السلام عليكم•••
نكمل قصتنه بـ بارتـ9 من قصة" العائله"••
وهي نصف النهايه💔•💔•💔•💔
نبدأ
بسم الله الرحمن الرحيمـ»
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ــــــ افراح:؛
هي منتبه وي كل كلمه دكولها وسن اليه
وخلص الفيديو الصوتي
صفگت اليَ وهي مبتسمه
هيام:؛ متووقعتتج هيج تسجلين صوتها
، تدرين اني ردت هي اكلج من البارحه بس كلت ﺧ شويه شويه افهمها
بس انتِ سبقتيني بـ خطوه عففيه عليج
افراح:؛ ابتسمت الهَ وكلت:؛ ست اي وبعدين شنو انسوي؟
هيام:؛ القط الفقيرر
استغربت وكلت:؛ ست شنو القط الفقير؟!
هيام:؛ ارجعي منا روحي لبوج ابتسمي اله فرحي اخوانج واخواتج بشي
امج خليها تضحك خلي اهلج يضحكون علمود تشوف انو انتِ ممهمته الكلامها كله،، خلي الكل من اهلج يصير بس يشوفج يبتسم لارادياً علمود هي تبدي
تبيين كدام اخوها شلون هي تريد اتخربكم
كملت كلامها وبعدين حجت:؛ وهسه فهمتي؟
افراح:؛ هاا ست اي فهمت
يعني من ارجع اخلي طاقتي ايجابيه مثل مدكولين
وما ابين الها اني مهمته الكلامها مالت البارحه
هيام:؛ عفيه بالشطوره
ابتسمت الها
ورجعت حجت:؛ على كولت الشطوره شلونج بالدراسه تدرسين لو بس هيج!
افراح:؛ ست تردين الصدگ
هيام:؛ اي احجي امي
افراح:؛ مرات اكعد الوحدي واكول اذا رسبت بالثالث
قاطعتني وحجت
:؛ وليش هل كد انتِ متفائله بالرسوب
سامعه بالمثل الي يكول "تفاعلوا بالخير تجدو"
اتفاعلي بالخير بدل مدكولين ارسب گولي انجح
بدل مدگولين وسن شاده وياي ومتخليني ادرس
گولي اني دراستي وحلمي ونجاحي ميوقفه لاا وسن ولاا غيرها،،
يمگن هسه انتِ دگولين شنو فائدة الدراسه وهاذ الشي عادي
لئن انتِ اهنا "طالبه" فقط عليج تدرسين
حته تنجحين بس اذا بطلتي!!
من راح تكبربن تصيرين بكدي اصغر مني تشوفين البعمرج كملو دراسه
وتتحسفيين كلش لئن ماكملتي دراستج بسبب
كلام عمتج الي مايكول خبز
اما اذا كملتي دراستج ودخلتي التخصص اليعجبج
وتكسرين خشم جميع واحد حجه عليج وتتعينين وغيرها راح يصير تغيير بحياتج "راح يصير من جانتت وسن تحاربني على دراستي وتصير
هسه كسرت خشم وسن الي رادتني ارسب"
لاتخلين كلشي سلبيي سلبي
واكلج يمكن اكو سلبيات تشجعنهه على التواصل بـ مسيرتنه
مثلا وسن هي كلها على بعضها سلبيه بس تشوفيها
وتنطيج سلبيه الدراستج مو صحيح؟
افراح:؛ صحيح هي بس تشوفيني بودها تاكلني من الكره
:؛ شفتي يعني هسه انتِ شلون اول ايام تدرسين؟ ليش؟
افراح:؛ علمود اكسر خشم وسن..
هيام:؛ وهي عباره عن سلبيه تنطيج مو ايجابيه ففف ياحبيبتي هي سلبيه تنطيج بس شجعتج علمود
تكملين دراستج
ابتسمت الها بأمتنان:؛ ست والله بدونج ماعرف شنو صار بيه ويمكن حته مليت من الدراسه وبطلت
هيام:، لادكولين هيج امي، خليج قويه ومثل ماتفقنه اليوم سويها
والموبايل خلي عندي ضمي بذاك المجر الي وراج ومن تطلعين تعاي
اخذي
رحت اخذته وحطيته بالمكان الكالت علي
