ضي القمر
الفصل الخامس
اسفة على التأخير حبايبي الحلوين
في صباح يوم جديد جاء فارس الي بيت قمر ودق الباب طق طق طق
فارس : صباح الخير يا عمي اقدر ادخل
والد قمر : اتفضل طبعا مش محتاجة استئذان دا بيتك يابني بس خير قولي في حاجه حصلت ولااى
فارس : قمر ومنة كانوا في خطر يا عمي أنا انقذتهم من واحدة عديمة الضمير بتشتغل في تجارة الاعضاء والمخدرات
قمر : انت بتقول اي يافارس تولين يعني كانت عاوزة اي مني انا واختي تاخد مننا اى
فارس : مش هتقدر تقرب لكم طول مانا موجود متخافيش
منة : انا خايفة اووي على قمر يا فارس بصراحة اللي حصل لينا مش شوية وانت عارف كدة ازااي عاوزني اطمن بسهولة كدة
فارس باستغراب : مش واثقة فيا اد كدة يامنة مش واثقة في اخوكي احنا متربين مع بعض يعني عيب اووي نشك في بعض أنا هثبت ليكم كل حاجه وقت الفرح وشكرا جدا انك مش واثقة فيا يامنة ونا اللي بعتبرك اكتر من اخت ليا علشان معزة قمر عندي
منة: على العموم الرأي راي قمر وراي بابا أنا معنديش مشكلة لو دا يحمينا أنا وهي
فارس سكت شوية : استغفر الله العظيم يارب اي اللي يريحك يامنة علشان تحمي اختك اسبها علشان تقتنعي انك قادرة على حمايتها تقصدي اني مقدرش احميكم يا استاذة منة قولي وسمعيني
منة لفارس : أنا مقصدش بس انا خايفة على قمر وانت عارف كدة عارف انها حتة مني ومقدرش اشوفها في الحالة دي تاني
فارس بحدة : لآخر مرة هقولك يامنة أنا قمر وانتي في عيني من جوة مقدرش اخلي حد يمسك أو يمسها طول مانا عايش على وش الدنيا دي
أسر : أنا عارف يامنة انك خايفة على قمر بس معلش يعني فارس عارف بيعمل اي كويس هو مش قليل ولا صغير في البلد فارس عنده علاقات يقدر يحميكم بيها حبيبتي أن شاءالله نخلص من الكابوس دا على خير
قمر : منة خلاص يلا علشان نروح نشوف الفستان بعد اذنك بقاا كفاية كلام متخافيش على اختك
راحوا قمر ومنة الاتيليه اللي جنب البيت لكن تولين كانت سبقتهم واتصرفت مع صحبة الاتيليه
فلاش باك
ملحوظة مهاب يبقى ابن عم تولين وحبيبها الحالي
مهاب بضيق : هتعملي اي ياتولين فهميني البنت دي اصلا عملت اي علشان دا كله لي كل الانتقام دا علشان حبت واحد محبكيش فهميني
تولين لمهاب : اعمل اللي بقولك عليه ولا اشوف حد تاني غيرك يقوم بالمهمة دي هتروح لصاحبة الاتيليه تتفق معاها أنها تفضل مع قمر لحد ما تدخل البروفة وخليها تحطلها المخدر دا في المناديل فاهم المخدر دا هيخليها تفقد الوعي تماما هتفقد الذاكرة لمدة ساعتين تقريبا دا المرة دي بس لكن هقولك ساعة الفرح ما يتحدد هتعمل اى المهم انك تخليها مش كويسة في نظر فارس
