مغامرات بسملة

الفصل الأول

بسم الله

هنبدأ مع الأب واسمه موسى

موسى: بقول لك ايه يا أماني أنا المرة دي هدخل بسملة آلة الزمن.

اماني الأم بزعر وصوت عالي: نعم يا اخويا، مش كفاية حاولت تدخلنا وتنقلنا حولتني لقرد، وأحمد لفار، ورنا لارنب.

موسى بضحك: شفتي يا ستي عملت حديقة حيوان في بيتي.

اماني بغضب: انت بتهزر يا موسى، سيب بسملة في حالها، اهي تاكلنا عايزها تتحول هي كمان لحاجة تانيه وربنا يستر وما يكونش حيوان مفترس، وغير كده أنا خايفة على البت.

موسى: يا ستي ما تقلقيش، المرة دي هينجح إن شاء الله.

أماني: انت كل مرة بتقول الكلام ده وبيدخل حد فينا وبيتحول لحيوان.

موسى: ما تقلقيش واكمل بضحك: اهي لو اتحولت تكمل حديقة الحيوان.

أماني بغضب: لا مش هتكمل عشان الحيوان الكبير لسه برة.

موسى بضحك: لمي نفسك يا أماني عشان لو شتمتي مرة تانيه هوديكي حديقة الحيوان، وتعيشي مع القرود، وياكلوكي موز وعيش فينو.

أماني بغضب: بقى عايز توديني يا موسى حديقة الحيوان، يا خسارة السنين اللي عشتها معاك، وفي الآخر حولتني لقرد، وعايز توديني حديقة الحيوان.

موسى بضحك: خلاص يا ستي مش هوديكي حديقة الحيوان بس تسيبيني اجرب التجربة المرة دي على بسملة، وإن شاء الله هتنجح.

أحمد بضحك: يلا عشان تتحول هي كمان لحاجه تانيه.

موسى بضحك: اسكت يا اللي بتنزل في البلاعات والمجاري.

أحمد بضحك: شفت يا بابا بستكشف الحاجات.

موسى بضحك: وما لقيتش غير الحاجات دي اللي تستكشفها.

أحمد بضحك: اهو نصيبي كده يا عم موسى، وبعدين الآلة اللي حولتني لفار اعمل ايه أنا بقى.

رنا: طيب يا اخويا على الأقل اتحولت لفار، وبتعرف تجري امال انا اللي اتحولت لارنب وكل شويه بتنطط.

أحمد بضحك: على الأقل بتاكلي خضروات، مش زيي بمشي في البلاعات.

رنا بضحك: ابسط يا عم يلا تعيش وتاخد غيرها.

أحمد بضحك: حرام عليكي يا شيخة غيرها ايه بقى ما خلاص، واكمل ببكاء مصطنع: منه لله اللي كان السبب.

موسى بضحك: بس يا ولا بدل ما احطك في المصيدة بتاعت الفئران.

أحمد: خلاص يا حج موسى اخر مرة.

موسى بضحك ناس بتيجي بالعين الحمرا، وأثناء ما كانوا بيتكلموا دخلت عليهم بسملة.

بسملة: عاملين ايه يا جماعة.

موسى: جيتي في وقتك.

بسملة بخوف: خير يا عم موسى، حاسة انك ناوي تدخلني آلة الزمن.

موسى بضحك: احبك وانت فاهماني يا بسبوسة، يلا يا حبيبتي انتي اللي عليكي الدور.

بسملة: حرام عليك يا بابا مش كفاية اللي حصل لماما واخواتي.

موسى: ما تقلقيش يا بسبوسة، بإذن الله التجربة هتنجح.

أحمد بضحك: ولو ما نجحتش هتكملي القفص.

بسملة بضحك: بس يا اللي بتاكل جبنه رومي.

أحمد بضحك: يلا اتريقي اتريقي، ما انتي هيبقى الدور عليكي.

بسملة: ربنا يستر، بس يا ترى هتحول لايه

موسى بضحك: خلي عندك أمل بس.

بسملة: يعني بذمتك يا بابا أنا شايفة كلهم اتحولوا لحيوانات هيبقى عندي أمل ازاي!

موسى: ما تقلقيش، أنا كل شويه بطور من الاختراع.

أماني بضحك: لا يا راجل، ده انت افشل مخترع شفته في حياتي.

موسى بضحك: بس يا بت بدل ما هنفذ تهديدي.

أماني: منك لله يا شيخ.

موسى: هنفذ .

اماني بخوف: خلاص، خلاص، وبالفعل جت بسملة عشان يجرب ابوها عليها التجربة.

موسى: يلا يا بسملة هتدخلي جوة آلة الزمن، والباب هيتقفل عليكي، هتقفي، وهيكون فيه تاج على راسك هتلبسيه، وهتبدأ الآلة توديكي الزمن اللي حددته لها.

بسملة: تمام يا بابا.

أحمد بضحك: ما تقلقيش هتبقي جنبنا في القفص.

أماني: يا ترى يا بنتي هتتحولي لايه.

موسى: بس بقى بطلوا كلام، يلا يا بسملة مستعدة.

بسملة: ربنا يستر، وبالفعل دخلت آلة الزمن، وشغل موسى آلة الزمن، وحدد الزمن اللي عايزه، وبعد شويه نادى على بسملة ولكنها ما ردتش.

أماني بخوف: هي ما بتردش ليه يا موسى؟

موسى: ثانية واحدة هشوف.

أماني بغضب: وديت بنتي فين يا موسى؟

موسى: للأسف أنا جيت اشوف الآلة مكتوب لا توجد نتائج وجنبها game over

أماني بزعيق وغضب: وحياة أمك، مكتوب ايه! وديت البت فين؟ ضيعت البت

موسى: اهدي بس يا أماني أكيد راحت لزمن تاني بس اتمنى ما يكونش في خطورة عليها.

اماني ببكاء: منك لله يا شيخ.

موسى: خلاص بقى يا أماني، أنا بحاول ارجعها بأي طريقة.

أماني: مش هسامحك يا موسى، ضيعت البت.

موسى بحزن: اصبري يا أماني بالله عليكي خليني احاول ارجعها، أو اشوفها فين.

نروح لبسملة.

فتحت بسملة عينيها، ولقت نفسها فجأة في.

توقعاتكم.

ما تنسوش الvote والتعليق برايكم بصراحة.