حيدر:شفت محمد يبجي... شبيك محمد؟
محمد: الي بل مدرسه ما يحبوني ويتنمرون علي
حيدر: محمد ليش تهتم الهم؟
محمد: لارد بس يبجي
حيدر: تمام محمد باجر اروح وياك عل مدرسه واشوفهم بس لا تبجي
محمد: حضن حيدر وهو يبجي
حيدر: لا تبجي ولا تهتم لكلام الناس اني راح اصير دكتور ويصير عندي شركه واخليك بـ مدرسه حلم كل طالب
ـــــــــــــــــــــــــــــــــــــــــــ بعد مرور 5 سنوات
بهاي الـ 5 سنوات حيدر تغير جذرياً صار عنده شركه بلندن اكبر شركه وانجح شركه بل عالم حرفياً شوي وتوصل للغيوم واحسن دكتور جراح ب الولايات المتحدة واما بل نسبه لشكله فـ صار وسيييم واسمر وعنده عضلات ومبينه عروق ايده وعيونه الزرق الي مثل لون البحر واسم الشركه مالته "الأزرق" وحقق حلم محمد الي هوا يعتبره ابنه وصار عنده مدرسه بأسمه متخيلين بس اكيد بيها طلاب وحيدر هسه ما عنده غير محمد من اقاربه وأدهم صار المستشار بل شركه وامه نورا مصار عدهم خبر وين راحت بس ما دققو عادي وحيدر هسه اكبر ملياردير بل عالم بس ما كدر يتخطى نور يريد ينتقم منها على كل دمعه نزلت من عينه وهم ما تزوج او ارتبط!
اما نور صارت دكتوره ومعاونة دكتور وتشتغل بأحد شركات العراق الألكترونيّه ما نست حيدر بس ما مشتاقتله و مريم صار عدها بنت من سجاد عمرها 4 سنوات وتزوجو وهي بل كليه وبنتها تخبل بس اكثر الوقت وي نور لأن نور تحب الأطفال ونور لهسه محجبه وما تزوجت تريد تهتم بشغلها اكثر ابوها مات قبل 3 سنوات نهارت هواي بس مع تشجيعات امها ومريم كملت حياتها طبيعي اما بل نسبه لجمالها ما نقص زاد ملاك حرفياً بياضها عيونها الزرق كلشي حلو بيها متتخيلون كم شخص عرض عليها الزواج بسبب جمالها...
ــــــــــــــــــــــــــــــــــــ الشركه الي تشتغل بيها نور
نور:كاعده وجاي اشتغل واجه علي المدير... اهلاً استاذ محتاج شي
المدير: انتي وطاقم العمل ومريم اكيد راح نروح لشركة الأزرق لأنو عدنا شغل هناك مو بس راح نروح لأ راح ننقل كل شغلنا هناك يعني راح نروح على لندن
نور:جتني صعقه لندن يعني هناك. حيدر يا ربي منين تجي هاي المصايب...
نور ما تعرف انو الشركه هي نفسها الي يشتغل بيها حيدر او هيا نفسها الشركه مالتا
المدير: نور نور
نور:ها اي ايمت نروح
المدير: انشاء الله باجر العصر
نور:اوه يلا اني اروح اكمل
المدير: لالا روحي على بيتج تحضري وكلت للكل يروحوون باجر نلتقي بل مطار
