انتقامك _ وانتقامي (رد_ الدين )

بارت 52

انتقامك وانتقامي(رد الدين )
- البارت الثاني والخمسون -                                                 

يحاولون يسحبون مني صادق بس اني أرفض بقوة لحد ما سحبني اميرر وحضنيييي شالوو وراحو اخذني ورحنه وراهم للمستشفى

دخلنه واني امشي خطوة واوكع وارجع اوكف شفته مخلي بالسدية ومغطين وجها بجرجف ابيض

شفت أمير كعد بالكاع يلطم ويبجي مثل النسوان اتقربت بتردد واني اخلي ايدي واسحب الجرجف شفتة اي هوه بس وجها مالي الدم

نمت فوكا وصرخت بوجع واني ابجي حاضنتة

لتين : لااااااااا ليششششششش عفتنييييييي ليشششششش واللةةةة ما اسامحككككك والله
منوو الييييي بعدكككككك لاااااااا صادققققق
الله يخليكككككك اكعدددددد

بقيت هيج اصرخ لحد ما اغمى عليه واني نايمه على صدره

فتحت عيوني واني اخر ذكرى ببالي صادق وهوه يوكع كمت سحبت الكانونه بقوه وطلعت اتجي على الحايط احس ما الي قوة حتى امشي اريد سند وبعد صادق ضهري مال

شفت اخوان صادق وأمه يلطمون ويبجون بصريخ

ركضت على عمتي واني اصرخ

لتين : عمةةةةةة راحححح صادق راححححح بعد مااا عندييييييي سندددد

ام صادق: ولك يمه وين عفتني ورحت هجمت بيتيييييي ورحتتتتت وين ولك وليديييييي يما صادقققققق

ربييييي اخذ امانتك مالي عيشه بعد وليدي

ابجي بصريخ لحد ما صوتي اختفى رجعونا للبيت شفت بابا راجح ركضت حضنتة وصرخت

لتين : باااابااااا راااااححححح صادقققققق راحححححح انكسررررر ضهريييييي بابااااااااا بعدددد منوووو اليةةةة

الكل يبجي واني اصرخ صرت انحب بوجع شوي ودخلوو التابوت ركضت عليه مثل المخبله

وهنا فقدت اخر ذرة عقل عندي فتحت التابوت ونمت فوك صادق  صحت بصوت عالي

لتين: ويننننننننننن عاااايفنييييي وييننننننن لتينن بلياك لاااا شيءءءءء لتين بدونك عدمممممم

بقيت رافضة اعوفه لحد ما شالوني شيول منه اخذو وطلعوو ركضت وراهم حافيه وكعت بنص الشارع صرت اشيل التراب واخلي على راسي

حسيت عبايه انشمرت على راسي رفعته وعيوني مغوشة شفت جبل حجيت بتوسل

لتين: جبل الله يخليك اخذنييي اريدددد اشوفه جبل بداعة ازل اخذني الله يخليك اخذني اشوفة اخر مره

هز راسه وصعدني بالسيارة كعدت بصفي وتد واني ابجي بنحيب وصوت أقرب للهمس لأن صوتي راح

اخذو غسلوو والدفان يحفر بالقبر شفتهم نزلو للقبر نزلت بهدوء كعدت كباله وهمست

لتين : مودع بالله حبيب الروح ادعيلي الحكك لأن لتين بدون صادق ما تعيش احبك يا سند كلبي

شلت تراب بيدي وشميتة وشمرتة بالفتحه

رجعنه للبيت فاقدة وهيج مر على غياب صادق سع ايام اني صرت أقرب للمجنونه حياتي انهدمت وكع عامود البيت

نايمة بغرفتي وحاضنة ملابس صادق وابجي  بهدوء بنتي ما شفتها من أخر مرة ويه ابوها   دخل جدو

الشيخ عكَاب: البكة بحياتج يا بويه كلنا على هذا الطريق يا بويه ادعيله بالرحمة شهيد بالجنة

يا بويه بعد موتت رجلج بعد مالج ضله هنااا ترجعين ويانا معززة مكرمة

لتين : هذا بيتي ما اعوفة

الشيخ عكَاب: يا بويه مالج غير اهلج نخليج على راسنا وهم بعد لازم تلزمين عدة يا بويه ما يصير تبقين هنا

سكتت واني ما مهتمة حسيت حياتي صارت عدم بدون صادق

لمت تد ملابسي وملابس فستقة ، وتركت البيت الي جمعني بصادق ست سنوات ونص اني عايشة بسعادة انتهت وصارت سراب

رجعت لبيت اهلي واني مكسوره بدون سندي

مر أربعين يوم واني بدون صادق عايشة على المغذيات بنتي ما اشوفها ابد

صاعدة بالسيارة متوجهين للنجف وكل ما نتقرب اله كلبي يرجف رجعت ليوم الي عرضت عليه الزواج ارتباكي وخوفي توتري وفرحتي

رجعلي نفس الشعور نفس الهفة وكفت السياره ركضت واني اذب نفسي على الكبر واحضنة وكلت

لتين: شلونك يا حبيب الروح شلونها معانيك جوة التراب هم غيرك لو بعدك مثل ما انتِ.......

يتــبـ؏