الفصل التاسع
ضي القمر
مهاب سمع كلام فارس وأسر وراح يقابل نضال اخوه التوأم وقعد معاه لكن طول القاعدة وهو مش مطمن و قلقان
مهاب : اهلا بيك يا نضال منور معلش اعذرني أنا بس مستغرب من ظهورك ومتفاجأ شوية أنا آسف جدا
نضال : أنا كمان استغربت زيك لما لقيت امي بتقولي انك عندك اخ ساعتها حسيت أن دماغي بتلف بيا مبسوط اه لكن بردو قولت ازااي لو واحد طلع له يقوله أنه اخوه فجأة ممكن يقول اي ويعمل اي
مهاب : أنا فاهم انت فكرت في اي طبعا بس يمكن ربنا عمل كدة علشان نتقابل في وقت احنا محتاجين فيه لبعض وانا موجود معاك اهو خلاص
مهاب : تشرب اي يا نضال ؟
نضال : ممكن قهوة مضبوط
مهاب : جرسون لو سمحت عاوز اتنين قهوة مضبوط بعد اذنك
الجرسون : تحت امر حضرتك يافندم حالا القهوة هتكون عند حضرتك
مهاب : قولي بقااا انت درست اي وعيشت ازااي وكدة احكيلي
نضال لمهاب : أنا عيشت مع امي ودرست كلية شريعة وقانون يعني الي حد ما تمام دلوقتي بشتغل معيد في الكلية يعني تقدر تقول لحد ما عايش وانت بقاا
قعد مهاب مع نضال لحد بليل لكن اكتشف أنه محتاج لأخوه اكتر من اي وقت فأخذه معاه البيت وخلاه مقيم معاه
مهاب : دا بيتي اللي انا عايش فيه يا نضال ودي الاوضة بتاعتك اللي هتقعد فيها
نضال : بجد مش عارف اقولك اي شكرا انك موجود
مهاب : متقولش حاجه نورتني بجد يا نضال ومبسوط انك هتكون معايا
مهاب بعد ما ساب نضال في البيت راح لفارس في بيته مهاب دق الباب طق طق طق طق
فارس : اي يا مهاب قعدت معاه ولااي اي اللي حصل احكيلي
مهاب : الواد طلع طلع كان عايش مع أمه ومكنش حد مبلغه أن ليه أخ
فارس : ازاااي يعني مكنش يعرف و اشمعنا دلوقتي بالذات يعني
مهاب : أنا متلغبط بجد ياجماعة وبعدين أنا حاولت اكسب وقت وجبته عندي البيت
فارس : اي خلاك استعجلت بس على العموم مااشي
أسر : لا هو صح يافارس لازم يحسسه أنه مش شاكك فيه لان لو هو شاكك فيه حتى الواد هياخد حظره
فارس : صح ايوه فعلا مفكرتش في دا قبل كدة
طيب خلاص على العموم خليك زي مانت كدة وانا هجيب معلومات عنه بطريقتي الخاصة المهم يفضل تحت عينيك
مهاب : مااشي يا فارس ربنا يستر ويطلع الواد دا صادق
جه اليوم الموعود لخطوبة منة وأسر وأسر ومنة الفرحة مكنتش سيعاهم أنهم اخيرا بقوا سوا
