متابعه الحساب + تصويت لكل بارت
ــــــــــــــــــــــــــــــــــــــــــــــــــــــــــــــــــــــــ اتمنى يعجبكم
كملت كلامي وجهه وكأن انتفخ من العصبيه
اندارت على بابا وكالت
وسن:؛ چا احنه شنو اتفقنه!!
:؛ بس احنه ماتفقنه شي البنيه دراستها وجدها جان يوصي بدراستها ولمن اني ردت ابطلها من ذيج السنه هو ماوافق
وتبقه كلمته على راسي ولمن اسويها دكتوره
:؛ والسانها، بعدين هي اذا ماجابت درجه زينه انبطلها
وتكعد وتسكت
:؛ طبعاً وبكل تأكيد اذا جابت درجه تقل88ابطلها وتكعد
. ابتسمت بمگر وكالتلي:؛ بس فروحه جيبيلي مشط بلازحمه عليج فدوه
رحت للغرفه حته اجيبلها مشط
جان تجي وراي وتحجي بصياح مكتوم
:؛ عسبالجج اسكتلج واخليج تكملين لا عيوني لاا اذا ماخليتج حته بالحلم تكرهين الدراسه والله
وعسبالج اني هنا بس علمود الدراسه،،،
اذا ماخليت ابوج يذبحج انتِ و امج و اخوانج و واخواتج
:؛ وخري شنو تردين انتِ؟؟
:؛ سهله اذا مخليتج بالدراسه تتمنين تاخذين 50 تحلمين بالنجاح والتوفيق بحياتج كلهاا ولللله
:؛ نشوف أن شاء الله
غصيت بكل كلمه اكولها
وصارت غصه بـ بلعومي غصه ماكدرت ابلعها
غصه ثكيله لاكتني اختي زينب عمرها
10سنوات
كالت:؛ شبيج فروح ليش وجهج احمر؟
جاوبتها واني الغصه الي بيه ماتخليني حته اتنفس
:؛ مابي مابيه شي
صعدت فوك واني دموعي تنزل
كمت احجي ويه نفسي
:؛ زين ليش لي ليش هي خبيثه خبي خبيثه
شنو تريد مني ومن ماما ومن اخواني واخواتي حته
هيج حاقده على عائلتنه وبابااا تريد تذبح ماما
ما ما ماما
صرت اشهك ويه نفسي
ماحسيت على نفسي واني نمت
،،،،،،،،
كعدت ساعه بـ7ونص
توضيت وصليت
نزلت جوه لكيت بابا كاعد وبصفه وسن
كلت البابا:؛ بابا ليش منروح لسوك نشتري قرطاسيه!!
فزت وسن وهي دكول:؛ خير شكوو وين ترحين لسوك،، ماعندج مالت العام وستخدميهن هو انت تضحكين على نفسج مالت جيبين الوزاري مستحيلللل
افراح:؛ وليش هلكد متأكده
التفت على بابا الي ملتهي بلاخبار:؛ بابا هسه وره العشه اروح للمكتبه بس اشتري قرطاسيه
جاوبني:؛ خوش خوش وره العشه حضري نفسج
التفت على عمتي وبتسمت
وطلععت من الصاله اروح اساعد ماما بتحضير العشه
افراح:؛ مااااامي هسه انروح للسوك وره العشه اجيب قرطاسيهههه
:؛ وشنو هسه ترحون!!
:؛ ي هم يالله بعد 6ايام للمدرسه
.........
انتهى حديثنه وصدك بليل رحنه للمكتبه واشتريت
كل الي ابالي للوزاري
ومرت لايام وصاراً الـ6ايام وباجر المدرسه
صدك متحمسهه للمدرسه وشوف صديقتي روان
نزلت ساعه بـ10ونص بليل قررت اسوي ماسك كـعنايه البشرتي وهيج
سويت الماسك وصار مثل الكريم ؏ الوجه
دخلت وسن اول مشافت وجهي
دارت وجهه وراحت الباب الغرفه بابا
وكالت:؛ خويه بس تعال شويه شوف سيارتك ماعرف شنو بيهاا
طلع بابا بستعجال:؛ ها شنو شكو شصاير؟!!
وسن:؛ ها بس تعال شويه
دخلو للمطبخ واني حاطه الكريم بوجهي
فزت وهي شاهكه وكالت:؛ يااايمه ياخويه والله وكت
بتك تفترر بالبيت وهيج وجهه، حقهاا
حقها باجر مدرسه وتروح وجهه امدهن وتسود وجهك
هايه حلال بيها الكتل من واكفهه كدامك وهي حاطه طننن مكياج
ماتصيرر اخوي اذا ماكتلتلهااا هسه
اتسود وجهنه
طفر بابا وكام يضرب بيه
ضهري، راسي، ايدي، رجلي،
يضرب بيه وكأن حيوان اني ويصيح:؛ حاطههه هيج وترحين مدرسه شيكولون علييي...
ماعرف شنو بيه اذا اهتميت ببشرتي وحطيت كم شي على وجهي.!!
نفذت روحي من الضرب
وصعدت الدرج واني دايخه
صعدت الغرفتي باوعت بالمرايه
وشوف شكلي
وجهي مابي شي بس حلكي بي دم شويه
شفت ايدي بيها من فوك شويه
زراك
رجلي حمره من الضرب
بجيت وبجيت مليت من البجي ونمت
كعدت ساعه بـ6 حضرت روحي علمود اروح للمدرسه
صارت ساعه بـ7ونص حضرت نفسي وكلشي بس ايدي مبين شويه من القميص زراك
رحت لاكتني روان ودخلنه من بعد سلام طويلل
دخلنه وبدت المدرسات توزع الكتب باول يوم
واجت مدرسه الـ4 عرفتنه على نفسها انو هي
راح ادرسنه فيزياء
كاعده يمي روان وهمست يمي
روان:؛ ولج فريحهه هاي صدگ تحجي لابسه شال سمائي وفستان ازرق وحذاء سمائي
جنها خيوط مالت السيارات الي يحطونهم للزينه
ضحكت بصوت عالي وهي ؏ الواهس ضحكت
انتبهت علينه المدرسه وكالت
:؛ شنو هللل صلافهه واكفه عليجن وانتن تضحكن هسه تولن للاداره الباحثه لاجتماعيه تعرف شنو تتصرف وياجنن
اطلعننن
طلعنه واجت ورانه تودينه للباحثه لاجتماعيه
دخلنه لغرفه الباحثه
وجهه كلش حلو ومرتبه يطلع عمرها35/40
كالتله المدرسه:؛ اني عندي شغل بالشعبه اتفاهمي ويهم
وخل يجون
طلعت وكالت النه:؛ ماما تفضلو ولو هو اول يوم النه بسم الله وبلشنه مشاكل!
روان:؛ ست اسفين والله ماتتكرر بس اتذكرنه موقف
وضحكنه يعني هي متشرح موضوع حته انضل عقلنه ويهاا!
:؛اكعدو هسه ونسولف
كعدنه
كعدت وحطيت ايدي على الطبله وهي مركزه وينه
من طلعت لاأثار مالت ايدي لازرك باوعت علي
ورجعت باوعت علي بصدمهه
كالت الروان:؛حبيبتي هسه فهمت السالفه تكدرين اطلعين
بس البنيه تبقه يمي
طلعت روان واجت عليه
طلعت لاأثار مالت ايدي
وكالت بصدمه
:؛منوو كاعدد يضررب بيج؟!!
ـــــــــــــــــــــــــــــــــــــــــــــــــــــــــــــــــــــــــــــــــــــــــــ 🤍
شنو رئيكم
تصويت
تعليق على كل فقره وانطوني رئيكم بالبارت🔥😔💔
