واشخاص ضلموني واذوني تمنيت منعميه ولا شايفتهم غورگت عيوني دموع واني اشوف جدي وعمي وابوي يدخلون المستشفى ومعاهم بنات شابات
_سافرات يتمضحكن وجدي مكيف(فرحان) عليهن ويضحك بقيت صافنه فزيت من صفنتي على صياح رقيه للمره الثانيه بسرعه فتت للغرفه اباوع لرقيه رجلهه
_ملفوفه وجسمها ووجها كله لزگات راسهه ملفوف لان وگعت علي خطيه شصاير هيه چانت مو مستعده لمن وگعنه من السطح و وگعت خبط على جسمه الله ستر
_عليها الحمدُلله اجه دوري عقمو جروحي(راح تگولون من الطابق الثاني ومچردحات بس ترا القصه چذب والي يگع من الطابق الثاني يودع) خلصت انطيتهم فلوس
_وضلن عندي فلوس اباوع فلوسي الي ضلن250بس واني بمنطقه غير عن منطقه ادهم وبعيده لأن منطقه ادهم ما بيها مستشفى مدري الحجي ما يندل ومودينا
_هين اباوع الحجي راح هسه شسوي رحت على ممرضه مبينه قديمه هنا
ساره: هلو حبيبتي بلا زحمه بس اكو هين شقق صغيره للأيجار؟
الممرضه: اي حبيبتي موجود تعالي هنه گدام المستشفى
ساره: شكرا حبيبتي اني ما اندل
الممرضه: مبينه جديده بالمنطقه؟
ساره: اي والله هسه اجيتها وما اعرف كلشي
الممرضه: حبيبتي ليش اختچ هيچ صاير بيها؟
ساره: هجمو علينه ناس
الممرضه: ها سلامات المهم تعالي ادليچ
_اخذتنه ووگفنه بباب المستشفى اباوع عماره صايره جيران المستشفى شلون ما شفتها؟ شكرتها ورحت اجرت شقه وطلعت ايجارها بـ50بي والله رخيص
_فتت على الشقه بيها اثاث عادي وصغيره عباره عن غرفه صغيره وهول صغير وحمام ومطبخ هم صغير مال شخص واحد اباوع رقيه ساكته وهادئه حيلل مصدومه
_خطيه اني حسيت اكشن وعلي مسؤوليه چبيره ولازم اعيش نفسي بقى عندي 200بس نومت رقيه على الچربايه گامت تبچي
رقيه: هسه ضيعنا اهلنا شنسوي
ساره: رقيه تحملي هل ايام وان شاء الله نلگه اهلنا لا تخافين
_زين امي وين وخواتي
_صح ما فكرنه بيها بس هنه جوه اكيد راحن على الغرفه مالت ادهم(غرفه سريه عليها اقفال چثيره ومأمنه حيل) واني هسه اطلع ادور شغل لا تخافين
رقيه: بعدچ صغيره مو مجبوره تتحمليني
ساره: انچبي
رقيه: ههههه احبچ سوسه
_باوعتلها وجعصتها بالبوس بقت تصيح ودعتها وطلعت ادور شغل بس گلبت الدنيا گلاب وماكو شغل اخر شي رحت على مول جبيررر حيلل وعملاق
ساره: هلو اگدر الگه وضيفه يمكم
الموضف: اي اكو موجود
ساره: زين عادي اشتغل معاكم وشگد يوميتي؟
الموضف: اي تگدرين تباشرين من باچر ويوميتچ30
_ابتسمت ايي اجه الفرج اتفقت وياه وطلعت زين اني ما عندي هدوم يوه طلعت على الباله رخيصه وحلوه تسوگت الي ولرقيه بـ150 هدوم وضلن50اشتريت
_اكل ومسواگ وشامبو ومدري شنو اباوع ضل عندي 2000رحت اشتريت حلويات لرقيه وليه اني هم ورجعت للبيت صراحه اني تيهت بس اندليت لان
_المول صاير قريب البيت فاا ما ضعت المهم دخل البيت اباوع هدوء هاي ولا چن احنه ضايعين احسنه مكيفات لان عشنه قصه بس حزينات على فراق اهلنه
_مرت الايام واستقرينه بس ضلت بخاطرنه شوفت اهلنه وينهم شصار بيهم واني صار الي منصب اعلى بالمول وصارت يوميتي40والله حيل چثير بس اتعب
_حيل من الصبح لليل اجي البيت شحدهم ما ينطوني40انشگ وعلي رقيه بس گاعده بالبيت فاتت عليها الدراسه خطيه ما تگدر تطلع ولا احنه نعرف
_شي علمود تداوم حتى اني فاتتني سنه بس عادي اشتريت الهه كتب سادس اعدادي تقره من هسه واني همين مرات اقره معاها وشتريت الها بزونه سمتها فوزيه
_هههههه شسويلها خلها واستقرت حياتنه سويه..
بعد مرور سنه وشهرين
ساره: اليوم چان عادي تريگت و طلعت على المول مرت نص ساعه ودخلت ام وبنتها باوعت عليها بصدمه هاي امي وريحانه شجابهن هين امي ما انتبهت بس ريحانه
_انتبهت اشرت الهه بمعنى اش لان امي راح تفتن علي تكرهني شوي اشرت الها تجي ورا مدري شگالت لأمي وامي هزت راسه قبلانه تمشت يم التواليت وباوعت
_علي رحت ركض يمها ودخلنه بالتواليت
ساره: يمعوده شصار بعد ما رحتي
ريحانه: قصدچ شنو ما صار
ساره: دهسه كمليي
ريحانه: اول ما انهزمتي جدي كلب الدنيا عليج وابوي كرهج. حيل وتحلفلج وامي حقدت عليج هم وكالت بس تجي اله اشرب من دمها وعمي گال بس الزم هاي السـ**** اموتها وجدي بس يتصفن وحاير واشرف طلع نفسه بريئ وملاك واحمد(اخوي) يحاول انو جدي ما يلگاچ وبنات عمامي بس يحجن بيج ويتشمتن بيج وبأختصار كلها كرهتچ واذا لزموچ سلملي وگالو نزوجها لأشرف وووو هاا صح شصار معاچ؟
_سولفتلها مختصر بسرعه وودعتها لان المدير راح يعاقبني اذا تأخرت راحت وطلعن هيه وامي من المول رجعت اشتغل وبالي مشغول بعمامي القنادر
_بقيتتتت لحد ما صارت الدنيا ليل طلعت ومع الاسف الشديد مريت من شله شباب حاولت قدر الامكان اني ما اعبر من گدامهم واعبر على السايد الثاني بس مع الاسف
_الشارع ازدحام قوي وما اگدر اعبر شهگت واني احس ايد التفت على خصري......
يتبع🎀🎀.
