعرف على حد او ابادر و اكون صداقات خصوصا من شخص انا فان له هتبقى حاجه عايزه شجاعة كبيره وانا للأسف م كان عندي الشجاعة دي ساعتها ف تقبلت الواقع وقررت اني افضل على حالي و م ادخل الجروب و إن شاء الله لو جت فرصة اني ادخل الجروب هدخل،،.
في يوم كنت بقلب في التيك توك و شفت فيديو ل صاحب آيان وكان لقبو (Dan) واسمو الحقيقي (عبد الله) وكان بيقول في الفيد انو هيعمل جروب للمصريين بس على التيك و انا الصراحة حبيت اخوض التجربة و اتخلى عن خجلي شوية و كتبت في التعليقات اني عايزة ادخل الجروب و فعلا عبد الله دخلني و بالصدفة اتعرفت على آيونه وكان اسمها (لينا) و عرفت انها في روم الآيونات و طلبت منها تدخلني و خدت الاكونت بتاعي على الانستجرام ودخلتني( جروب الآيونات)،،.

لما دخلت الجروب كنت مكسوفه اوي مش عارفه اتكلم اقول ايه لاني بطبيعتي خجوله وكان عندي اعتقاد دائم اني ممكن اقول حاجة غلط ف يكرهوني بس لينا كانت دايما بتشجعني اني اتكلم معاهم و بعديها بنت لاحظت اني مكسوفه اتكلم واتعرفت عليا وكان اسمها (ملاك) كانت كل م تشوفني مش بتكلم بتجبرني اتكلم وادخل معاهم في الكلام و م اتكسف وبقت زي اختي الكبيرة و حبتها جدا،،.
في البداية مش كنت عارفه حد ولا حد عارفني حتى آيان بس لقيتهم كلهم طيبين جدا معايا ولقيت انهم زي العائلة و آيان كان زي الأب ليهم شويه شويه اتعرفت على الكل عرفت حاجات كتيره عن الجروب و ان فيه كل يوم مشكلة تخص الجروب او تخص حد من الجروب بس عرفت ان من غير المشاكل دي م كانت علاقتهم هتبقى قوية زي دلوقتي،،.
مع الوقت اتعرفت على آيان و عرفت انو اطيب مما تخيلت و جدع جدا وشخص مسؤول يستحق الثقة خلانا نعتز بلهجتنا و نحب مصر اكتر بكتير من الاول و غير كده كان بينصحنا و بيخاف علينا دائما و ويحذرنا من اي حاجات ممكن تأذينا و بيحذرنا من الغلط وبناخد رأيو في كل حاجه و معانا في الحلوه و في المره و بيحل معانا كل مشاكلنا احنا دايما بنفضفض له وبنرتاح بالكلام معاه

و دايما بيخاف على مصلحتنا بجد م في حد هيقدر يعوضني عنو او ياخد مكانو في حياتي ابدا،،.

دايما بلجألو لما بزعل لان كلامو بيساعدني جدا بحس ان حد معايا في اكتر الاوقات الي كنت محتاجه حد معايا و هو م قصر ابدا معايا او مع اي حد فينا و عمري م هنسى كلامو ليا ساعتها،،.
« شاركيني افكارك»
«انا هقف معاكي و الراجل يقول ليكِ كلمة»
«طز بالعالم الحياة م بتقف على حد ولا على كره حد ليكي او حب حد ليكي وانا معاكي ف إن شاء الله العالم كلو يتحرق»
«مهما حصل انا جمبك و هقويكي في وقت ضعفك»
« بنتي سندس»
الكلام ده لو قعدت عمري كلو م هنساه ابدا مهما حصل م هنسى حبو ليا و للآيونات ولا هنسى خوفو وقلقو علينا و وقفتو جمبنا في كل حاجة وبقى زي ابويا و طول م هو موجود بحس الامان بقى مصدر أماني،،.
روم الآيونات بقى بيتي و عائلتي التانية وانا محظوظه بيهم و محظوظه ب آيان كانت احلى صدفة في حياتي لما عملت ل آيان فولو على التيك توك بحمد ربنا عليها بحب عائلتي و بحب بابا آيونه،،،،،،.