انسدحت جنبه وغمضت عيونها بارتياح وان اليوم الصعب عد على خير
سحبها من خصرها ولف وجهها لوجهه
وديان : قايم
عبد العزيز : اي وانا اقدر انام بدون ما امسك خصرك
دفن وجهه بصدرها وبدات تلعب بشعره
وديان : عزوز
عبدالعزيز : عيوني
وديان : تخيل في يوم و ليلة تكتشف ان عندك اخت واخ وش شعورك
عبدالعزيز : يخوف بس لو طلع عندي بعاملهم كانهم اخواني وهم فعلا اخواني بس احس راح يحتاجون اهتمام واجد
تنهدت وهي تفكر بـ ريوف و ليث
...•...•...
توهقت ما غسلت ملابسها لدوام بكراً ، كانت الساعة الثانية بعد منتصف الليل ، خرجت من الغرفة ببجامتها الحرير الفاضحة توقعت ان محد صاحي
بيان بنفسها : مالي خلق ابدل وارجع البس بنزل اساسا الساعة ٢ محد صاحي
راحت لغرفة الغسيل والكوي الى بالدور الاول نزلت بحذر عشان محد يشوفها ملابسها كاشفة مو ساترة دخلت الغرفة وتنهدت برتياح
و حطت ملابسها وحطت صابون وشغلت الغسالة
وحطت السماعات على اذنها وشغلت اغنية :
ودي كثر ما يحبني واعشق اسلوبه !
ابوس اسمه قبل تنطق به شفاهي
واصير عطراً مابين احضانه وثوبة
- لين يتنشقني واملا صدره الباهي !
وتغني مع الاغنية وتهز راسها يمين ويسار بخفة وتغني بصوت جميل متالق ، وكانت تغني وهي تقصد حسام حب الطفولة بالنسبة لها لكنها تخاف الاعتراف تخاف يرفضها يمكن ما يحبها فهي للان تحبه وكل يوم يزيد حبها له بس ما اعترفت له يمكن ما يحبها !
جاهلة الشخص المستند على الباب يطالع زولها وهي تهز بشعرها وراسها وتغني بصوتها الى جذبه من غرفته يعرف انه حاطة السماعة ما تدري صوتها عالي او لا ، لكن صوتها جذبة من الغرفة وهو يتاملها بهيمان
لاحظ ملابسها العارية قليلا وابتسم على شكلها وطلع غرفته
...•...•...
يوم جديد على الجميع .
بيت مليء بالحيوية والبهجة والسرور واصوات الاطفال والكبار والصغار
تحديداً طاولة الطعام يتصدرها الجد ومن بعده الاعمام ومنبعدهم الاحفاد بشكل عشوائي ، يتجمعون تتدريجياً ،خرجت ليال من غرفتها ونزلت
ليال : السلام عليكم ، ردو السلام
وجلست بجاور سعود لانه المقعد المتبقى
بدات تاكل ليال بعد مباله وبجمود و برود بينما متجاهلة نظرات الانعجاب من عيال عمانها
لاحظ سعود النظرات وحس بالغيرة همس لها : غطى صدرك
معنى انها مقفلة كل ازرار بلوزتها ومو واضح الا رقبتها
وهي تبتسم بخبث بالفكرة الى خطرت بالها ، بحركه سريعة فتحت اول زر من بلوزتها وضح سلسالها وشوي من عظام رقبتها
اشتعلت نار الغيرة بـ سعود والى كان نفسه يصرخ لهم او يمنعهم من النظر.. معنى ليال ما فتحت الا زر واحد فقط !
مسكها من فخذها وضغط عليه من تحت طاولة الطعام ، وهو يهمس لها : لا تختبريني قفلي بلوزتك ولفي الشال على رقبتك ووجهك بعد
فكت ليال يده من فخذها وتطالع فيه بنظرت استفزاز وتكمل اكل بعدم مباله
بينما روند لاحظت وصقعت رعد وهي تهمس ليال و سعود شوفهم
رعد غص بالاكل من شاف وجه سعود المحمر من الغضب و نظرات الخبث بعيون ليال
منى - ام فيصل : بسم الله عليك
ابو فيصل : تراه كبير ما يحتاج تعلمينه شلون ياكل بعد !
طالع رعد لابوه وهو يتوقع اي شي من ابوه
روند بهمس : شوف ليال فتحت زر بلوزتها
رعد بنفس الهمس : واضح سعود غار
روند : قلك الرجل الغيور
وضحكت بصوت والتفتو لها باستغراب
ابو مجد : شفيك يا بنتي فيك شي !
روند : لا ما فيني شي
ناظرت لمى : باستغراب لها وهي تأشر بيدها بمعنى ايش
فتحت قروبهم المشترك و كتبت : شوفو ليال فتحت زرارها وسعود غيران شوفو وجهه ... شافة ريوف الرسالة وفمها في اكل وغصت وتكحكح صقعتها لمى من ظهرها وهي تضحك بصوت عالي على سعود و ليال
والكل التفت لهم ، بحالة استغراب محد فاهم السالفة
ابو عبدالعزيز : في شي احنا ما نعرفة
لمى بتوتر : لا بس غصة
كملو اكل وهم شاكين
خلصت ليال اكل وقامت بتطلع ، لكن صحنها مليان وواضح انها تسلك لهم ما تاكل من التعب
الجد : وين يبنتي ما اكلتي شي شوفي صحنك
ليال بنظرة باردة : لا شبعت
طلعت بدون تسمع رده ، تمشي بالدرج وعيونها تدمع كان فيها بكية من استوعبت كل شي يصير لها ...
دخلت غرفتها منعتها رجول سعود من انها تقفل الباب
مسحت دموعها بسرعة : مين
فتح الباب : انا سعود ، شفيك تبكين !
ليال : ما ابكي !
سعود : ليال مني تبكين !
ليال : لا والله
سعود : اجل شفيك لا تخبين على
ليال : سعود مو قادرة استوعب شي احس اني منجد بحلم والله كل شي براسي يمشي بسرعة الزمن سريع وانا مو قادرة انجز شي ً
سعود : تنجزين ايش !
ليال : ولا شي
مسكها من كتفها : ليال اسمعيني وش رايك تتركين خططك وخطة الانتقام وتبدين صفحة جديدة لان عمرك يضيع وانتي للحين تخططين
عدم رد ليال ابهم الجواب
سعود : بسالك سوال !
ليال : ايش هو !
سعود : هل عندك بذكرياتك لحظة سعيدة !
سكتت ليال تفكر ونزلت راسها باسى : لا
سعود : طيب ابدأي اصنعي السعادة لنفسك !
ليال : سعود مراح تفهمني ، وش ابي بالحياة وانا ما عشت لذتها وش ابي فيها وانا كنت مظلومة ولازلت كذالك ، وش ابي
انت ما تعرف قد ايش انا تعذبت وتالمت سعود حياتي مليانا احداث تدري اني اتمنى يوم انام بدون ما افكر ايش يصير بكرا !
تدري قد ايش ودي تكون عندي عائلة سعيدة !
امي مظلومة والان انا مظلومة والسبب وراس كل شي جدي تدري عمري ما اسامحة وش شعور امي وش شعوري انا ما حسيت فيني !
انا لو يسكبون على موية حارة ما احس فيها من كثر وجعي الى بداخلى !
ضمها سعود له ووهذي المرا الثانيه الى سعود يحرر دموع ليال من مجمعها بكت ليال وشهقت كثير وكان يتقطع قلب سعود عليها
حس بثقلها رفعها ووضعها على السرير ولحفها وخرج برا الغرفة
...•...•...
في يوم الاحد اول ايام المدرسة لـ ليال و ريوف و روند ولمى
اول يوم لهم ورجوعهم لمدارس البنات
افطرو وجهزو ولبسو المريول الكحلي وراحو المدرسة
وصلو عند الباب قالت لجين : اخخ مو مصدقة بعد سنة كاملة رجعنا ندرس مع بعض
ضحكت ريوف : ايوا منجد رجعنا بعد ما فقدت الامل اني اكمل بمدرسة بنات
لمى : بنات يعع ذي المدرسة نفس مديرة المتوسط
روند : ايي عفاف تديرها وعع يعني بقابل عفاف ونجلا ( نجلا هي وكيلة المدرسة) وكل يوم بقابل وجههم
نور : عادي معليكم هم اول ما يعرفون انكم من ال سلطان بسكتون
دخلو المدرسة وكان الكل نظرة على هيبة ليال وانهم مع بنات ال سلطان جاهلين ان ليال وروند و ريوف و لمى ال سلطان بعد ...
لجين : ليالو اسمعي انتي والباقي روحو لمكتب المديرة عشان نعرف اي فصل انتم !
ليال : تمام
دخلو بدون يدقون الباب وهم متعمدين يستفزون عفاف
عفاف : خييير انت وياها وبعدين انتو ليه رجعتو !
ليال : اشششش سدي فمك بكيفي ارجع وبكيفي ادخل بفلوسك هو !
روند : وبعدين احترمي من تكلمين !
عفاف : الله اكبر اكلم بزر ترا وايتام بعد وابوكي متبري منكم ههههههه!
ريوف وهي ما تفتخر باسمها ولا تحب اسم ابوها وجدها بس عشان تستفز عفاف : انتي تكلمين ريوف وليد ال سلطان تفهمين !
بلعت ريقها : ا ا ايش ال سلطان مو كنتي يتيمة !
لمى : عمى ترا يتيمة مو سبة وبعدين كلنا ال سلطان ولا لك اي كلمة علينا
طلعو من مكتب عفاف يضحكون
روند : اخخخ قتلتني نظرتها يوم درت ان احنا ال سلطان
ريوف : وعع اكره اسمي احس اسم ريوف حلو لكن الى بعده يععع
فاهمين البنات وضع ريوف وكرهها لابوها وجدها بعد
لجين : ها ايش فصلكم
روند : قلت لهم ابي اكون معكم
نور : كفوا
روند : كفوك الطيب
دخلو الفصل بينما كان الكل نظرة على ليال الى دخلت لا سلام ولا كلام قعدت اخر مقعد ونامت اما الباقين واقفين عند الباب
المعلمة : بنتتت على فين !
ليال : لجهنم تبين تجين
المعلمة : احترمي نفسك
ليال : تعرفيني عشان تصارخين علي
المعلمه : منو انتي شايفة نفسك على مكتب الادارة
روند : الظاهر ودك تنفصلين
المعلمة : منو انتي !
روند : اختها
لجين : ههه اقول كملي درسك تراها من آل سلطان واحنا كلنا من آل سلطان فحترمي نفسك انتي و خلاقينك ذي !
ضحكوا كل الفصل عليها وطلعت المعلمة بعصبية من لجين الى كل يوم مستقعدة لها
دخلت المعلمة الثاني وقالت : السلام عليكم ، ردو السلام
المعلمة : في وجوه جديدة على ، عرفو بنفسكم
لمى : اسمي لمى عبدالله آل سلطان
روند : اسمي روند معاذ آل سلطان
ريوف : اسمي ريوف وليد آل سلطان
ليال : ليال وبس
المعلمة : تمام في تشابه باسماء الاباء
روند : انا و ليال اخوات
لجين : وانا و ريوف خوات
المعلمة : اها تمام وانتي يا لمار مو كان اختك لمى ولا
لمار طالعت بـ لمى ولفت راسها على الشباك متجاهلة السوال
كل البنات مستغربين ونزلت لمى راسها
وهمست ريوف لـ روند : يعع بجيحه لمار ما عمرها كانت كذا ليه تغيرة
روند : والله ما اعرف بس لمى محزنتني
الاستاذة : اهاا يعني مو اخوات تمام نكمل
جاء وقت الانصراف والخروج
لجين : افف ما اشوف شي من الطرحة
نور : نتحمل وش ورانا
روند : اخخ والله حر وقرف
لمار : مو كانها سيارة ولد عمي فهد
لجين : اففف ما لقو الا ذا
ريوف : وش فيك !
لجين : ياخيي ما ، وسكتت
روند : ايش !
لجين : ولا شي ، وراحت عنهم
لمى : نور قولي لي وش فيها
نور : افف بس ياويلكم تقولون لها
ريوف : وعد بس قولي
نور : فهد يحب لجين ولجين تحب سعود وهو دايم يطالع لها
كانت ليال تشرب ماي وغصت من الصدمة و البنات كذالك ما عدا لمار الى تعرف كلهم يطالعون بـ ليال وهم خايفين من سكوتها المفاجئ
دخلت نور قدام بحكم ان لجين مستحيل تقعد قدام
وليال في حالة صدمة ومو قادرة تستوعب حاجه شلون كيف !
كانها مخيرة بين نارين لجين اختي و صديقتي او سعود الى تحبه اكثر من نفسها وش تختار
تكون انانية وتحب سعود وتخسر لجين آو تتخلى عن سعود وتكسب لجين
لجين يد ليال اليمين صديقتها واختها لجين مو شي سهل عند ليال لجين عيون ليال وسعود عيونها الثانيه هل تعمي وحدة منهم !
فهد : لجين انتي اكبرهم كيف نور تقعد قدام
لجين : وانت وش عليك عجبني الى ورا
تنهد فهد من لجين ..
وصلو البيت دخلت ليال غرفتها وبدلت وقعدت على السرير
الكل اتجهه لغرفته وهم يعرفون ليال لو تضايقت تكرة احد يواسيه تحب تواسي نفسها
دخلت عليها لجين الغرفة : بسم الله شفيك مصدومة كذا
ليال : ما فيني شي
لجين : ليال تخبين على مين ترا اعرف كل اسرارك مستحيل اعرف تعابير وجهك اذا متضايقة
تصريفة ليال : توي استوعب حياتي لجين ما تهنيت بحياتي
لجين ضمتها وتواسيها مثلة ليال انها هديت وقالت : لجين وش بينك انتي و فهد و سعود تخبين عني !
لجين : ليال ما اخبي عنك بقولك بصراحه فهد ناشبلي وانا ما احبه
ليال : ممكن يحبك !
لجين : بس انا احب غيرة !
ليال بشك وخايفة تنطق بالاسم الى تتمنى انها سمعته خطا : مين !
لجين : سعود ، احب سعود
ليال بصدمة واضحة: ها
لجين بتوتر : انتي تحبينه !
ليال سكتت تفكر ونطق : لا
لجين : اشوا كنت شاكة انك تحبينة !
ليال : من قال !
لجين : مدري !
ليال : من متى تحبينه !
لجين بضحكة : من وانا صغيرة كنت احبه وكبرت وزاد حبي له
....
خرجت لجين من غرفة ليال دمعت عيون ليال تتساءل ليه ! ليه اختبرتها الحياة بهاذي البشاعة صديقتها واختها ويدها اليمين ومخزن اسرارها تحب نفس الشخص الى حبته ليه ، واعلنت ليال انسحابها من الحرب ، تخلت عن حبها لـ سعود لان لجين حبت سعود قبلها ..
مسكت كتابها وكتبت في احد الصفحات :
" انتهت محاولاتي ، توقفت عن المحاربة
رميت أسلحتي وتركت ارض المعركة
لأني ايقنت ان لا معركة لي
ولا الحرب حربي
ولا أرضك أرضي
ولا انا لك ولا انت لي
عبثت بديار ليست لي "
أنت تقرأ
خيالي ملطخ بدماء الواقع
Romanceمخيلتي و روايتي الاولى 🦋🤍~ 🇸🇦 الكاتبة : أصايل 🦋🤍 ~ لا ابيح نقل او اقتباس ~ قد تعرضك لمساءلة قانونية‼️ اربع فتيات تم سحبهن الي مصائب ، مصيبة تلو الاخرى ومن بينهم دخول ثانوية عيال وماذا يحدث وما هو السبب ، ومن المستقبل المجهول !؟ حساب التيك تو...
