خناجر الروح

بارت 22

يتبعععع
بقلم الكاتبه مياسين الياسري

سلطان: حرررررررره لك حره ماكو اخذوهة اخذوهة
شهم: خابرت كمال بسرعه
سلطان: والعباس اليوم انعنع اضلوعهم ساقطين
شهم: هسه راح يجي كمال ونروحلهم حاضن لارين مجلبه بالقميص مالتي
سلطان: تره مراح يطير
لارين: حره سلطان هاي حرتك سلطان
سلطان: ضليت صافن عليهة شنو حرتك شهم كمال وين صار
كمال: اني اجيت
شهم: التفتنه لكيناه ورانه ها
كمال: رحت يم لارين شفتهة مجلبه بقميص شهم لارين شبيج
لارين: انتبهت هو موجود عدلت كعدتي وهاي ايدي توجعني مابيه شي كمولي بس حره اخذوهة
كمال: غصباً ماعليهم ترجع
سلطان: انعنع اضلوعه اليوم
شهم: لكم يله
كمال: يله بس غير انباع البيت وين نكدر نوصللهم
سلطان: احفر جوه الكاع والكاهم كمال هاي حره راح يضربوهة
كمال: طلعنه ندور عليهة

—حره

كعدت عيوني مغوشات غرفه ضلمه وبيهة بس ضوه واحد وايديه مجرحات وبطني توجعني خدي صار ازرك من الضرب ضافر يضربني وبابا يباوع عليه لايتحرك ولاابد ماادري شنو من بشر انفتح باب الغرفه ولكيته ضافر القذر بيده ملابس
ضافر : البسيهن بعد اشويه يجي الشيخ وتعقدون انتي وماهر خال بابا
حره: لو تموتون مااعقد على بشر احس صارت كلات بطني يعاملني معامله الزلم بالضرب
ضافر: غصباً عليج تعقدين رايحه ويه هذا الادبسزز موو
حره: اشرف منكم ياكلاب يلماعدكم رحمه بكلبكم لك اني اختك هيج تعاملني
ضافر: انجبي وكومي يلا
حره: وين جابيني انتو هاا
ضافر: الجهنم
حره: راحت روحك بجهنم انشاءالله جانو رابطيني فك الرباط وعافني كمت مااكدراكوم بعد جسمي ورم وشفتي انشكت من الضرب وايدي وضهري ومعدتي يوجعني كلشي بيه يوجعني حتى روحي توجعني لبست النفنوف الجابه ضافر لان ماكو ملابس بالبيت نزلت ورحت جوه رجله ابوس بي بابا اني بنتك شلون تجبرني على شي مااريده
مروان: انتي السبب شلون عفتينه ورحتي ويه عدوي
حره: بابا خلصني منكم انتو اذيتوني بابا مااريد ازوج الله يخليك اجه ضافر سحلني تقبلين ماتقبلين غصباً ماعليك
حره: والله مااوافق وحق هو علي مااوافق صارو وحوش كامو يضربوني واحس من الضرب الشهكه علت الااشويه اموت
حره: الغوث ياعلي الغوث
ضافر :محد يخلصج مني اليوم
حره: قصيدته مرجفتكم
ضافر: لجيبين طاري هذا الشيطان
حره: والله انته شيطان ضحكت من سمعت صوت القصيده جايه من بره 👇
علي حكه بالحرب يتباهى
رايه بجفوف الحسن خلاها
صوله الشبلين حسن ويه احسين
كنطره عباس من يدناهة
علي فجئه بالحرب عاف القتال
شاهد العباس بس بيا خيال
ذكره بصفين بدر وحنين
شفت ضافر يرجف ونخطف لون وجهه
سلطان: طلعنه بالسياره واني كلبي يمها بس لا سوولهة شي كمال شغل القصيده
كمال: رحمه الربك مال قصيده هسه
سلطان:مرجفهم اني   اندلينه بيتهم بعد من نوصل نعلكه وصلنه للبيت وعلكتهة ودخلنه ريتني مداخل لكيت الشيخ ورجال مشايفه وحره يم رجل مروان وضافر يرجف من
القصيده هاي شنو مروان ابو الل....
كمال: صاير رجال وتتحكم بكيفك استاذ مروان وضافر
مروان: معليكم انتو اطلعو منهة
سلطان: اني بس اباوع على حره وجهه ازرك وجسمهة احمر يمكن ضاربهة لككككك مررررررروووووووان ركضت عليه ضربته بوكس لك شمسوي بالبنيه الله ينتقم منك هاي بنتك
كمال: عوفه سلطان
شهم: لزمت ضافر كتلته كتله عفته واجه كمال يريد يموته بس مخليته
سلطان: شيخ انته شيخ زربه
الشيخ: ابني احترم اكبر منك اني
كمال: لك سلطان عيب
سلطان: العيب خلي بالجيب من شفت البنيه يردون يغصبوهة على الزواج ليش ماحجيت
الشيخ: هو اني توني اجيت
ماهر: اني اريدهة انته شدخلك
سلطان: عفواً ماسمعت ممكن تعيد
ماهر: اني احبهة واريدهة
سلطان: ضربته بوكس على بطنه كتلي تحبهة لو تحبهة جان ماغصبتهة على شي متريده
ماهر: ماتقبل
سلطان: هيه كوه متريدك
مروان: الشيخ بلش بالعقد هذا يمسلت
سلطان: مواكوم اشكك شك وحك ابو راس الحار شيخ اذا عقدت ثق بالله اشيلك واشمرك بره
شهم: بنت عمي اخذهة غصب عنكم
كمال: وحك ابو راس الحار ادميك هنا ومايرفلي جفن
مروان: منين طلعتولنه انته واخوك
سلطان: من شسمه خليني ساكت
كمال: انلصم يله حره خلي نروح
مروان: شنو بنتي ماانطيهة
سلطان: صارت عزيزه فدوه  حره هيج عزيزه واني ماادري
شهم: يلا حره رحت كومتهة واجه ضافر راد ياخذهة مني وضربته كله
لك شلون تضرب اختك ماتخاف الله
سلطان: تعالي حره رحت لزمتهة من ايدهة وشلتهة
مروان: لا وشيلهة كدامي
سلطان: التفتت علي يهمك هاا
مروان: عوف بنتي مواخذتو بيتي وهسه تاخذون بنتي
شهم: ههههههه الله بالمرصاد شوف من كتلك كما تدين تدان بس ماصدكتني
سلطان: عفتهم يحجون اخذتهة واخذتهة للمضمد براس الركن مالتهم
حره: مااريد اروح
سلطان: بس اتشوف الجروح الدكتوره
حره : تمام شالني تره مابيه شي
سلطان: يامابيج شي شوف الزراك الله يزركهم والله لاندمهم
حره: دخلنه للمضمده وطتني علاج وكتبتلي مسكن مال آلام
وطلعنه هم شالني تره اكدر امشي
سلطان: اسكتي حره تره روحي واصله لخشمي
حره: وصلنه للسياره لكيناهم يضحكون علينه شكد فشلت انوب شايلني
سلطان: شكو شبيكم تتمضحكون
كمال: ماكو شي عيني ماكو شي
شهم: تره بنت عمي شلون تشيلهة كدامي
سلطان : لاتخليني هسه اشمرك يم عمك الخايس ابن الخايس وهذا ابو صخله شعره شطوله جنه بنيه دززين الخاطر الله موحتى الملائكه شردت
حره: اصلا هيه الملائكه مطب البيت ماطول سكاره شلون اطب البيت
شهم: هم صحيح
كمال: وتين ضل كلبهة يمج
حره: مشتاقتلهة
سلطان: هيه بالبيت
حره: اي ...اني جاي اصلي ودخل ضافر وياه ثنين زلم بعدني لابسه عبايه الصلاه يمكن حتى الملائكه شردت بس شافت ضافر
كمال: ههههه😂😂
سلطان: اني شبيه خبل عفتكم ورحت لاونوب اخذت المطي وياي
شهم: ولك احترم اكبر منك
كمال: هو الشيخ ماحترمه تريده انته يحترمك
حره: قصيدتك نقذتني
سلطان: شلون
حره: بس سمعهة كام يرجف وعافني
سلطان: مرجفهم والعباس
حره: وصلنه للبيت ولكيت وتين ولارين وطيبه هم جايه حضنتهن وبجيت
وتين: يروحي انتي يكلبي اذوج
حره: لا مأذوني
طيبه: يامأذوج دشوفي الزراك البجسمج
حره: يعني شترديهم يسوون شي اكيد ضربوني
لارين: ابوج يضربج ليش
وتين: لارين متدري بسالفه حره وعذابهة كعدنه نسولفلهة وهيه راحت للحمام
حره: عفتهن يسولفن ودخلت للحمام دخلت جوه الدوش وسديت حلكي بأيدي علمود لحد يسمع من الالم كمت اشهك ويه كل قطره مي توكع على جسمي روحي تطلع سديت الدوش ولبست تراك نيلي وطلعت
سلطان: عوفن السوالف اليكول صارلهن سنه مشايفات بعض كومن سون زقنبوت ناكل
حره: زقنبوت بعينك احجي عدل حرام
سلطان: اسف عمي اسف تعالي اخذي راشدي
وتين: اضحك على سوالفهم حره صح تعبانه بس قويه
طيبه: والعباس مشتاقتلك سلطاني الامير
سلطان: وحك هو علي مشتاك الشوفتج انتي وامي
طيبه: شوكت ترجع
سلطان: من تطلع مرت اخوج من البيت عود افكر ادخل البيت
وتين: لخاطر امك تبجي لشوفتك
حره: بداعتي سلطان روح امك محتاجتك
سلطان: ارجع بس موهسه
حره: سوينه اكل واكلنه وكمنه غسلنه الماعين وكمال وتين راحو البيتهم وشهم ولارين صعدو الغرفتهم ردت اروح يم لارين بس صعد يمها شهم صعدت الغرفتي وره شويه اندك الباب ادخل منو
اني سلطان
حره: ادخل سلطان الامير
سلطان: ههههه عادي انام اهنا
حره: اي نام ياهو المانعك
سلطان: فرشت فراشي ونمت بالكاع
حره: ماكدرت انام كمت ابجي من وره ضهري كعدت على حيلي فرفحت
سلطان: فزيت على صوت شهكه كعدت لكيتهة كاعده وحاطه ايدهة على ركبهة وتشهك وتبجي ححره
حره: من سمعت اسمي مسحت ادموعي وكتله هاا
سلطان: شبيج حره ليش تبجين
حره: مباجيه
سلطان : لاتكابرين احجي شبيج
حره: ضهري يوجعني راح اموت
سلطان : كومي خلي دهن الالام
حره: مابيه
سلطان: كومي اني اكومج رحت كومتهة وديتهة للحمام تخلي دهن عفتهة ورحت يم الباب
حره: خليت دهن وردت اكوم وكعت رجلي مااكدر امشي
سلطان: سمعت صوت طبه ركضت لكيتهة واكعه حره لج حره تسمعيني خرب بالكواد موكتلج لتكونين بس صيحي عليه شويه وفتحت عيونهة شلتهة وهيه جلبت بركبتي مثل الطفل نومتهة على الجربايه وغطيتهة
حره: اسفه شلعت كلبك
سلطان: كل الناس تشلع كلبي وانتي لا
حره: شكراً
سلطان: يله نامي
حره: تصبح على خير
سلطان: تصبحين على نور
يتبععععع

(بسم الله الرحمن الرحيم)
والضحى والليل اذا سجى
وماودعك ربك وماقلى
وللاخره خيرً من الاولى
(صدق الله العلي العضيم)