البارت الخامس والأربعون
#انتقامك_وانتقامي_(رد_الدين )
........................................................
ترتيل ....
" أن تتوقّف الدّنيا عند ملامح أحدهم."
اليوم واكفه كبالهما يفضلنة غير سانت متر واحد وجه بوجه الضحكة مزينه وجوهنا
اني ببدلتي وهوه بقاطة
خلا راسة على راسي وكال بحب
شاهين : وأخيراً اليوم تنامين بحضني
ترتيل: احس نفسي بحلم
شاهين : لا بعلم ترتيلي بعلم
ترتيل: احبك
شاهين : احبج
خربت هذا الجو الرومانسي ازل وهيه تستعجلنه
ازل : يله يله مو وكت رومنسياتكم العالم تنتظر برة عوفو هل سوالف بعدين.
شاهين : خايبه مرمرتي حالي كل ساعه وداشه علينه مثل الشرطة
ازل : ديله عيني يله امشو نطلع
عدلت بدلتي وشاهين عدل قاطة وطلعنه نمشي حتى ندخل للقاعه اني وشاهين دخوليه العرسان
ازل ورانه شايله البدله وتعدل بيها
دخلنه والاضواء موجها علينه والقاعه مثل ما حبينه مزينه بابيض واسود
اسمع صوت هلاهل بيبي محتله كل ركن بالقاعة
كعدنه بالكوشه والكل اجه يبارك النه
شاهين : حبيبتي انه رايح هسه بعدين ارجع زحمه من الوادم منتظرتني
ترتيل : تمام منتظرتك اتحنيني
شاهين : اجي اجي بعد روحي
راح وهنا الكل بدء يركص ويغني كومني اركص واني ما كلت لا ابد
لعبت لعب جا غير عرسنا اني وحبيبي
لهناك ودخلت جمار تركص وتهلهل كلش فرحت بيها اتقدمت عليه حضنتني وكالت
لتين : الفففف مبرروك عمريييي والنبي فرحت بزواجكم اعذريني ما اجيت بس عندي امتحانات والله
ترتيل: يروحي يوم الج ، همزين اجيتي فرحتيني بجيتج
لتين : عمري انتِ ، اني رايحه اسلم وارجع كملي ركص كملي ههههههه
عافتني وراحت واني ما جذبت خبر رجعت اركص
الجوو بارد ثلج عرسنه صار بتاريخ ٢٠١٤/١٢/١٢
وره فتره كال منسقه الديجي ان راح يدخل العريس يحني العروس
كعدت بمكاني ابد ما استحيت مثل باقي البنات ان راح يدخل العريس واخجل واتوتر ابد بالعكس كلش متحمسه
دخل بكل رجوله كعد يمي وبداء يحنيني ، فتح ايدي وسحب شوي من الحنه وكال
شاهين : هاي الحنه حتى اسعدج ، رجع اخذ شوي وكال ، وهاي حتى إذا بيوم اضربج الله يشل ايدي ، رجع اخذ وكال ، وهل مره احنيج واوعدج اذا بيوم عليت صوتي عليج عساني بالموت ، وهل مره احنيج واوعدج اذا بيوم عيوني شافت غيرج عساني بالعمى ، وهل مره اوعدج اذا شكيت بيج وخسرتج طلقه وحده برأسي وبس ، احبنج يا هدب عيني
أنت تقرأ
انتقامك _ وانتقامي (رد_ الدين )
General Fiction🔥🔥🔥🔥 يندعاس .يقيدص تنك نإ كنع لحرا يك. يندعاس ،.يبيبح تنك وأ كنم ىفشا يك أدج زيطخ بحلا نأ فرعأ ينأ ول تبحأ ام أدج ڨيمعرحبلا نأ فرعأ ينأ ول ترحبأ ام.. يتمتاخ فرعأ ينأ ول تأدب تنك ام. ينملعف ..كيلإ تقتشإ قاتشأ ال نأ ينملع قامعألا نم كاوه روذج صقأ...
