«ليلة العيد في بيت الجد بعد الفطور »
الجد: دامنا خلصنا فطور وقعدنا ابيكم كلكم بموضوع
وبالذات انت يا وسام
ناظر جده ونطق: امرني وش بغيت
الجد: انت ياولدي متوظف ورتبتك زينه ومو ناقصك شي وابيك تكمل نص دينك ببنت الحلال
وسام: بس ياجدي انا ما ابي اتزوج الحين وكل ماجبتو طاري الزواج انا اررررفض دليل عدم رغبتي واذا جاء الوقت الي ابي اتزوج فيه بقولكم
الجد ناظره بحدّه ونطق: اسمعني انا ما اشاورك انا اعلمك وكتب كتابك بعد بكره ولاني راجع بكلامي فهمت والي بيعصي كلمتي مايصير له خير
سلطان ناظر وسام وباين على ملامحه الضيق والزعل وهو يحبه ويغليه ولا وده ينجبر على شي مايبيه ونطق: ومن ناوي تزوجه يا ابوي على الاقل اعطه وقت شوي يشوف بنت الحلال الي تناسبه
الجد: البنت موجوده ومنا وفينا ولعد احد يتكلم بهالموضوع نهائياً تجهزو لجل العقد بعد بكره وانتهينا
ناظرو كلهم وسام اللي وقف وطلع برا المجلس وهم يعرفون انه لو عصب بتصير مشاكل بينه هو وجده ومايبون هالشي يحصل
فزّ عسّاف ورا وسام ولحقه مايقوى يخلي صاحبه ورفيق دربه يضيق لجل جده وقراراته
عسّاف: وسام
وسام وقف لاتطلع
وسام لف عليه: نعم شتبي انت شايف وش الي صار الحين تبيني اضحك وانبسط واصفق له على فعلته بس والله والله ما اخليها تصير لو على جثتي
عسّاف: اهدأ انت ومايصير الا خاطرك طيب وتأكد ان كل الي يصير لك مكتوب لك تقدم وباس راسه ونطق طالبك يا وسام انك ماتطلع وانك ماتقول شي مشّها الحين وبعد العقد نحلّها
وسام: وش الحل يعني الي بيخليني افسخ هالعقد علمني وشهووووو وجدك مو راضي يسمع الا شوره ؟؟
عسّاف: تكفى وسام انك تسمع كلامي وترجع للمجلس وباذن الله تنحل لو وصلت فيها الطلاق عادي
رفع حاجبه وسام: صاحي انت والله ما اخلي اسمها بكل مكان مطلقه عشان كلام جدك
عسّاف غمز له: امم اعترف انك تبيها دام يهمك اسمها
وسام ناظره بحدّه: ولد استح على وجهك وش هالكلام اسبقني وجايك وترا والله رجعتي عشانك مو عشانه
عسّاف تقدم يبوس راسه: يا جعلني قبلك اي خلك كذا تعجبني توجهه عسّاف للمجلس وبعد دقائق دخل وسام وناظره جده: عساك رضيت يوم طلعت؟
ناظره وسام وجلس ولا نطق بحرف
الجد: يا سلطان
سلطان: سمّ يبه
الجد: كلم غايه وقولها تتجهز ولد عمها بيعقد عليها بعد بكره ولا اسمع اي رفض سواء منك او منها
سلطان: ابوي اذا انت راضي بهالشي انا ماني راضي ابداً ولا هو عشانها بنتي كمان وسام بحسبت ولدي ولا ابي اجبرهم على الزواج
الجد: انت شكلك ماسمعتني وقت قلت محد يناقشني بالموضوع والي براسي يصير انتهى الحين قومو نامو بكره ورانا فطور و اضحيه
"عند الحريم"
دخل سلطان للصاله ينادي غايه
سلطان: غااايه يا غايه
غايه طلعت من الغرفه راحت لا ابوها: هلا بابا بغيت شي؟
سلطان: اي يا بنتي ابيك بموضوع
غايه: وشفيك بابا وجهك مايطمن
سلطان مسك يدها يطلعها للمجلس: تعالي حبيبتي تعالي
سلطان فرّك يدينه ببعض ولا يدري كيف يقول لبنته: ماعرف كيف ابدأ يا بنتي ، ولكن اعرفي ان كل شي يصير لك انه قدّر والله كاتبه لك جدك اليوم كلمنا كلنا وقال ان وسام بيعقد عليك بعد بكره ووالله ان لو بيدي شي لا اوقف فيه وجهه وانتي تعرفيني بس انا انحطيت بين نارين
غايه ناظرته بصدمه: بابا انت وش تقول تزوجني بهالعمر وانا ماودّي بهالزواج ولا ابيه ولا افكر فيه حتى!!
سلطان: ادري يا حبيبة ابوك بس والله مابيدي شي ولا تحسبيني فرحان وانا جاي اقولك هالخبر؟ لا والي خلقك وخلقني ان لو بيدي اكنسله بكبره
غايه ناظرت وجهه ابوها واضح الزعل على اغلى بناته بس ماتقدر تضغطه زياده بزعلها ورفضها تقدمت وسندت راسها على كتفه: ابد راضيه يا بابا والله يكتب لنا اللي فيه الخير لاتزعل وتتضايق انت
تنهد وهو يمسح على راسها: انا ادري ان وسام رجال وبيصونك وبيحفظك لكن ماكان ودي يصير مصيركم زواج وتنجبرون على حياه انتو ماتبونها
غايه: الحين يهمني انك ماتزعل وتأكد اني راضيه لان الزواج قسمه ونصيب ولا ندري وين نصيبي وهذا هو جاني
سلطان: الله يوفقك يا حبيبتي ويكتب لك الخير وين مارحتي وجيتي
طلع من عندها وتوجهه لغرفته يفكر بحياة بنته الجايه وبعد تفكير طويل غفى.
لاتنسوون النجمه يا حلويني⭐️⭐️
