« صباح العيد في بيت الجد »
الجد بصوت عالي: نوره وين القهوه والبخور يلا بيأذن
نوره جابت القهوه ونطقت: فطور اهل الديره عندنا؟
الجد: اكيد عندنا ولا اجي من المسجد وباقي ماحضرتو
نوره: معليك قد جهزنا كل شي
فهد دخل للمجلس وسلم على ابوه: ها يبه ودك نمشي
الجد: اي مشينا عشان نرجع الفطور هنا والتفت لا احفاده ورفع سبابته بتحذير لا اشوف واحد منكم يغيب عن الفطور هزو روسهم وتوجهو كلهم للمسجد يصلون صلاة العيد.
المطبخ..
لمى: ما اصدق وش هالعيد اللي كله كرف ماحسينا انه عيد والله
الجده: هههههههه هذي اعياد الديره وانا جدتك
اريج: يعمري شكلك مو متعوه لموي هههههه
لمى: لا بالعكس ومستانسه اننا سوا وسوينا حلاوة العيد والمعمول مع جده بس يعني كان ودنا نكشخ وكذا
غنى: عاد تخيلو اني متحمممسه من الحين لعيد الليل وبتجينا عمه لطيفه وشغوف
رهف: وقص يقص لسانك وتقولينها بوجهي ؟ ماكفيت انا يعني
غنى: معليش رهوفي بس عمه لطوف غيير ههههههه
رهف تقدمت تضرب غنى بس هربت عند جدتها رفعت يدها ونطقت خلاص بوجهي والله ماتجينها
رهف رفعت يدها تتوعد فيها وضحكو البنات على اشكالهم
الجده: يلا يا حفيداتي روحو تجهزو واكشخو وانزلو لي بعد ماتخلصون
رهف: اي منجد روحو وانا بساعد امي على بال ماتجهزون
افنان: لاوالله مانخليكم واصلاً باقي بس نحضر
الجده: والله انكم تعبتو يا بناتي من يوم جيتو
تهاني: وش هالكلام يا عمه؟ بنحضر انا والبنات على مايوصلون من المسجد وانتي اللي اطلعي اكشخي مع البنات
الجده: يا عساني والله ما انحرم منكم
غرفة البنات..
دخلو البنات وكل وحده راحت تلبس عشان تسوي الميك اب والشعر بعد دقايق التفتت لمى على اللي منسدحه وبعااالم اخر عن عالمهم
لمى: غيوشتي شفيك حبيبي من امس وانتي مو على بعضك
غايه نطقت بدون ماتناظر لمى: مافيني شي
لمى مسكت يدها: ماتعلميني فيك والله انك مو طبيعيه احد زعلك او ضايقك؟
غايه هزت راسها بالنفي
لمى: ماراح اضغط عليك مع اني ادري ان فيك شي بس بعدين نتكلم فيه ويلا الحين قومي تجهزي معنا وانبسطي بالعيد
غايه توجهت لدورة المياه تاخذ شور وبعد دقايق طلعت ولبست فستانها ودخلت عند البنات
التفتو لها با اعجاب ونطقو بصوت واحد: واااو احمر!
ضحكت وغطت بيدها على وجها بحيا.
وصلو الرجال من المسجد وشيّاب الديره وعيالهم معهم
الجد: اقلطو يالله حيهم
واحد من الرجال: ماشاءالله يا محمد اشوف هالعيد عيالك ماخلوك نفس كل عيد
الجد: اجلس وسم بالله واكل وانت ساكت
الكل جلس ياكل وبعد ما انتهو راح كل واحد لبيته يكملون ذبح الاضحيه
الجد: رهف تعالي انتي والبنات شيلو الفطور
راحو كلهم مع رهف يسلمون عليه وعلى عمامهم ويعيدونهم طلع الجد للحوش يشوف الاضحيه ويشرف على العيال وشغلهم
بندر: عساف وانا ابوك خذ الكبد كله وعطهم يسوونه ولا سووها انتم مشويه
عساف: ابشر
توجهه عساف لباب الصاله الخلفي دخل ينادي رهف وهو جاهل عن اللي جالسه تصور وتتميلح
صرخت بخوف وانتبهه لها من صرختها وتقدم لها وسحبها بيدها للمجلس
عساف: تعالي يا حبيبة قلب عساف كل عام وانتي بخير وكل عام وانا احبك اكثر من العام اللي قبله
وجد استحت ونطقت: وانت بخير حبيبي
عساف: عيدي ايش قلتي؟
وجد: ماقلت شي
تقدم عساف وتوترت من قربه: عساف وش تسوي لحد يدخل علنا
عساف: واذا دخلو عادي ماسويت شي اشوف زوجتي المستقبليه
وجد ناظرت له وابتسمت ولفت تبي تطلع لكن يد عساف منعتها
وجد: عساف وش تسوي؟
عساف: ياجعل محد ينطق اسمي غييييرك
وجد حاولت تحرر يدها من مسكة عساف هز راسه بالنفي ونطق ماتروحين كذا
وجد: وش تقول انت انهبلت ما احل لك
عساف: كيف ماتحلين لي؟
وجد: مايجوز تقرب مني هالقرب
عساف ناظرها وتقدم يقبّلها بالشفايفها المغريه وروجها النود غمضت عيونها من حست بشفايفه وشنبه على ثغرها
عساف: هذي عشان مره ثانيه ماتقولين اني ما احل لك
ضحكت وطلعت.
افنان ناظرت وجد اللي جايه من الصاله: وين كنتي انتي المفروض ماتجين هالقسم لان العيال داخلين طالعين
وجد توترت بخوف من تكون امها شافتها هي وعساف: امي ترا كنت اصور بس
افنان: امشي تعالي اجلسي معنا لو يشوفك جدك هاوشك
دخلو للمجلس اللي منتشر بالسوالف والضحك والقهوه والبخور
اريج: يوه والله من اليوم اكل بهالقهوه والحلا اولا شبعت ابي الكبده الحيييين
حنان: بناتي انجنو وحده مشتهيه كبده والثانيه رز ولحم
اللي يشوفهم يقول ابوهم مايجيب لهم
ضحكو كلهم من تعليقات حنان لبناتها
الجده: الحين يجيبون الفطور الزين والكبده لعيون اريج اما الرز واللحم بالليل
غنى: ايييششش انا مشتهيه الرز واللحم الحين مقدر انتظر لين الليل
لمى: اتمنى تتخطين هههههه
غنى: خلاص زعلت منجد
لمى: لو انطقيتي محد درا غنى خذت المناديل ورمتها عليها
الجده ناظرت غايه اللي ساهيه وواضح انها تفكر وماهي معهم: غايه يا حبيبة جدتك وشفيك؟
غايه: ولاشي يا عيوني
الجده: والله اني حاسه فيك شي واضح عليك يابنتي
تجمعت الدموع بمحاجرها وقامت من عندهم استغربو وضعها ولا قالو شي وراحت لمى وراها
عند غايه بغرفتها..
دخلت لمى عندها وهي تشوفها منهاره صياح جلست جنبها وحضنتها: غيوشتي ليه كل هالصياح تكفين قولي لي وش فيك
غايه رفعت عيونها للمى وبعدت عن حضنها: لمى جدي بيزوجني وسام لمى انا ما ابي اتزوج وكمان من هالشخص اللي ما اطييقققه
لمى انذهلت من كلامها وكيف بيزوجها جدها وماقال شي لا احد: ايييش كيف كيف يزوجك وهو على كيفه؟
غايه: على كيفه اي لمى وعمامي كلهم يدرون ومحد قدر يرفض لانك تعرفين جدك وقراراته محد يرده فيها
لمى: ههههههههه كل هالزعل عشان وسام صدق انه مايستاهل زعلك
غايه: مايضحك لمى ابددداً مايضحك
لمى حضنتها وباست خدها: طيب مايفيد كل اللي تسوينه الزعل والحزن هذا والتفكير مايجيب نتيجه صح بتكونين زوجته وتعيشين معاه تحت سقف واحد وان شاءالله ان ربي يسخره لك انا فاهمتك وعارفه ان قصدك عصبيته وقساوته بس لو يشوف هالجمال بيذوب عنده صدقيني
ضحكت غايه بوسط حزنها ودموعها من كلام لمى: بس مدري لمى خايفه من حياتي معاه تعودت على دلع ودلال بابا وطلعاتي وجياتي مع صحباتي واحس لو صرت زوجته مايخليني حتى اكمل ادرس بالجامعه بتغاضى عن الطلعات بس الجامعه لا مقدر حلمي مابيه يروح كذا عشان زواج
لمى: هدي الحين انتي واستانسي بالعيد وبنصلي الظهر وننام عشان عيد الليل وبعدين تتفاهمين انتي وياه عشان الجامعه تقدمت غايه وحضنتها: انا فعلاً بدونك ولاشي هونتي علي اشياء كثير
بعد ماخلصو فطورهم وقضو اجمل يوم مع حبايبهم راح كل واحد غرفته ينام يستعد لعيد الليل.
980 كلمه عوضتكم عن تأخير البارتات عطوها حقها🤎🤎
