صوت الزغاريط وصل ليهم و كل واحده قلبها بينبض جامد من التوتر و ال خوف
زهره دخلت ليهم لقتيهم زى ما سابتهم. يا لهوى اعمل فيكوا ايه قومى انت و هي البسوا يلا
ياسمين دخلت و مبتسمه. ادم وصل و تميم بس طلع تميم دا عسل اوى يا بت يا روڤى
روفيدا بصتلها بقرف. إشبعى بيه ياختى و قامت تلبس
جهاد اخدت نفسها و ابتسمت و قامت تلبس هدومها و حطوا ميكب خفيف
صلاح دخل اخد بنته و محمد دخل اخد بنته و طلعوا
(بارك الله لكما وبارك عليكما وجمع بينكما في خير)
ادم بص ل جهاد بنظره هى مفهمتهاش و باس راسها و بهمس الف مبروك يا جهاد
جهاد استغربت. لان اول مره يناديها باسمها
يارا بصتلها بحقد و سلمت عليها. الف مبروك يا حبيبه يونس اوبس اقصد ادم
ادم بصلها بغضب
جهاد خافت منه لولا تدخل يونس
يونس بحب. الف مبروك يا جوجو و حضن ادم الف مبروك يا صاحبى
ادم بغيظ. الله يبارك فيك يا اخويا ابعد من وشى بقا
يونس بضحك. اعوذ بالله لايقين على بعض الحزينه و العصبى ههههه و سبهم و راح ل روفيدا
( بارك الله لكما وبارك عليكما وجمع بينكما في خير)
تميم بفرحه مقدرش يخبيها. الف مبروك يا روڤى
روفيدا بصاله بقرف. الله يبارك فيك
تميم بضحك. بتبصيلى كدا ليه يا بت انت
روفيدا بغيظ. مش طيقاك يا اخى
ياسمين بحب. الف مبروك يا روفيدا
روفيدا . الله يبارك فيكى
ادم . عمو صلاح هاخد جهاد معايا مشوار
صلاح برفعه حاجب. مش معنى انك كتبت الكتاب يبقى قطع كلامه محمد
محمد بابتسامه. ايه يا ابو جهاد دا ادم دا تربيتى متخفش منه و مراته سيبهم مع بعض شويه
جهاد بتبص ل باباها. ب ب با
ادم مسك أيدها جامد انها متتكلمش
صلاح بتنهيده. ماشى موافق متتاخروش
تميم . و انا كمان عايز اخرج مع مراتى
محمد بضحك. متتاخروش
و الكل بصلهم و ضحك و كل واحد اخد مراته و نزل
فى جانب تانى
وتين بحب. يامن حبيبى احنا هنتجوز امته أن شاء الله
يامن و هو مركز ف شغله. انت عاوزه امته
وتين باستغراب. انا عاوزه امته هو انت مش عاوز تتجوزنى
يامن و هو مازال مركز. عاوز طبعا يا وتين بس
وتين و تاخد شنطتها. هو من الواضح فعلا انك عاوز تتجوزنى و سابتله الدبله و مشيت
يامن سابها مشيت و مسألش فيها و ماخدش باله من الدبله ال سابتها
وتين بدموع. انا الغلطانه على طول بحس بفتور ب علاقتنا و هو مش بيحبنى انا استاهل حد احسن من كدا حد يحبنى بجد و قطع تفكيرها خبطها ف شخص
أنت تقرأ
روحى فداكى
Mystery / Thrillerاحبها بكل ما فيه و لكن يتوقف عند نقطه معينه هل هى تحبه أو تتخيل زوجها السابق فيه
