خناجر الروح

البارت2

يتبع
كلماا ضاق صدري
التجأت اليك والدموع ساقطات
فما بالك في قلبي الالم من الخناجر 😔
وغطيني بين حضنك الدافئ هذا
يتبععع
كمال: سلططططططااان
سلطان: شبيك يمعود زرفت طبله اذني
كمال: منو هاي بتليفونن هااا احجي لضل ساكت
سلطان: هااي وحده من صديقاتي بالجامعه
كمال: لزمت اذنه وكتله مع الاسف هيج ماما ربتنه ولك كلب حقير حرام عليك ابو البنات
سلطان: اخخخ اذني وخر شبيك تره ماعندي شي وياها مجرد صديقه لااكثر وانته تعرف اني مااحبهة بس هيه مرخصه روحهة
كمال الدين: ليش مكتلي هااا مو اني وياك واحد موو اسرارنه واحد يضم للثاني
سلطان: اسفف حبيبي والله ماعندي وقت والله
كمال الدين: حبتك حيه وخر بعد لتحجي وياي اني اعلمك
سلطان الدين: لا لا مااكدر والله والعباس اني اسف بي لاتزعل هاي شوف حتى راح احضرهة
كمال الدين: ليش تحضرهة حرام عوفهة اخخ منك سلطان يوميه اتحمل الرزايل من وراك الخايس ولي خنكتني
سلطان الدين: اسف والعباس مااكوم اذا متسامحني
كمال الدين: يمه وخر خنكتني شبيك خلص سامحتك يول كومي راح اموت
سلطان الدين: اوي عيني اوي راح يموت
كمال الدين: مالي خلكك وخر
سلطان الدين: اي صح اني مو شهم علمود الك خلك
كمال الدين: اخخخ والله مشتاقله الادبسززز ضام عليه شي وميريد يحجي بي
سلطان الدين: بويه كبينه عليك الله شنو ضام عليك
كمال الدين: اي والله هسه بس يرجع اخلي يكتهن الي
سلطان الدين : اكلك خلي نقفل المحل ونروح للبيت تره تعبت
كمال الدين: يلا كوم اصلا ماكو احد عزلنه المحل ورحنا للبيت دخلنه اني وسلطان والبيت مكلوب كلاب
سلطان الدين: اهووو رجعنه طيبه ماتملين
طيبه : خلي اربيهة هاي نرمان الجلبه شككت الدفتر مال الامتحان مالتي وانته اطلع منهة لااطلع حركت الدفتر بيك
سلطان الدين: شكد عرمه يابه اني معليه هاي كدام كمال
كمال الدين: سلطان صعد الغرفته ونام ونرمان شعرهة وكع بالكاع من وره طيبه بس تستاهل ليش شككت الدفتر اني صافن على طيبه صايره دم من وره نرمان وماما فززتني بصوتهة العالي
ام عز الدين: يمه راح تموت البنيه ولك فكهن
كمال الدين: يمه ريتهة بعد عيني ليش شككت الدفتر مالتهة موعدها امتحان عز الدين هو يتصرف هذا هو اجا وتصرفو ويا لان اني تعبت
عز الدين: شكو شصاير خير ياطير
نرمان : تعال شوف اختك شلعت شعري كوم ليش صافن
عز الدين: طيبه متسوي هيج الا انتي عايله بيها
طيبه: مرتك ام عطوب شككت الدفتر مالتي وباجر عندي امتحان هسه تكوم اجيبلي دفتر معليه اني
نرمان : شعليه اني عبالي مومالتج وشككته
طيبه : مابيج حيل اسئلين لو لسانج انعكد لو تخيط لجججج باجر عندي امتحان شلوننن
كمال الدين: خويه بس عوفيهة اني اجيبلج دفتر
طيبه: شلون المدرسه مالتنه اصحح الدفاتر باجر واذا ملكتني كاتبه الدرس اتنقص الدرجه مالتي شلون
كمال الدين: شفت عز الدين تعبان ومل من تصرفات نرمان بس شيسوي لخاطر جهاله مخليهة عز حبيبي روح ارتاح اني اجيب الها الدفتر
عز الدين: خويه لا روح ارتاح انته اني اروح اجيب
كمال الدين: لا خويه اني مابي شي هسه اروح اجيبلها الدفتر واجي
طيبه : عز الدين اخذ نرمان وصعد كتلها ولو اخواني ميضربون مره بس اتخطت احدودهة وكمال راح ايجيبلي دفتر ديلا هسه منو راح يتحمل لازم اكتب الواجبات كلهن الله ليوفقج نرمان الخبيثه اندك الباب
كمال الدين: ممكن ادخل
طيبه : تفضل خويه
كمال الدين: يروحي ختولي الادبسزز هذا جبتلج دفتر
طيبه : الله ليوفقها اني اعلمها الحقيره هسه هي راحت انطمرت واني راح اسهر اكتب الواجبات كلهن لا وعندي امتحان
كمال الدين: يروحي انتي شعدنه غيرج هو بس انتي كمت حضنتهة اني يروحي اني اساعدج ختولي
طيبه : خويه انته ماكو منك ابد شنو سلطان شنو سراج وعز دخيولون هذوله انته الذئب مالتي
كمال الدين: يلا هسه بعد وكت اني راح اكتب وانتي اقري
طيبه : تمام كلبي سوده عليه تعبان تعبتك
كمال الدين: يروحي ماتعبان اني يخسا التعب يمج
طيبه : بده يكتب واني اقره واسمعله وهو يكابر صح تعب بس ميريد اشوفه تعبان سوده عليه كموله
كمال الدين: ولج شنو كموله كولي كمولي
طيبه: كموله حلو هههههه شنو تكره هذا الاسم
كمال الدين: طيبه اقري وراج امتحان
طيبه : كملت تريد اكتب بدالك وانت روح نام
كمال الدين: لا يروحي نامي انتي واني راح اكمل واروح انام
طيبه: يلا تصبح على خير يروحي
كمال الدين: وانتي من اهلو يلا روحي نامي ...نامت واني ضليت اكتب احس ايدي ثكلت الله لاينطيج نرمان شكد حقيره بديت اكتب الساعه 12وكملت بالشافعات 3 حطيت القلم بنص الدفتر وخليته علميز ورحت غطيتهة وسديت الضوه وطلعت الغرفتي الكل نايم اني رحت لغرفتي سبحت ونمت