"فناءُ الروح "
فاطمة ٱل علي ..
يوم الكاك...
الكه الواهس يصفك بروحي جناح
اعله صدرك تطيح شهكاتي
واكلك هسه يله كلبي ارتاح .
..............................................................
- صباح الخير
- صباح النور .. امشي اوصلج بطريقي
- تمام
صعدنة بالسيارة ونطلقنه للمدرسة وصلنه نزلت ونطاني مصروف وكلي انتضريني مو طلعين اني اجيج كتله تمام ودخلت .. اول درسين طبيعي وبعدين اجت المُدرسة كالت الدوام راح يصير 4 ايام حضوري و 3 ايام الكتروني بسبب كورونا الفايروس واذا كثرت الاصابات راح نكعد ويصير الدوام الكتروني
اني من جهه فرحت لان ماحب دوام الصبح اكثر شي اكره كعدت الصبح بس اني اصلا ماعندي جهاز
خلص الدوام واجه اخوي آسر اخذني
..............................................................
- السلام عليكم
الكل: وعليكم السلام
هناء: يله أريج بدلي وتعالي تغدي
أريج: صعدت بدلت ونزلت بابا واخواني آسر وياسر واختي نور جانو كاعدين كلهم حرت شلون افتح الموضوع ابوية واخواني كلش متشددين ومعقدين بس شسوي لازم اطلب دعيت بگلبي وقريت ايات قرأنيه وكذا وحجيت..
آريج: ءحمم بابا
عمار: هاا
آريج: اليوم كالو الدوام راح يصير 3 ايام بالاسبوع الكتروني اريد جهاز
عمار: الله كريم
آريج: هوه انتَ ماطول كلت الله كريم يعني ماكو .. خزرني ودار وجهه .. كملنه وصعدت لغرفتي بقيت اقره.. اني صف سادس اعدادي عمري 17 سنة.. داومت الاسبوع كولة وبنهايه الاسبوع واني انتضر بابا اخواني اي احد بيهم بس ماكو اذا ما اني ابادر والح مستحيل يسولي الشغلة الاريده.. نزلت جوه وشفت اخوي آسر رحت اتلوكله شويه كتله..
آريج: آسوري
آسر: ومرض
آريج: بگلبي كلت ،، گبر شكد مليق تف عليك اني احجي وياك بس والله لو ما الحاجه بقيت صافنه بوجه ثواني
آسر: كملتي صفنتج؟
آريج بفهاوه: هاا
آسر: وعلاه
آريج: ههه اخويه حبيبي شبيك غير جايه احجيلك واشكيلك شعندي غيرك اني فدوه لطولك
آسر: شتشكيلي شبيج جنج سعلوه
آريج: اخ گلبي
آسر: شبيج
آريج: جاي اعاملك بلطف لتصير حيوان
شمر عليه المخده وكام سبني طلعت ركض وشردت، هاذ ما منه فايدة مستحيل يجيبلي طفرت لغرفه بابا ماعندي غيره وصارله اسبوع مغلس اخر شي كلت خل ادك الباب قابل شيصير
أنت تقرأ
فناءُ الروح
Storie d'amoreكيَف سيَتحول من عَالمي الوهمي الى عالمي الحَقيقي ليُصبح شَريك حيَاتي وسَندي وحَبيبي وهل سيتقبلنُي بجميعَ عيُوبي واخَطائي؟
