"فناءُ الروح"
فاطمة آل علي ..
𖥢.......................................𖥢
بقيت بغرفتي بالعشه نزلت تعشينه وكملنه.
وصاحني بابا رحت يمه وكال..
ـ آريج.
اجت ماما كعدت يمنه وحجه بابا موجه الكلام لامي
ـ حجي خالد خطب آريج
هناء: المن
ـ لابنه الجبير، صاح آريج
آريج: هاا بابا
ـ ابنه وياج بالكليه لو لا؟
ـ ماعرف منو قصدك
ـ ابنه هُمام
ـ ماعرفه
ـ يعني ماشايفته
ـ شفته كم مره يجي زياره لدكتور احمد
ـ اي احمد عمه
ـ اي
الي فهمته بابا يعرف اهل هُمام !!.
هناء: وانتَ شكتلهم
عمار: مانطيتهم جواب
هناء: تعرفهم تعرف سمعتهم شنو ابنه شيشتغل
عمار: اعرف بس حجي خالد لان معروف بالـ..... يشتغل بالاستخبارات بس ابنه ماعرفه سمعت بي محامي .
هناء: زين عنده بيت وحده لو ويه اهله
عمار: ما ادري، آريج بابا شتكولين
آريج: بگلبي، بابا شكول اني غير راح اموت حته اتزوجه غير گلبي طاك عليي، تحمحمت وحجيت .. ءحمم ماعرفه اني انتَ تعرفهم اكثر مني وشنو تكول انت اني وياك
عمار: يعني قابله تتزوجين هسه قبل لتكملين الجامعه
آريج: بگلبي، ياجامعه يابطيخ انعل ابو الجامعه لابو المستقبل .. ءءاذا يقبلون اكمل جامعتي وخوش ناس عادي اقبل
ـ خوش يصير خير
صعدت لغرفتي وگلبي صاير دمام اريد بس اخلص بدون ما انكشف طول الكعده واني خايفه ازلك بكلمة كدام بابا لو يحس عليه اعرف هُمام او عندي شي وياا بس الحمدلله خلصت جلسه التحقيق وطفرت صارت الساعة بـ 10 بليل واتصل هُمام جاوبتة..
ـ هاا جكليتي.
ـ هاا هُمام.
ـ شكال ابوج
ـ ماكال شي، كال يصير خير
ـ اي علساس بكيفه
ـ لعد بكيفك
ـ حبيبي لتخافين اذا صار شي اخطفج.
ـ ومنو كلك اجي وياك.
أنت تقرأ
فناءُ الروح
Romanceكيَف سيَتحول من عَالمي الوهمي الى عالمي الحَقيقي ليُصبح شَريك حيَاتي وسَندي وحَبيبي وهل سيتقبلنُي بجميعَ عيُوبي واخَطائي؟
