" الله خلق فيني عزة نفس ماتنعاب.. وغير الله محدٍ على كيفه يمشيني .. 📿"

"... 1..."

/ لطفاً لايك قبل القراءه لجهودي وشكراً../

.
.
.
.

/السلام عليكم كيفكم..
طبعاً هذي روايتي الثالثه وحبيت اشاركم فيها..
وارآكم تسعدني.. ♡/
.
.
.
.
.
.
مارح احرق الاحداث عليكم.. شوفوا البارت وعطوني رايكم بالاحداث والشخصيات.. اضن هذي مقدمه مالها داعي بس وش نسوي لابد منها. "

.
.
.

‏من قسوت الحـظ مالي خاطر أتكلم..
خَلوا جروحي بوسط القلب مدفونه..

قلبي من الحـظ كم يشكــي ويتألم..
وكم مواجـــع تهــز القلــب وركونه..

ياسامع ابيات شعري قلبي اتحطم..
من كثر ماالضيق والاتعاس هدونه..

كل ما اظــن ان حظي زان واتبسم..
يعود بي بين ضيــق الحال وغبونه..
.
.
.

______••______

.
.
.
.
.
.
.
.
.

/الثلثاء....../

/ وسط لندن ع الساعه 4:00 مساء /

: نبذه عني.....

نايم عسريري الي اقل مايقال عنه فخم، بالعكس برغم اني مستأجر شقه إلا انها كانت من افخم الشقق الي ممكن يأجرها شخص، بس هالشي ماكان منطبق علي، لا... كنت متربي على ان اي شي ابيه الاقيه، اي شي توقع عيني عليه املكه، هالصفه الي كسرت راس الي حولي ، وشافوني مغرور ومتكبر ، وانا فعلاً مغرور وشايف نفسي حيييييل، بحكم سفرتي وعيشتي ببلاد الغرب، غيرت من شخصيتي واسلوبي وثقافاتي وكل شي، ماعاد فيني شي تلاقوه منطبق منزمان، لا الحين ماخذ الجنسيه البريطانيه الي ماعمر احد لاقاها بالساهل، بس انا منو ؟ انا الي بتتعرفون عليه الحين...

انفتح باب الشقه بهدوء ودخل وسكر الباب وراه..
ناضر يمين يسار: وينه ذا ؟ ليكون بعده نايم بس.

وفعلاً حط خطاه على غرفته واول مافتح الباب ووقعت عينه ع النايم وسط سريره هز راسه بيأس منه، توجه لعنده وحط مفاتيح سيارته وباكيت السجائر ع الكومدينه وحط يده ع اللحاف وسحبه بقوه عنه: قووووووممم بسّك نوووم ياوررع..
ماجاه اي ردة فعل من الطرف الثاني غير انه عدل نومته وحط المخده على راسه وبصوت ناعس: سلطان قسم بالله اجلدك.

: ياخي ماتشبع نوم انت ؟ قوم ع الاقل خل نطلع مو نوم نوم نوم ترا غثيتني .

ماجاه رد، الين عرف انه رجع لنومه..
توجه لعنده وقعد طرف السرير جنبه: رواد.
لارد...
لف وحاول يسحب المخده عن وجهه إلا ان رواد مقاوم وبصوت ناعس ومفخم بفعل المخده على فمه: وشتبي..
سلطان: قوم ورانا مشوار للجامعه مع الشباب وانت نايم..
رواد: الساعه كم ؟
سلطان: 4...
رواد: ومتى بنروح الجامعه ؟
سلطان: 5..
رواد: اجل الين تصير 5 قومني لاتنكد نومتي.
سلطان زفر انفاسه بتحلطم: انزين حبيبي على راحتك، الشرهه علي آنا..