تبدا القصه من عند لمى صحت مفجوعه من كابوس وناظرت الطاوله الي جنب سريرها تدور جوالها وناظرت الساعه ١١ ومتاخره عن الجامعه قامت بسرعه تغسل وجهها وتفرش اسنانها ولبست بنطلون اسود ضيق وبلوزه بيضاء مع صدريه سوداء فوق البلوزه وتنزل تبوس راس امها واخذت مفتاح السياره
وتوجهت للباب بتطلع وتصدم بجسم ضخم وقوي وناظرت فيه
لمى :خيرر ماتشووف وراي محاضره
فارس : بسم الله طيب مادريت وانتي الي جيتي تركضين انتبهي قدامك مره ثانيه
لمى : طيب وخر وصد
فارس قال : سمي وهو يضحك
لمى : تشتم فيه وتقول بعد يضحك مسوي خفيف هو ووجهه
فارس قال في نفسه العن ابوها دوختني بجمالها
لمى: امممم تراني اسمع وحطت يدينها على خصرها
فارس : مين الي قال كذا مانعرفه مانعرفه
لمى : اي كني اتوهم وهي كانت عارفه انه هو
فارس: ااففف ومسح على جبهته الحمدلله عدت على خير
لمى دخلت المحاضره بسرعه وكانت خايفه وتخصصها كان طيران
_________________________________________
عند لجين صحت تدور اخوها تبي تلحق المحاضره لان دقت عليها لمى وقالت لها ترا الدكتوره قاعده تحضر الحقي بسرعه
وطلعت برا وشافته على الكراسي
لجين : تكفى فرووس ودني الجامعه
فارس: اما عاد فروس بوديك لاتصيحين
لجين : الله يسعدك بركب السياره وتعال الحقني
فارس : تمام
بالسياره
لجين : فارس ماودك تشغل لنا شي
فارس: اغاني ومع الصبح الله يصبرني وش تبين
لجين : اممممم
فارس : وبعد تفكرين خلصي
لجين : اكيد اليساااا
فارس : ياحبك ل اليسا زي حبي لوحده
لجين : فارس 😉
فارس : نعممم ترا اقصد اليسا زيك
لجين : اهاااا ترا لموو تتصل علي ثواني كانت متقصده تقول هالكلام عشان يسمع فارس
فارس اول ماسمع اسمها فزز
لجين : بسم الله عليك وش فيك وغمزت له
فارس: خلاص خلصي كلها يومين واخطبها
لجين: الله خويتي بتصير نسيبتي
فارس : يويلك تقولين لها اليوم
لجين : تقدر تخليها بكره الخطبه ؟
فارس : اقول انزلي للجامعه ولا يكثر
دخلت لجين واستقبلتها لمى باحضان وشافو ديم من بعيد وقالو الله كلنا تاخرنا وقعدو يضحكون
بنات بما اني جيت بدري قبلكم وتحضرت بقولكم خبر حلو
ديم ولجين : وششش تحسمنا
لمى : ترا لما جاء دوركم حضرتكم
ديم : الله يسعدك وحضنتها
لجين : ياربي لاتحرمنا منك وترا عندي خبر حلووو
لمى : تحمستتت وشوو
لجين : ترا اخوي مهددني بس بقولك
لمى : منهو فارس ؟
لجين : فيه غيره الحب وتغمز للمى
لمى : يع وش يبي بعد اليوم صدم فيني
لجين : تراه خطيبك من بكره
لمى : استحت ونزلت راسها وقالت مادري مادري بفكر
لجين : تكفين الله يسعدك وافقي بفرحهه
لمى : طيب اصبري اول وقعدو يضحكون
لجين هي ولمى اخر ناس يطلعون من الجامعه
لجين : لمى تركبين معنا ماحد جاك
لمى : تم بس من بيوديك
لجين : خطيبك
لمى : وش رايك انتظر بالشمس
لجين : وربي لاتجين
ركبو السياره
فارس عدل المرايه على وجهه لمى الي كانت حاطه الطرحه على راسها وفاكه شعرها الاسود الطويل ومنتثر على صدرها
لجين لاحظت فارس وهمست باذن لمى تريه يناظرك من اول
لمى كانت تتميلح على اغاني هيفاء وهبي وشالت الجوال ناظرت المرايا ولقته صدق يناظرها صدت بسرعه وناظرت الجوال من الخجل فارس عرف انه احرجها ووخر المرايا عنها
لجين : فارس حط لنا اغنيه على ذوقك
فارس : من عيوني
لجين : من متى وانت تقول كذا
فارس: افا انتي اختي اكيد بقولك كذا
لمى : اخلصو بروق
فارس : تم تم لاتعصبين
لمى ضحكت هي ولجين
وشغل فارس
متى مره تجيه صدفه
متى تسمحلي الاقدار
تمنيتك تجيني يوم
واعيشك ماضي وحاضر
تعال ارجع هنا بيتك
بقلبي والقلوب اسرار
لجين : الي عرفت انه يقصد لمى بالاغنيه بس لمى فاهيه
ورجعو البيت ودقت لجين على لمى وديم فيديو كام وقالت لهم ترا اليوم العزيمه عندي مجهزه لكم جدول
ديم: تمممممم
لمى: احلفي عاد كنت طفشانه
لجين : جهزو نفسكم العصر وتعالو
___________________________
العصر
لمى قالت لياسر : الله يسعدك ابي المفتاح حقي وينه دوره معي
ياسر: على وين ان شاء الله
لمى : بروح لصديقتي
ياسر: شوفيه فوق الطاوله حقت التلفزيون
لمى : الله يسعدك
ياسر : امين انتبهي لنفسك
لمى وديم وصلو بنفس الوقت
واستقبلتهم لجين بالاحضان وقدمت لهم الحلا وقالت لهم بنات طفش نرقص
لمى : والله تمم وانا اول وحده
لجين : كنت ناويتها انتي وجت من الله
ديم : برقص بعد شوط لمى المميز
ضحكت لمى وقالت الله يسعدس
وشغلو اغنيه
برضاك ولو مو برضاك
عاجبني اتغزل بيكك
عاجبني اتغزل بيك
وبدت تتمايل مع اللحن وتهز خصرها وكانت لجين وديم يصورونها ستريك لفعالياتهم
وهزت كتفها وقالت بنات بديت اتعب من تجي تكمل
ديم : انا انا
لجين يلا دورك.
لجين ارسلت الفيديو للستريك وماتدري ان فارس من ضمنهم
فتحت الجوال لقت فارس مرسل : يالبيه ذي خطيبتي ؟
لجين : احح اسفه وربي ماكنت ادري
لمى : سلامات وش فيكك
لجين : ارسلتها لفارس بالغلط سامحيني
لمى : ماعليه بس لاتضايقين نفسك بالنهايه هو خطيبي
لجين : الله يعني وافقتي
لمى : خليه يخطب رسمي وبوافق
لجين : طيبب بروح اقوله وافرحه
لمى : الله يكون في عونه بس
ديم ضحكت
لجين ناظرت في لمى من فوق لتحت وقتلت شقصدك
لمى : ولا شي سلامتك
لجين : طيب اوريك بتصيرين معي بنفس البيت لمده اشهر
لمى : يصير خير
لجين :راحت تكتب ل فارس ولو اقولك انها خطيبتك من اليوم ورايح
فارس: كتب لها عطيني رقم خطيبتي
لجين: تراك مستعجل اصبر على رزقك
فارس :طيب قولي لها اخطبها باليل اليوم عادي ؟
لجين: تمام بقولها
راحت لجين تقولها :تتوقعين وش رده
لمى : امممم فرحان ؟
ديم : واثقه بعد هههههههه
وضحكت لمى :وش اسوي هو يبيني طيب اكيد فرحان
لجين : قال يبي يخطبك شوي باليل
لمى : يمه مسرع بروح البيت اتجهز اعذروني
لجين : يعني اقوله عادي يجي
لمى. : شرايك؟
لجين : خلاص خلاص طيب
