فرح:تقريبا بده يطلع الصبح واني بعدني مانمت كمت علكيفي واني أخذ ملابسي حت ابدل وماعرف وين اطلع دخلت للحمام واني افكر ب امي وافكر ب انمار شنو راح اسوي ةني اصلا وزهراء منا وبيت جدنا ضليت ب حمام تقريبا ب ساعه كملت وطلعت واني لابسه بس شورت وفانيله داخليه ضليت اجفف ب شعري هوه من طوله حت اجففع المهم جان جو تقريبا شوي بارد لبست بنطلون وبلوزه لون جوزي وستره جلد لون اسود ولبست كاسكيته لون اسود خليت عطر باوعتلها اخر نضره وطلعت سديت الباب ردت انزل حبيت اطمئن شوي ع امي رحت الها لكيتها كاعده تقره قران تقربت منها وبستها شلونج حجيه
علياء؛هلا بنيتي وين جنتي البارحه
فرح:تذكرت انمار وحسيت ب غصه اريد ابجي يمها ها يمه جنت يم العميد هيج نروح ب مهمه
علياء:يمه لاجذببين عليه اني اعرفج من عيونج وحافضتج احجي شصاير
فرح:نزعت الكاسكيته ونمت ع رجلها يمه تعبانه حيل
علياء:عمت عيني عليج احجي شصاير منو وياج يمه
فرح:خليت ايدي ع عيوني ماريد تنزل دموعي يمه رجعتلي يمه رجعتلي وهيه تعتذر بس هاي المره رجعت وعندها ثنين اطفال ومريضه
علياء؛يمه ياهيه شبيج لاتبجين تكطعين كلبي هيج
فرح:يمه هيه الي دمرتني وعافتني ب وقت اني احتاجها يمه كل ما اريد افرح فتره لازم اكو شي يخررب فرحتي يمه تعبت والله ماكدر لهاذه الحمل احس دنيا كلها ع اجتافي
علياء:اسم الله عليج بنيتي بيه ولابيج يمه صارت ماضي هسه انتي عندج زهراء وخوش بنيه يايمه انت مو ردتيها ها حبيبتي
فرح:يمه تريدني ابقه يمها اخر ايام حياتها
علياء:سامحيها يمه وابقي يمها وخلي زهراء تتعرف عليها لضمين شي عليها ةاحجيلها كلشي سامحيها يمه هاذه ماضي وانت بعد كم يوم تزوجين ولتفكرين بيها هواي بنيتي انت اني ماتعودت عليج ضعيفه اني تعودت عليج فرح القويه الي لو دنيا كلها ضدها تبقه قويه وميهزها شي انتي العامود مالتنه يمه وكلنه نتچه عليج وانت القوه مالتنا كلما اباوع عليج اتذكر ابوج شلون جان ساندنا وهسه انت صرتي ب مكانه لتضعفين بنيتي ادري بيج تعبانه بس دموعج لتنزليها انت قويه بنيتي
فرح:رفعت روحي ومسحت دموعي بستها من راسها واني احس شويه نوع من القوه
فرح:يمه أن شاء الله راح ابقه يمج واسندج ومراح اقصر وياج بشي.حبيبتي
علياء:الله يحرسج ويحفضج الي ويبعد عنج.كله مكروه حبيبتي
فرح:يابعد عيوني يمه شصايؤ البارحه يمه شكو
علياء:يمه جدج ميريدنه
فرح:سولفيلي شصاير
علياء؛يمه تذكرين من رحنه سافرنه جنتي بعدج.شوي شابه ولمن ابوج عافهم علمودي لان مقبلو اني ابقه وي ابوج وهمه من الإساس مقابلين على علاقتنا
فرح:اي يمه اتذكر صارت بوكتها مشاكل وضلو يهددون بابوي وأبوي جان مدمر لوكتها ومشاكل
علياء:اي يمه وجدج البارحه تذكر كلشي.وين الكلام الجارح سمعني يا وين الكلام الي يهز الواحد من طوله سمعني واني ماتحملت كلامه وطلعت وميريد زهراء تصير الج
فرح:لتخلين بالج يمه ولاتبجين ولاتنهزين يمه حبيبتي القويه وداعتج اله تخليهم يبوسون رجلج واندمهم ع كل دمعه وكعوها منج وعيونج حبيبتي
