သူ့လက်ဖဝါးထက်က ရတနာ [ Completed ]

Chapter 93

🤚Chapter 93

အရက်ကြောင့် သို့မဟုတ် သူမဝမ်းဗိုက်ပေါ်ရှိဝမ်ယွီလက်ချောင်းများ၏ ညင်သာသောအထိအတွေ့ကြောင့် ဖြစ်ကောင်းဖြစ်နိုင်သော်လည်း ကျိအန်းနဥ်၏မျက်လုံးများ မှုန်မှိုင်းလာပြီး သူမ၏နှင်းသဖွယ်ဖြူ‌ဖွေးသော မျက်နှာထက်တွင် အနီရောင်သန်းလာသည်။

ဝမ်ယွီက သူမ၏ ဤအခြေအနေကို သဘောကျနေသည်။ မကြာသေးမီက သူက ဖိအားများစွာအောက်တွင် ရှိနေခဲ့ပြီး သူမနှင့် အတူရှိရန် အချိန် သို့မဟုတ် အင်အားများစွာ မရှိခဲ့‌ပေ။ နေ့တိုင်း သူမက အိမ်ပြန်လာပြီး အေးအေးဆေးဆေး စာကျက်၊ စာအုပ်ဖတ်ကာ အင်တာနက်သုံးနေရသည်။

သူမက တိတ်ဆိတ်လွန်းသဖြင့် သူ့ကို သူမအတွက်စိတ်မကောင်းဖြစ်စေသည်။

ရံဖန်ရံခါတွင်၊ စီးပွားရေးကိစ္စများကို ကိုင်တွယ်နေရင်းပင် ဝမ်ယွီက သူမကို စူးစိုက်ကြည့်နေတတ်သည်။ အရာအားလုံးပြီးသွားသည်နှင့် သူက ယခင်ကကဲ့သို့ ကျိအန်းနဥ်၏ဘဝကို တက်ကြွမှုနှင့် ရယ်မောခြင်းများဖြင့် ပြည့်စေရမည်ဟု တွေးခဲ့သည်။ သူက သူမကို စွမ်းအင်ပြည့်အောင် ပြန်လုပ်ပေးရန် စိတ်ပိုင်းဖြတ်ထားသည်။

နောက်ဆုံး အလုပ်အားလုံးပြီးသွားသည့်အခါ ကျန်ကိစ္စများကို သူ့အဖေထံတွင် ထားခဲ့လိုက်တော့သည်။

နောက်ဆုံးတွင် သူက သူမအတွက် သူ့အချိန်အားလုံးကို မြှုပ်နှံနိုင်ခဲ့သည်။

ကျိအန်းနဥ် အနည်းငယ်မူးနေသည်။

ဝမ်ယွီက ညစ်ကျယ်ကျယ်ဖြင့် စနောက်နေရင်း သူမကို အရက်များငှဲ့ပေးနေသည်။ သူ၏ညစ်ကျယ်ကျယ်ပြုံးနေမှုကြောင့် ကျိအန်းနဉ်က သူ မည်သို့ ဆိုးရွားသောအရာများလုပ်ရန် စီစဉ်နေသည်ကို မတွေးဘဲမနေနိုင်ပေ။

သို့သော် ဝမ်ယွီ၏ လွန်ခဲ့သည့်နှစ်လက အေးစက်စက်နှင့်အလေးအနက်ဖြစ်နေသည့်ပုံဖြင့် ယှဉ်ကြည့်ပါက ယခုကဲ့သို့ ညစ်ကျယ်ကျယ်‌ပြုံးကာ တောက်ပသော မျက်ဝန်းများနှင့် ဝမ်ယွီကို ပိုနှစ်သက်မိသည်။

၎င်းက သူ စိတ်သက်တောင့်သက်သာရှိနေစဉ်တွင် ဖြစ်တတ်သော ပုံစံဖြစ်သည်။